3 Juan 1:8

Aymar Bibliia 1986

Ucatpï jiwasanacajj jupanacar uñjañasajja jupanacar yanapt'añataqui, Diosan cheka arunacap parläwina.

Jak'a apnaqawi uñst'ayäwi

Salmos 94:16

¿Qhitirac jucharar jakenacat arjjatitanisti?, ¿qhitirac ñankha luririnacat jarc'aketanisti?

Mateo 10:14

Janitejj catokapcätamjja, ni ist'apcaraquïtamsa ucqhajja, mistuwayjjapjjam uca utatjja, uca marcatsa, uqhamarac cayunacamatsa lak'a polvonacjja thalarasiwayjjapjjam.

Mateo 10:40

“Qhititejj jumanacaru catokapcätam ucanacajj nayaruw katoketu; qhititejj nayar catokquitu ucajja, qhitanquitus ucaruw catoke.

Lucas 11:7

Ucat maynejj uta mankhepat saspa: “Jan uqham majasistati puncojj jist'antatäjjewa; wawanacajjas, nayasa iquiñancjjapjjtwa. Janiw sartquiristti jumar cuna churañataquisa” sasa.

2 Corintios 6:1

Nanacasti Diosan luräwipan irnakerinacjamajja, jumanacarojj achict'apjjsmawa, jan ina ch'usaru apt'apjjamti cuna qhuyapayasiñtï Diosajj uñacht'ayapctam ucjja.

2 Corintios 8:23

Inas maynejj Titor jan uñt'cchiti ucat yatiñ munchi ucarojja, sapjjam Titojj nayamp chicätapa uqhamarac nayampi chica irnakataparaqui jumanacar sirviñataqui. Mayni jilatanacata jisct'asipjjani ucqhasti sapjjaraquim: “Iglesianacan qhitanitawa, Cristoruraquiw jach'añchapjje” sasa.

Filipenses 4:3

Jumarusti, wali munat nayampi chica irnakeri, achict'assmawa jumajj yanapt'amaya uca cullacanacarojja, jupanacajj nayampi chicaraquiw khespiyasiñ arunaca yatiyañanjja, irnakapjjänjja. Clementempi cunaraquiw irnakapjjänjja, uqhamarac mayni yanapirinacajjampi. Jupanacan sutinacapasti jacañ libron kellkatäjjewa.

Colosenses 4:11

Jesús sata, qhititejj Justo satäcaraquis ucas aruntanipjjaractamwa. Acanacaquiwa judionac taypit iyawsirinacatjja nayamp chica irnakasipqui Tatitun luräwipanjja, jupanacasti nayataquejj wali chuyma jarjaraquiwa.

1 Tesalonicenses 3:2

ucatsti Timoteo jilataruw qhitanipjjsma jumanacar uñjiri. Jupajj Diosan sirviripawa, Tatitun khespiyasiñ arunacap parlañanjja nanacamp chicaraquiw irnake. Ucatsti jupajj ch'amacht'apjjeristamwa, nayraruw irptapjjeristam iyawsäwinjja,

Filemón 1:2

uqhamaraqui utaman tantachasquis uca iglesiaru, Apia cullacampiru, Arquiporu, jupasti nanacamp chica nuwasïwinquiriwa.

Filemón 1:24

Uqhamaraqui nayar yanapquitus uca Marcosampi, Aristarcompi, Demasampi, Lucasampejj aruntanipjjaractamwa.

3 Juan 1:10

Sarä ucajj juparojj khancatäwa cuna jan wali c'ari arunactejj nanac toke parlqui ucanacata. Janiw ucacti lurcaraquejja, jilatanacarus janiraquiw catokquiti, qhiti jilatanacatejj catokañ munqui ucanacarus jarq'iwa, iglesiatsti jaksuraquiwa.

3 Juan 1:7

Jupanacajj Tatit Jesucristor sirviñataquiw sarañjja kalltapjjejja, janiraquiw cuna yanapsa catokañ munapcänti Diosar jan uñt'irinacatjja.

3 Juan 1:9

Nayaw mä carta iglesiar kellkawayta, ucampis Diotrefesajj janiw nanacan jilïrinacätajj yäkapquituti. Jupaw jilïrïña muni jupanac taypina.