2 Samuel 9:6

Aymar Bibliia 1986

Cunapachatejj Saúl reyin allchhipa, uqhamaraqui Jonatanan yokapa Mefi-bosetajj Davidan nayrakataparu purinïna ucapachasti wali ajjsartañ chuymampiw ajanupjja oraker alt'asïna. —¡Mefi-boset! —sasaw Davidajj art'araquïna. —Acanctwa, jach'a munañan rey —sasaraquiw jupajj säna.

Jak'a apnaqawi uñst'ayäwi

Génesis 18:2

Abrahamasti uñatatasinjja quimsa jakenacaruw jupa nayräjjan sayt'atäsquir uñjäna. Uñjasinsti mäqhiw sarthapi uca jakenacar catokañataqui, uqhamarac p'ekepsa oraker puriñcamaw alt'asiraquïna,

Génesis 33:3

Ucjjarusti jupanacatjja nayrt'awayänwa, ucatsti p'ekepampi oraker puriñcamaw pakallko cuti alt'asïna, jilapan jac'apancjjäna ucqhacama.

2 Samuel 1:7

Ucapachaw jupajj khepäjja uñtaniraquïna, nayar uñjasinsti jawsaraquituwa. Nayasti jawsataparojj ist'aractwa.

2 Samuel 16:4

—Waliquiwa, jichhasti take cunatejj Mefi-bosetanccäna ucanacasti jumancjjaraquiwa —sasaw reyejj saraquïna. —¡Nayatjja, jach'a rey, qhuyapt'ayasipunistawa! —sasaw Sibajj reyin nayrakatapan alt'asiraquïna.

2 Samuel 21:7

chuymapanjja Mefi-boset sisqui ucatjja walwa qhuyapt'ayasiscaraquïna, ucasti Jonatanan yokaparaquïnwa, Saúl reyin allchhiparaqui, mä kollana juramento Jonatanampi, jupampi lurapjjatap laycu.

2 Samuel 4:4

Jichhasti, Saúl reyin, Jonatán yokapasti mä yokaniraquïnwa. Ucan sutipasti Mefi-boset sataraqui, qhititejj paypach cayuta suchücaraquïna. Cunapachatejj Mefi-bosetajj pheska maranïcän ucqhajja, Jezreel chekatjja Saúl reyimp, Jonatanampina jiwatapa yatiyäwiw purinïna, ucatwa wawa uywiri warmejj jupar ichjjarusiwayasina Mefi-bosetampi jaltjjäna, ucampisa uqham janc'aqui jaltjjasinsti tincupjjänwa, ucatwa cojo kheparjjaraquïna.

2 Samuel 9:5

Ucat rey Davidajj irptanipjjañapataquiw ordenaraquïna.

1 Crónicas 8:34

Jonatán chachanjja Merib-baal ucaw wawapäna, jupasti Micaía ucan awquipänwa.

1 Crónicas 9:40

Jonatán chachasti Merib-baal ucan awquipänwa, jupasti Micaía ucan awquipänwa.

1 Samuel 20:41

Uywatan sarjjatapatsti, Davidajj janc'aquiw uca kala chhajjwa khepäjjat mistuni. Ucatsti Jonatán nayräjjarojja quimsa cutiw oraker ajanup puriyañcama alt'araquïna. Ucat janc'aquiw jamp'att'asipjjäna, panpachaniw jachapjjaraquïna, Davidan chuyma utt'ayasiñapcama.

1 Samuel 25:23

Abigail warmisti Davidar uñjasajj asnopat sarakasinjja, Davidan nayrakataparuw ajjsartañ chuymampi orakcama alt'asïna.