Apocalipsis 1:17

Aymar Bibliia 1986

Uqham uñjasinsti, jiwatjamaw cayunacaparu liwnoktta. Jupasti cupi amparapampi lokjjatasinjja situwa: “Jan ajjsaramti; nayätwa kalltasa tucuyasa.

Jak'a apnaqawi uñst'ayäwi

Génesis 15:1

Ucanac khepatsti Tatitu Diosajj Abramarojj mä visionan uñstäna ucatsti saraquïnwa: —Jan ajjsaramti, Abram, nayätwa jumar arjjatirimajja, jumar churañasti wali jach'apunïniwa —sasa.

Salmos 139:5

Take toket nayar muyuntista, amparamampiw imjjäsista.

Éxodo 14:13

Ucampis Moisesajj jupanacarojj sänwa: —Jan ajjsarapjjamti, mayjancapjjaquim. Jichhawa uñjapjjäta Tatitojj cuntejj lurcani jichhüru jumanacaru khespiyañataqui ucjja. Ucampis jichhüru egipcionacar uñjapcta uqhamjja janiw mayampsa uñjcjjapjjätati.

Éxodo 20:20

Moisesasti israelitanacarojj saraquïnwa: —Jan ajjsarapjjamti. Diosasti jutiwa jumanacaru yant'añataqui, uqhamarac jupajj muniwa take horasan jupar ajjsarasa jan jucha lurapjjañanacama.

Éxodo 3:6

Nayätwa nayra awquinacaman Diosapajja, Abraham, Isaac, Jacob ucanacan Diosapajja —sasa. Ucatsti Moisesajj ajanupwa imantasïna, jupajja Diosaru uñcatañjja wali ajjsarayasïna uca laycu.

Isaías 41:10

Jan ajjsaramti, nayaw jumampïscta, jan ajjsaramti, nayäsctwa juman Diosamajja. Nayaw ch'amañchascäma, nayaraquiw yanapascäma, atipjiri amparajjampiraquiw uywascäma.

Isaías 41:4

¿Qhitis take ucanac lurejja? ¿Qhitis kalltatpach take cunsa sarayejja, cunjämarutejj sarañapäqui uqhamaru? Naya, naya Tatitu sapa Dios, nayätwa kalltasa tucuyasa.

Isaías 44:6

Tatitojja, jach'a reyi, Israelan khespiyiripa, take ch'amani Tatitojj siwa: “Nayätwa kalltas, tucuyasa; nayat yakhajj janiw juc'ampi diosajj utjquiti.

Isaías 48:12

“Israel, Jacobon marcapa, ist'ita arunacajja, nayaw jumarojj jawssma: Naya sapaquiw Diosajj utjta, nayätwa kalltasa tucuyasa.

Lamentaciones 3:57

Cuna urutejj nayajj jawscäm uca urusti jutam, ucatsti saraquita: “Jan ajjsaramti” sasa.

Ezequiel 1:28

uca khanasti cürmir uñtataraquïnwa, cunapachatejj cürmejj jalluna kenay taypin uñstquis uqhama. Uqhamwa nayajj uñjta Tatitun c'ajquir cancañapjja. Ucanac uñjasasti nayajj oraker puriñcamaw p'ekejj alt'asiracta.

Daniel (hebreo) 10:12

Ucat jupajj nayaru saraquitu: “Daniel, jan jumajj ajjsaramti, kallta urutpachwa jumajj ch'amachasta take ucanac amuyt'añataqui, uqhamaraqui Diosam nayrakatapansa alt'ata chuymani tucuracta ucspachaw Tatitojj mayisitanacamjja ist'tam. Ucatwa nayajj jichhajj juttjja.

Daniel (hebreo) 10:15

“Uqhama jupajj nayaru parljjayquipansti, oraker alt'ataw sayascaraquïyäta, janiraquiw mä arsa arscäyätti.

Habacuc 3:16

Take ucanac ist'asajja ajjsarayastwa: janiw cunas arsuñjamäquiti; cayunacajjas janiw sayt'asiñataquejj ch'amanïcjjeti, take cuerpojjas janiraquiw ch'amanïcjjeti. Uqhamäquipansa, jan ajjsarañampiw suyt'äjja, cuna urutï Diosajj llaquisiñaru uchcani, jiwasanacaru t'akhesiyiri ejercitonacaparu.

Mateo 14:27

Ucampis Jesusajj jupanacarojj saraquïnwa: —Jan ajjsarapjjamti, nayäsctwa —sasa.

Mateo 28:4

Uc uñjasinjja soldadonacajj ajjsarañat wal qhathatipjjäna, jiwatäpcaspas uqhamaraquiw ucawjan liwisipjjäna.

Mateo 28:5

Angelasti warminacarojj saraquïnwa: “Jan ajjsarapjjamti, nayajj yattwa ch'accatatäcäns uca Jesusar thakasipcatama.

Juan 13:23

Jesusan maynïri wali munat discipulopajja, jupan jac'apanwa mank'ascäna.

Juan 21:20

Khepäjj uñaquipasisinjja, Pedrojj uñjänwa Jesusan wali munata discipulopar khepap arcasincatapa. Mank'apcäna ucqhajja aca pachpa discipulojj Jesusan thiyapancänwa, juparaquiw Jesusarojj jisct'äna: “Tata, ¿qhitis aljantätamjja?” sasa.

Apocalipsis 1:11

“Nayätwa kalltasa tucuyasa, A, Z letranacjama. Cuntejj uñjcta ucanacsti mä libroru kellkam, ucatsti Asia tokenquiri pakallko iglesianacar apayam. Uca iglesianacasti acanacawa: Éfeso, Esmirna, Pérgamo, Tiatira, Sardis, Filadelfia uqhamarac Laodicea.”

Apocalipsis 1:4

Naya, Juan, aca cartanac kellkasin apayta Asia tokenquir pakallko iglesianacaru. Catokapjjam jumanacajj Diosan bendicionapa, uqhamarac Diosan asquipsa. Uca Diosasti utjascapunïnwa, utjascaquiwa, jichhas utjascaquiniwa. Uca pachparaqui catokapjjam Diosan tronopan nayrakatapanquir uca pakallko ajayunacatsa.

Apocalipsis 1:8

“Nayätwa kalltasa tucuyasa, A, Z letranacjama”, siw jach'a ch'amani Tatitojja, uca Diosasti utjascapunïnwa, utjascaquiwa, jichhas utjascaquiniwa.

Apocalipsis 2:8

Esmirnanquir iglesian angelaparojj kellkasin apayaraquiquim: “Aqham siw qhititejj kalltäqui, tucuyäcaraqui ucajja, qhititejj jiwcäna jichhasti jacascaraqui ucajja:

Apocalipsis 22:13

Nayätwa kalltasa tucuyasa, nayrasa khepasa, A, Z letranacjama.”