2 Samuel 9:13

Aymar Bibliia 1986

Ucampisa cunjämatejj Mefi-bosetajj purap cayut suchuptatänjja, uca laycuw Jerusalenan jacäna, uqhamarus reyin mesapatpunwa mank'asiraquïnjja.

Jak'a apnaqawi uñst'ayäwi

2 Samuel 19:27

Ucampisa jupajj jach'a rey nayrakatanwa c'ari arunaca yatiyitu. Ucampisa jach'a reyejj mä Diosan angelapäcaspasa uqhamawa, jupasti cunatejj chekapäqui uqhamaruw take cunsa luraraquinejja.

2 Samuel 4:4

Jichhasti, Saúl reyin, Jonatán yokapasti mä yokaniraquïnwa. Ucan sutipasti Mefi-boset sataraqui, qhititejj paypach cayuta suchücaraquïna. Cunapachatejj Mefi-bosetajj pheska maranïcän ucqhajja, Jezreel chekatjja Saúl reyimp, Jonatanampina jiwatapa yatiyäwiw purinïna, ucatwa wawa uywiri warmejj jupar ichjjarusiwayasina Mefi-bosetampi jaltjjäna, ucampisa uqham janc'aqui jaltjjasinsti tincupjjänwa, ucatwa cojo kheparjjaraquïna.

2 Samuel 9:12

Uqhamarus mä jisc'a wawaniraquïnwa, sutipasti Micaía satänwa, take qhitinacatejj Siban utapan jacapcäna ucanacasti Mefi-bosetan yanapiripäpjjaraquïnwa.

2 Samuel 9:3

Ucat reyejj jisct'araquïna: —¿Saúl reyin familiapatjja mä maynisa jacasquiti, nayan juparu cuna ascsa lurañajjataqui Tatitun sutipjjaru? —sasa. Siba jakesti saraquïnwa: —Jonatanan mä yokapaw jacasqui, jupasti purap cayut suchuptataraquiwa —sasaw saraquïna.

2 Samuel 9:7

Davidasti saraquïnwa: —Jan ajjsaramti, nayajj jumarojj wali sum uñjäma, Jonatán awquimat amtasitajj laycu. Saúl achachilaman orakenacapsti takwa cuttayayjjäma, ucatsti naya chicapuniw mesajjan mank'asiraquïta.

Jeremías 52:33

Uqhamaw Joaquín sat Judá marcanquir reyejj carcel isipjja apsusjjäna, ucatsti reyimpi chicaraquiw mesapan mank'asjjäna take urunacapanjja.