2 Samuel 9:11

Aymar Bibliia 1986

Siba jakesti tunca pheskani yokanacanïnwa, uqhamaraqui pä tunca uywatanacani, ucat jupajj reyirojj saraquïna: —Take cuntejj jach'a munañan reyejj aca sirvirimaru sisquista ucanacsti phokhäwa —sasa. Mefi-bosetasti Davidan mesapatpunwa mank'asiraquïnjja reyin mayni wawapäcaspas uqhama.

Jak'a apnaqawi uñst'ayäwi

2 Samuel 15:15

Jupanacasti reyirojj sapjjaraquïnwa: —Nanacajj cuntejj juma, jach'a reyejj, sapjjetäta uca lurañataquejj janc'aquïsipctwa —sasa.

2 Samuel 19:17

Jupampi chicasti, Benjamín tributjja waranka jakenacaw sarapjjaraquïna. Uqhamaraqui Siba sat jakesa, cawquïritejj Saúl reyin familiapan uywatapäcaraquïna ucasa tunca pheskani yokanacapampi, pä tunca esclavonacapampi cunaraquiw Jordán jawira chekarojj purintanïna, janïra reyejj purinquipana.

2 Samuel 19:24

Uqhamaraqui Mefi-boset sat jakes, cawquïritejj Saúl reyin wawapäcaraquïna ucasa, reyir catokeriw mistuniraquïna. Cunürutejj reyejj mistcatayna, cunüruraquitejj c'umara jan cuna camacht'ata cuttancäna uca urcamasti janiw cayunacjja jarekascataynati, janiraquiw sunqhanacapsa mururascataynati, ni isinacapsa t'ajjsuscaraquitaynati.

2 Samuel 19:26

Mefi-bosetasti saraquïnwa: —Jach'a rey, uywatajjaw nayaru sallkjitu. Cunjämatejj nayajj cojötjja, ucatsti mä asno waquicht'arapita, ucar lat'jjatasin reyimpi chica sarjjañajjataqui sasaw sista.

2 Samuel 9:10

Uca laycu, jumampi, wawanacamampi, uywatanacamampejj jupataquiw jichhajj yapu yapucharapipjjäta, cunatejj achcani ucanacsti sum imarapipjjäta, uqhamat uywiriman familiapajj mank'asiñapataqui, Mefi-bosetajj nayampi chica mesajjan mank'cani ucasa.

2 Samuel 9:12

Uqhamarus mä jisc'a wawaniraquïnwa, sutipasti Micaía satänwa, take qhitinacatejj Siban utapan jacapcäna ucanacasti Mefi-bosetan yanapiripäpjjaraquïnwa.

2 Samuel 9:13

Ucampisa cunjämatejj Mefi-bosetajj purap cayut suchuptatänjja, uca laycuw Jerusalenan jacäna, uqhamarus reyin mesapatpunwa mank'asiraquïnjja.