2 Timoteo 3:8

Aymar Bibliia 1986

Cunjämatejj Janes, uqhamarac Jambres jan wali jakenacajj Moisés contra sayt'apjjäna, uca pachparaquiw uca jakenacajj Tatitun arunacapataqui sayt'apjje. Aca jakenacajj chuymatpach jan wali amtani jakenacäpjjewa, iyawsäwi toketjja apanucutäpjjewa.

Jak'a apnaqawi uñst'ayäwi

Éxodo 7:11

Uca uñjasinsti faraonajj wali amuyt'an jakenacaru, uqhamarac jupanacan wali yatiri jakenacaruw jawsayanïna, ucatsti uca jakenacajj yatiñanacapampejja quipcaracwa lurapjjaraquïna;

Éxodo 7:22

Ucampis Egiptonquir yatiri jakenacajja uca quipcaraquiw lurapjjaraquïna, ucatsti faraonajj chuymapa colerañampi kalarayasisajj janiw ist'añ muncänti cuntejj Tatitojj siscäna ucjja.

Éxodo 8:18

Jach'a yatiri jakenacajj quipcacracwa jisc'a chhichhillanqhanac tucuyañ munapjjaraquïna yatiñanacapampejja, ucampis janiw puedipcänti. Uccañcamasti jisc'a chhichhillanqhanacajj t'akhesiyascaquïnwa jakenacaru, uqhamarac uywanacarusa.

Éxodo 8:7

Ucampis jach'a yatiri jakenacajja yatiñanacapampejj quipcacracwa lurapjjaraquïna, jupanacasti c'ayranacapjja Egipto orakerojj jutayapjjaraquïnwa.

Hechos 15:24

Nanacajj yatipjjtwa yakhep jakenacan acat sarapjjatapa, jan nanacan camsata. Ucanacasti jumanacarojj mayjt'ayapjjtamwa aqham arunacapampi pächasiyasa: [“Waquisiw jumanacan circuncidasipjjañamajja, uqhamarac Moisesan leyipa phokhapjjañamasa” sasa.]

Romanos 1:28

Niyaquitejj Diosarojj jan uñt'añ munapcchejja, Diosajj jupanacarojj uca jan wali luräwinacapar chhakañapataquiw jaytanucu, ucat jan walïqui uc lurapjjañapataqui.

Romanos 16:18

Jupanacasti janiw Cristoru sirvipquiti, jan ucasti jupanacan munañanacaparuquiw sirvisipqui. Juc'a amuyt'asirinacarusti sallkjapjjaraquiwa uqham suma arunacapampi.

Efesios 4:14

Janiw wawanacjamäcjjañäniti, cawcsarus janc'aqui irpataqui, cawquïri machak yatichäwin thayapampis apataqui, uqhamarac sallka jakenacan luräwinacapar jalantasa, jupanacasti jan wali sarnakäwinacaparuw irpañ munistu.

1 Timoteo 1:19

Mayninacajj chuymanacapar jan ist'apjjatapatwa, iyawsäwinacapanjja aynacht'apjje.

1 Timoteo 4:2

C'ari chuyman jakenacaruw ist'apjjani, ucanacan chuymanacapajj janiw cuns amuycjjeti, parintat fierrompis nacsutäcaspa uqhama.

1 Timoteo 6:5

uqhamaraqui alekat jan wali amtañani jakenacampi nuwasiñasa. Janiw cuna cheka arunacsa yatquiti, jan ucasti amuyatanacapatjja saräwipajj kollke jicjjatañäcaspas uqhamawa. [Acanacatjja jithektam.]

2 Timoteo 4:15

Uca jaketjja jumajj amuyasim, jupasti jiwasan yatichäwinacas contraw sarti.

Tito 1:10

Ucampis waljaniw sayt'irinacajj utjapjje, judionacat yämasa juc'ampiwa, ucanacasti jan walinac parlapjje ucat jakenacar sallkjapjje.

Tito 1:16

Jupanacajj: Diosarojj uñt'apjjtwa sapjjewa. Ucatsti luräwinacapampejj janiw uqham uñacht'ayapquiti, jupanacajj uñisirinaca, jan yäkasiñan khoru jakenacäpjjewa, janiraquiw cuna sumsa lurirjamäpquiti.

2 Pedro 2:14

Mä warmirus janiraquiw alekaqui uñtapquiti, janiraquiw jucha lurañatsa karjasipcaraquiti. Pisi amuyt'aninacarusti jupanac chicaraquiw juchjj lurayapjje, wali mich'äpjjaraquiwa; ñankha jakenacäpjjapuniwa.

1 Juan 2:18

Wawanaca, khepa urunacajj purinjjewa. Jumanacajj ist'apjjäyätawa: “Anticristojj jutaniw” siri; cunjämatejj jichhajj Cristo toke parlirinacajj wali uñstawayejja, uqhamatwa yattanjja khepa urunacäjjatapa.

1 Juan 4:1

Munat jilatanaca, jan cuna casta yatichäwirus Diosan yatichäwipäcaspas uqham arcapjjamti, jan ucasti yant'apjjam chekpachapunit Diosan Ajayupani janicha. Walja c'ari yatichirinacaw acapacharojj phokhantasqui. Jupanacasti sapjjewa: “Diosanquirïpjjtwa” sasa.

Apocalipsis 2:20

Ucampis mayan juma toke sañajj utjitu. Jumajj amuquiw catoktajj uca Jezabel sata warmirojja. Uca warmejj —Dios toket parlta —siwa, ucampis janiw uqhamäquiti, jan ucasti yatichäwinacapampejj sirvirinacajjaruw pantjayasqui wachoka juchan jacayasa, uqhamarac yakha diosanacar loktatäquis ucanac mank'ayasa.

Apocalipsis 2:6

Ucampis juman mayaw utjascaraqui. Uca nicolaítas sat jan wali jakenacarojj jumajj uñistawa. Nayajj jupanacarojj uñisiractwa.