Apocalipsis 1:4

Aymar Bibliia 1986

Naya, Juan, aca cartanac kellkasin apayta Asia tokenquir pakallko iglesianacaru. Catokapjjam jumanacajj Diosan bendicionapa, uqhamarac Diosan asquipsa. Uca Diosasti utjascapunïnwa, utjascaquiwa, jichhas utjascaquiniwa. Uca pachparaqui catokapjjam Diosan tronopan nayrakatapanquir uca pakallko ajayunacatsa.

Jak'a apnaqawi uñst'ayäwi

Salmos 90:2

Kollunac janïr utjquipana, acapachas janïr utjquipana, wiñayatpacha, wiñayataquiw jumajj Diosätajja.

Éxodo 3:14

Ucat Diosajj Moisesarojj saraquïnwa: —NAYÄTWA QHITÏCTEJJ UCAJJA. Uqham sasaw israelitanacarojj säta: “NAYÄTWA sisqui ucawa qhithanitu jumanacan ucarojja” sasa.

Isaías 11:2

Tatitun ajayupasti jupjjancapuniniwa, ucatsti yatiñampi, ch'iqhi cancañampi, suma amuyt'a chuymampi, ch'amampi, Tatitur uñt'añampi jupar ajjsarañampwa churani.

Isaías 41:4

¿Qhitis take ucanac lurejja? ¿Qhitis kalltatpach take cunsa sarayejja, cunjämarutejj sarañapäqui uqhamaru? Naya, naya Tatitu sapa Dios, nayätwa kalltasa tucuyasa.

Isaías 57:15

Alajjpachanquiristi, qhititejj wiñayatac jacqui, sutipasti kollanaraqui, ucajj aqham siwa: “Nayajj mä alto kollan chekanwa jacta, ucampisa qhititejj alt'at chuymani, llact'ata sarnakaraqui ucanacarusti ch'amañcharactwa.

Miqueas 5:2

Jumatsti, Belén Efrata, Judá orakenquir marcanacatjja jisc'aquïtawa, jumatwa Israelar mayni apnakerejj mistuni, ucasti mä nayra familiat jutiriwa.”

Zacarías 3:9

Nayasti Josué chachan nayrakataparojj uchtwa mä kala pakallko esquinani, naya quipcaw ucarojj mä aru kellkäjja. Ucatsti, mä urunacwa aca marcan juchapjja apakäjja.

Zacarías 4:10

Qhitinacatejj jani yäkapcänti jisc'a kalltäwinacjja, ucanacasti jichhajj cusisipjjaniwa Zorobabelan uca luräwinac tucuyjjatapatjja” sasa. Uca khepatsti angelajj yapt'araquiwa: “Aca pakallko lamparanacasti Tatitun nayranacapawa, ucasti uñch'uquiyasquiwa take acapacharu.”

Zacarías 6:5

Angelasti saraquituwa: —Acanacajja pusi thayanacawa, ucasti mistuniwa take acapachan Tatitupan nayrakatapata.

Juan 1:1

Cunapachatejj take cuna kalltcäna ucqhajja, Arojj utjapunïnwa; qhä Arusti Diosampïnwa, uca Arusti Diosänwa.

Hechos 19:10

Jupasti ucanjja pä maraw uqham parläna. Uqhamatwa take Asia token jaquirinacajj Tatit Jesusan arunacap ist'apjjäna, judionacasa jan judiöpqui ucanacasa.

Hechos 2:9

Aca marcanacatjjay acancapjjstanjja: Partia, Media, Elam, Mesopotamia, Judea, Capadocia, Ponto, Asia,

Romanos 1:7

Jichhajja take jumanacaruw kellkanipjjsma Roma marcan jaquirinacaru, qhitinacarutejj Diosajj wal munapctamjja, uqhamarac jupatac yakhachatäñataqui jawsatäpjjtawa. Uqhamajj jumanacajj catokapjjamay Dios Awquisana Jesucristo Tatitusampina bendicionapa, uqhamarac sumancañapa.

1 Corintios 1:3

Jumanacansti utjapunpan suman sarnakasiña, uqhamarac Dios Awquisana, Jesucristompin bendicionapasa.

2 Corintios 1:2

Jumanacajj catokapjjam Diosan bendicionanacapa, uqhamarac Dios Awquisan, Jesucristompin sumancañapsa.

Hebreos 13:8

Jesucristojj pachpaquïsquiw wasürusa, jichhürusa, wiñayasa.

Santiago 1:17

Take cunatejj asquïqui uqhamarac chekäqui ucajj alajjpachatwa juti, qhititejj alajjpach khananac lurqui uca Diosawa churistu. Diosajj pachpaquipunïsquiwa, janiraquiw jupanjja sarir ch'iwir uñtatas utjquiti.

Apocalipsis 1:1

Acajja cuntejj Diosajj Jesucristor uñacht'aycäna ucawa, uqhamat jupajj sirvirinacaparu yatiyañapataqui, cunatejj janc'aqui lurascani ucjjata. Jesucristojj aca uñacht'äwjja mä angelap tokwa Juan sirviriparu yatiyi.

Apocalipsis 1:11

“Nayätwa kalltasa tucuyasa, A, Z letranacjama. Cuntejj uñjcta ucanacsti mä libroru kellkam, ucatsti Asia tokenquiri pakallko iglesianacar apayam. Uca iglesianacasti acanacawa: Éfeso, Esmirna, Pérgamo, Tiatira, Sardis, Filadelfia uqhamarac Laodicea.”

Apocalipsis 1:17

Uqham uñjasinsti, jiwatjamaw cayunacaparu liwnoktta. Jupasti cupi amparapampi lokjjatasinjja situwa: “Jan ajjsaramti; nayätwa kalltasa tucuyasa.

Apocalipsis 1:20

Cupi amparajjan pakallko warawaranac uñjctas, uqhamarac pakallko kori candelabronac uñjctas ucanacajj aqham sañwa muni: pakallko warawaranacajj uca pakallko iglesianacan angelanacapawa; pakallko candelabronacasti pakallko iglesianacaraquiwa” sasa.

Apocalipsis 1:8

“Nayätwa kalltasa tucuyasa, A, Z letranacjama”, siw jach'a ch'amani Tatitojja, uca Diosasti utjascapunïnwa, utjascaquiwa, jichhas utjascaquiniwa.

Apocalipsis 1:9

Naya, Juanajj, jumanacan jilamätwa, jumanac chica t'akhisiriraquïtwa, Diosan ajllit marcapana, uqhamarac paciencia chuymtï Tatitojj churquistu ucana. Diosan arunacap parlatajj laycu, Jesucristot yatiyatajj laycuraquiw nayajj Patmos sat islan preso catutäscäyäta.

Apocalipsis 16:5

Ucatsti umancquis uca angelaruraquiw aqham siri ist'aracta: “Jumajj chekapapunïtawa aqham taripatamata kollan Dios Tatitu. Jumajj utjascapunïyätawa, jichhas utjascapuntawa.

Apocalipsis 2:12

Pérgamo iglesianquir angelaparojj kellkasinjja apayaraquim: “Aqham siw qhititejj purapar arini espada ayt'atäqui ucajja:

Apocalipsis 2:18

Tiatira iglesiancquis uca angelarojj kellkasin apayaraquim aqham sasa: “Aqham siw Diosan Yokapajj, qhititï ninjam nayranïquis uqhamarac cayunacapas mä suma lliphipquir broncer uñtatäquis ucajja:

Apocalipsis 2:8

Esmirnanquir iglesian angelaparojj kellkasin apayaraquiquim: “Aqham siw qhititejj kalltäqui, tucuyäcaraqui ucajja, qhititejj jiwcäna jichhasti jacascaraqui ucajja:

Apocalipsis 22:16

“Naya, Jesusawa, angelajja qhitta iglesianacar aca arunaca yatiyaniñapataqui. Nayätwa Davidat nayrasa, jupat sarakerisa, nayajj khantati warawararaquïtwa.”

Apocalipsis 22:8

Naya, Juanaw, ist'ta, uñjaracta take aca lurasïwinaca. Ist'asin, uñjasinsti, cawquïri angelatejj uñacht'ayquitu ucan cayunacaparu yupaychañataquiw quillt'asta.

Apocalipsis 3:1

“Sardis iglesiancquis uca angelaru kellkasin apayaraquim: “Aqham siw Diosan pakallko ajayupanïqui, uqhamarac pakallko warawaranïqui ucajja: Take luratanacamwa nayajj yatta; yatiractwa jiwatäjjatamsa, yakhanacajj jacasquirita uñt'apcstam ucasa.

Apocalipsis 3:14

Laodicea iglesiancquis uca angelar kellkasin apayam: “Aqham siw qhititejj chekapäqui, uqhamarac cunsa chekapapuni arsqui ucajja, uqhamarac qhititejj take cuntejj Diosajj lurqui ucan kalltapäqui ucajja:

Apocalipsis 3:7

Filadelfia iglesian angelaparojj kellkasin apayaraquim: “Aqham siw qhititejj kollanäqui chekapäcaraqui, uqhamarac rey Davidan llavepsa catjjäsqui ucajja; cunapachatejj jist'arqui ucqhajj janiw qhitis jist'antcaspati, ni jist'antqui ucqhas jist'arcaraquispati:

Apocalipsis 4:5

Uca tronotsti llijullijunaca, uqhamarac k'ejjok'ejjonacan suenatapaw mistuniraquïna. Uca trono nayrakatansti pakallko jach'a nina mechanacaw akaraquïna, ucanacasti Diosan pakallko ajayupawa.

Apocalipsis 4:8

Uca pusi jacasquirinacasti sapa maynis sojjta chhekhancamänwa, patatsa mankhatsa nayranacamp phoksuta. Arumay ururaquiw jan samaras sapjjäna: “¡Kollana, kollana, kollana, Take ch'amani Dios Tata. Jupajj utjascapunïnwa, utjascaquiwa, jichhas utjascaquiniwa!”

Apocalipsis 5:6

Ucatsti trono taypinjja cawqhantejj uca pusi jacasquirinacajj utjapcänsa ucqhana, uqhamarac cawqhancapcaraquïntejj jilïrinacajj, uca taypinwa uñjta mä Cordero sayt'ata. Uca Corderosti jiwayatjamaraquïnwa. Jupasti pakallko wajjranacanïnwa, uqhamarac nayranacapas pakallkoraquïnwa. Uca pakallko nayranacasti Diosan pakallko ajayuparaquïnwa, cawquïrinacatejj take aca oraker qhitanitäqui ucanaca.

Apocalipsis 8:2

Ucatsti uñjaractwa pakallko angelanacaru Diosan nayrakatapancasquiri. Jupanacarusti pakallko trompetanacaraquiw churatäna.