Apocalipsis 1:18

Aymar Bibliia 1986

Nayajj jacasctwa jiwatäcchïyäta ucasa. Jichhasti wiñayataquiw jacascta. Jiwañan llavepsa nayaw catta, jiwatanacan utjäwipan llavepsa nayaw catta.

Jak'a apnaqawi uñst'ayäwi

Job 19:25

Nayasti yatiractwa arjjatirejjan jacascatapa, jupaw nayaru aca oraken arjjataraquitani.

Job 38:17

¿Yattati cawqhanquisa ajjsarcaña jiwañan puncupajja?

Salmos 18:46

¡Tatitojj jallallatäpan! ¡Arjjatirejjajj kollanäpan! ¡Khespiyir Diosajjajj jach'añchatäpan!

Salmos 68:20

Diosasajj khespiyir Diosawa, jupaw wiñay jiwañat khespiyistaspa.

Isaías 22:22

Callachinacapjjaruw Davidan utapan llavenacap uscuraquëjja; janiw qhitis jupan jist'antatapjja jist'arañatac ch'amanïcaniti, jist'aratapsa jist'catañatac ch'amanïcaraquiniti.

Mateo 11:23

Uqhamaraqui jumajj Capernaum marca, ¿amuyastati alajjpachcama jach'aru aptatäña? Infierncam apakatäyätawa. Sodomantejj acan lurasqui uca milagronacajj lurasisapänjja, uca marcajj jichhürcamaw utjascasapäna.

Mateo 16:19

Churaraquïmaw Diosan reinopan llavenacapsa. Cuntejj jumajj acapachan chint'cätajj ucajja, alajjpachan chint'ataraquïniwa, cuntejj jumajj acapachan jararcätajj ucajja, alajjpachan jararataraquïniwa —sasa.

Lucas 24:5

Jupanacasti ajjsarañat orakeruw alintapjjäna. Uca chachanacasti sapjjewa: —¿Cunats jumanacajj jacasquirirojj jiwatanac taypinjj thakapjjta?

Juan 11:25

Ucjjarojj Jesusajj sänwa: —Nayätwa jactañasa, jacañasa. Qhititejj nayaru iyawsaraquitu ucajja jiwatäcanisa, jacaniwa.

Juan 14:19

Mä juc'ampitjja jakenacajj janiw juc'ampi uñjcjjapjjetaniti, ucampis jumanacajj uñjasipquitätawa, jumanacajj jacapjjätawa nayan jacascatajj laycu.

Romanos 6:9

Yattanwa Cristojj jiwatat jactasinjja, janiw mayampsa jiwcjjaniti, jiwañasti janiraquiw jupjjarojj ch'amanïcjjeti.

2 Corintios 13:4

Chekpachansa mä pisi ch'ama jakjam ch'accatatänwa, ucampis Diosan ch'amapampiw jichhajj jacasqui. Uqhamaraquiw nanacajj jupjam pisi ch'amanjamäpjjtjja, ucampis jupampi chicäjjasinjja Diosan ch'amapanwa jacjjapjjtjja jumanacar sirviñataqui.

Gálatas 2:20

Nayajj jiwjjtwa Cristompi chic ch'accatata, ucampis janiw nayajj jacjjtti, jan ucasti Cristow nayan jacjje. Aca janchin jactsa ucajja, Diosan Yokaparu iyawsatajj laycuquiw jacasctjja, nayar munasinwa jacañapa naya laycu apt'asiwayi.

Colosenses 3:3

Jumanacasti Cristomp chicaw jiwjjapjjta, jichhasti jumanacan jacañanacamajj Cristomp chicäjjewa Diosan nayrakatapana.

Hebreos 1:3

Jupawa Diosan jach'a c'ajquir khanapajja, juparaquiw cunäquitejj Diosajj uc uñacht'ayirejja, juparaquiw ch'aman arupampejj take cuns catjjäsi. Juchanacasat k'omachasinjja, alajjpachanjja Diosan tronopan cupëjjaparuw kont'asi.

Hebreos 12:2

Jesusaruy uñtañäni, jupatwa iyawsañasajj juti, juparaquiw uca iyawsañasjja phokhachani. Jesusasti crusanwa t'akhesi, jan uca casta jiwañaru p'enkasisa. Jupajj yatisïnwa uca t'akhesitapatjja khepürunjja cusisiñ jicjjatañapata; ucatsti Diosan tronopan cupëjjaparuw kont'asi.

Hebreos 7:16

Ucasti janiw sacerdotëñarojj purquiti mä familiat jutañapaw sisqui uca leyitjja, jan ucasti jan t'unjasir jacañan ch'amapatwa juti.

Hebreos 7:25

Ucatwa wiñay khespiyañataqui ch'amanejja qhitinacatejj jupa toke Diosarojj jac'achasipqui ucanacarojja. Jupasti wiñay jake jupanacatac Diosat mayiñataqui.

Apocalipsis 10:6

Ucatsti mä juramento luraraquïna, qhititejj wiñayataqui jacqui, qhitiraquitï alajjpachsa, acapachsa, kotsa, take cunsa lurqui ucan sutipjjaru: “Janiw jichhajj juc'ampi suyascjjaniti.

Apocalipsis 15:7

Ucatsti ucspacharaquiw maynïrejja uca pusi jacasquirinacatjja sapa mayni angelaruw mä kori copa churäna. Uca copanacasti Diosan jach'a ajjsarcañ colerasiñapawa phokhantatäna, cawquïri Diosatejj wiñayataqui jacqui ucana.

Apocalipsis 2:8

Esmirnanquir iglesian angelaparojj kellkasin apayaraquiquim: “Aqham siw qhititejj kalltäqui, tucuyäcaraqui ucajja, qhititejj jiwcäna jichhasti jacascaraqui ucajja:

Apocalipsis 20:13

Lamar kotasti jupan ucan jiwirinacwa catuyjjäna. Jiwañasa, jiwatanac catjjäscän ucasa, kawkhatï jupan utjcäna ucjpachwa catuyjjaraquïna. Take maynisa luräwinacaparjama taripatäpjjaraquïnwa.

Apocalipsis 20:14

Jiwañasa jiwirinacan utjäwipasa nina kotaru jakontatäjjänwa. Aca nina kotasti payïri jiwawa.

Apocalipsis 3:7

Filadelfia iglesian angelaparojj kellkasin apayaraquim: “Aqham siw qhititejj kollanäqui chekapäcaraqui, uqhamarac rey Davidan llavepsa catjjäsqui ucajja; cunapachatejj jist'arqui ucqhajj janiw qhitis jist'antcaspati, ni jist'antqui ucqhas jist'arcaraquispati:

Apocalipsis 4:9

Sapa cuti uca pusi jacasquirinacajj, qhititejj tronon kont'atäqui, uqhamarac wiñayataquis jacasqui ucar yupaychapqui, yuspagarapcaraqui ucqhajja,

Apocalipsis 5:14

Uca pusi jacasquirinacasti sapjjaraquïnwa: “Uqhamapunïpan” sasa. Uca pä tunca pusini chuyman jakenacasti quillt'asisinwa yupaychapjjaraquïna, qhititejj wiñayan wiñayapataqui jacqui ucaru.

Apocalipsis 6:8

Uñtasinsti uñjaractwa mä k'ellu caballo. Lat'jjatatäcän ucan sutipasti “Jiwaña” satänwa, khepäjjapsti qhititejj jiwatanacajj cawqhanquis uc uñjquejj ucaraquiw jutäna. Aca orakensti chicatan chicatapjjaru munañanïñawa churataraquïna, nuwasiñanacampi, mach'anacampi, usunacampi, cunayman jan wali animalanacampi jake tucjañapataqui.

Apocalipsis 9:1

Ucatsti pheskëri angelaw trompetap phust'asïna, ucatsti mä warawara alajjpachat jalaktasinquir uñjta. Uca warawarasti acapach orak mankha ch'amacan llavepa catokaraquïna.

1 Samuel 2:6

Tatituw jacañjja churi, juparaquiw apakjje; sepulturcamaw puriyistu, juparaquiw jacatatayaraquistu.