Apocalipsis 1:11

Aymar Bibliia 1986

“Nayätwa kalltasa tucuyasa, A, Z letranacjama. Cuntejj uñjcta ucanacsti mä libroru kellkam, ucatsti Asia tokenquiri pakallko iglesianacar apayam. Uca iglesianacasti acanacawa: Éfeso, Esmirna, Pérgamo, Tiatira, Sardis, Filadelfia uqhamarac Laodicea.”

Jak'a apnaqawi uñst'ayäwi

Isaías 30:8

Jutam, jichhajj mä tablar kellkaraquim, mä kellka uscuraquim, ucasti khepa urunacataqui kheparpan, wiñay ucancañapataqui amtascañataquiraqui.

Jeremías 30:2

“Naya, Israelan Diosapa Tatituw arsta: Take cuntejj siscäma uca arunacjja mä libroru kellkantam,

Habacuc 2:2

Dios Tatitojj saraquituwa: “Kellkam ñek'e tablanacaru cuntejj uñacht'aycäma uca, ucasti mäqhi leet'cañaraquïñapawa.

Hechos 16:14

Uca warminacat maynïristi Lidia satänwa. Jupasti Tiatira marcanquirïnwa, suma color morado isinac aljirïnwa. Tatitusti juparojj chuymap ch'alljjtayäna, cuntejj Pablojj siscäna ucar jaysañapataqui.

Hechos 18:24

Ucürunacansti Apolos sata mä judío jakew Éfeso marcar purïna. Jupasti Alejandría marcanquirïnwa, uqhamarac mä suma parlt'ir jakeraquïnwa. Kellkatanacatsti sumaracwa yatïna.

Hechos 20:17

Mileto marcanccasinjja, Pablojj Éfeso iglesianquir jilïrinacaruw jawsayi.

1 Corintios 15:32

Uqham sasinjja, nayajj Éfeso marcanjja jakenacampejj leonanacampjamaw nuwastjja. Ucampisa, ¿cunaraqui jicjjatsti? Jiwatanacan jacatatañapatejj jan chekäcchi ucqhajja, cunjämtejj säwejj sisqui uqhamaracwa sisnajja: “Mank'asiñäni, umt'asiñäni, khärurojj jiwjjchiñänejjaya” sasa.

1 Corintios 16:8

Ucampis Éfeso marcanjja Pentecostés urcamaw kamarascäjja;

Efesios 1:1

Naya Pablo, Diosan munañapatwa Jesucriston apostolopätjja. Aca cartjja kellkanipjjsmawa Efeso marcan Diosanquirinacaru, Cristo Jesusar iyawsapcta ucanacaru.

Deuteronomio 31:19

“Uqhamajj jichhajj aca k'ochunac kellkapjjam, yatichapjjaraquim Israel jakenacarusa, jupanacan k'ochupjjañapataqui, ucanacajj jupanac contra khanañchañatwa utt'ayatäni.

Colosenses 2:1

Munaractwa yatipjjañama jumanacataqui wali ch'am tucutajjata, Laodiceanquirinacataqui, uqhamarac take qhitinacatejj jan uñt'apquitus ucanacataquisa.

1 Timoteo 1:3

Cunjämatejj achict'ascäyäsmajja Macedonia ucsaru sarcasajja, jichhajj Éfeso marcar kheparam, ucan yakhep c'ari yatichirinacar ewjjt'añamataqui jan uca c'ari yatichäwinac yatichapjjañapataqui,

Apocalipsis 1:17

Uqham uñjasinsti, jiwatjamaw cayunacaparu liwnoktta. Jupasti cupi amparapampi lokjjatasinjja situwa: “Jan ajjsaramti; nayätwa kalltasa tucuyasa.

Apocalipsis 1:19

Kellkam cuntejj uñjctas ucjja, cunatejj acat kheparojj utjqui ucsa, cunatejj acat kheparojj utjcani ucanacsa.

Apocalipsis 1:2

Juan sirviripasti cuntejj uñjcatayna ucjja uqhampachwa arsu. Jupasti Diosan testigoparaquiwa cuntejj Jesucristojj arscatayna ucanacata.

Apocalipsis 1:20

Cupi amparajjan pakallko warawaranac uñjctas, uqhamarac pakallko kori candelabronac uñjctas ucanacajj aqham sañwa muni: pakallko warawaranacajj uca pakallko iglesianacan angelanacapawa; pakallko candelabronacasti pakallko iglesianacaraquiwa” sasa.

Apocalipsis 1:4

Naya, Juan, aca cartanac kellkasin apayta Asia tokenquir pakallko iglesianacaru. Catokapjjam jumanacajj Diosan bendicionapa, uqhamarac Diosan asquipsa. Uca Diosasti utjascapunïnwa, utjascaquiwa, jichhas utjascaquiniwa. Uca pachparaqui catokapjjam Diosan tronopan nayrakatapanquir uca pakallko ajayunacatsa.

Apocalipsis 1:8

“Nayätwa kalltasa tucuyasa, A, Z letranacjama”, siw jach'a ch'amani Tatitojja, uca Diosasti utjascapunïnwa, utjascaquiwa, jichhas utjascaquiniwa.

Apocalipsis 10:4

Cunapachatï uca pakallko k'ejjok'ejjonacajj pasjjäna ucqhasti, nayajj kellkañajjänwa, ucampis mä aru alajjpachat ist'ta aqham sasa: “Amuqui imjjäsim cuntejj uca pakallko khejjokhejjonacajj parlqui ucjja, janiraqui kellkamti” sasa.

Apocalipsis 14:13

Ucatsti mä aru ist'ta alajjpachat art'asisinquiri: —Ac kellkam: “Cusisiñanïpjjewa qhitinacatejj acat ucsaru Tatitur iyawsasa jiwapqui ucanacajja.” “Jïsa,” uqham siwa Kollan Ajayojja, jupanacasti lurañanacapatjja samarjjapjjaniwa, ucampis luratanacapajj jupanac chicapunïscaniwa” sasa.

Apocalipsis 19:9

Ucatsti angelajj saraquituwa: “Kellkam: “Cusisiñanïpjjewa qhitinacatejj Corderon casarasïwi fiestaparu jawsayatäpqui ucanacajja.” Ucatsti saraquituwa: “Acanacasti Diosan cheka arunacapawa” sasa.

Apocalipsis 2:1

“Éfeso iglesiancquis uca angelar kellkasin apayam: “Aqham siw qhititejj cupi amparaparu pakallko warawaranïqui, uqhamarac pakallko kori candelabronac taypin sarnakquis ucajja:

Apocalipsis 2:12

Pérgamo iglesianquir angelaparojj kellkasinjja apayaraquim: “Aqham siw qhititejj purapar arini espada ayt'atäqui ucajja:

Apocalipsis 2:18

Tiatira iglesiancquis uca angelarojj kellkasin apayaraquim aqham sasa: “Aqham siw Diosan Yokapajj, qhititï ninjam nayranïquis uqhamarac cayunacapas mä suma lliphipquir broncer uñtatäquis ucajja:

Apocalipsis 2:24

Ucampis jumanacat qhitinacatejj Tiatira iglesiana jan uca yatichäwinacarus arcapctati, uqhamarac cuntejj jupanacajj sapjje: Supayan imantat yatichäwipa sasa, ucarus jan arquirinacarojja, janiw yakha cunsa maycäti.

Apocalipsis 2:8

Esmirnanquir iglesian angelaparojj kellkasin apayaraquiquim: “Aqham siw qhititejj kalltäqui, tucuyäcaraqui ucajja, qhititejj jiwcäna jichhasti jacascaraqui ucajja:

Apocalipsis 21:5

Ucatsti tronon kont'atäcäns ucajj siwa: “Uñjam, nayajj take cunwa machakat lurta” Saraquiwa: “Kellkam, aca arunacasti chekapawa, catuyascañaraquiwa” sasa.

Apocalipsis 22:10

Saraquituwa: “Cuna arunacatejj Diosa toket aca libron kellkatäquis ucjja jan imjjäsimti, horasasti purinjjewa phokhasiñapataqui.

Apocalipsis 22:16

“Naya, Jesusawa, angelajja qhitta iglesianacar aca arunaca yatiyaniñapataqui. Nayätwa Davidat nayrasa, jupat sarakerisa, nayajj khantati warawararaquïtwa.”

Apocalipsis 3:1

“Sardis iglesiancquis uca angelaru kellkasin apayaraquim: “Aqham siw Diosan pakallko ajayupanïqui, uqhamarac pakallko warawaranïqui ucajja: Take luratanacamwa nayajj yatta; yatiractwa jiwatäjjatamsa, yakhanacajj jacasquirita uñt'apcstam ucasa.

Apocalipsis 3:14

Laodicea iglesiancquis uca angelar kellkasin apayam: “Aqham siw qhititejj chekapäqui, uqhamarac cunsa chekapapuni arsqui ucajja, uqhamarac qhititejj take cuntejj Diosajj lurqui ucan kalltapäqui ucajja:

Apocalipsis 3:4

Ucampis Sardis iglesianjja utjasctamwa mä kawkha jakenaca, jupanacasti isinacapjja janiw k'añucht'asipquiti. Jupanacasti nayamp chicaw jank'ot ist'ata sarnakapjjani, uqhamaraquiw waquisi sarnakapjjañapajja.

Apocalipsis 3:7

Filadelfia iglesian angelaparojj kellkasin apayaraquim: “Aqham siw qhititejj kollanäqui chekapäcaraqui, uqhamarac rey Davidan llavepsa catjjäsqui ucajja; cunapachatejj jist'arqui ucqhajj janiw qhitis jist'antcaspati, ni jist'antqui ucqhas jist'arcaraquispati: