2 Samuel 8:1

Aymar Bibliia 1986

Take acanac khepatsti Davidajj filisteonacaruw atipjäna, jupanacarusti apnakaraquïnwa, uqhamaraqui apnakañanacapsa apararaquïnwa.

Jak'a apnaqawi uñst'ayäwi

2 Samuel 19:9

Israelita jakenacasti takeniw utanacaparu jaltjjapjjatayna. Take Israel marcansti, jakenacajj ch'ajjwapjjaraquïnwa, sapjjaraquïnwa: “David reyiw uñisirinacasan apnakatäñatjja khespiyistu; uca uñisirinacasti filisteo jakenacänwa, ucampisa Absalón wawapa laycuw marcat jaltjjänjja.

2 Samuel 2:24

Ucampisa Joab, uqhamaraqui Abisai jakempejja Abnerarojj arctasipcaquïnwa. Inti jalanta ucqharusti Ama sat kollu pataruw puripjjäna, Gía uñcatasina, Gabaón tokeru sarañäquis uca wasara tokena.

2 Samuel 22:44

Kallcatasir marcat khespiyista, marcanacan jilïripat utt'ayista, jan uñt'at jakenacampiw loktayista.

2 Samuel 5:17

Filisteonacasti cunapachatï Davidan Israeljjaru reyit utt'ayatäjjatap yatipjjän ucapachasti, take jupanacajj Davidar thaktiriw sartapjjäna, ucampisa Davidajj ucjja yatiraquïnwa, ucatwa sarjjaraquïna imantasiña chekaru.

2 Samuel 5:25

Davidasti cunjämtejj Tatitojj siscatayna uqhamwa luraraquïna, ucat filisteonacarojj atipjaraquïna Gabaón sisqui uca chekata Gezer sisqui uca chekcama.

2 Samuel 7:9

Cawquirutejj sarcäyätas ucansa juma chicaraquiw sarayätjja, take uñisirinacamatejj jumaru maqhatapcäyätam ucanacarusa k'alwa tucjaractjja, ucjjarusti jach'aruw aptaracsma, cunjämatejj acapachan jach'a jilïri jakenacajj tucupjje uqhama.

Salmos 18:43

Kallcatasir marcat khespiyista, marcanacan jilïripat utt'ayista, jan uñt'at jakenacampiw loktayista.

Salmos 60:2

Orakerojj qhathatiytawa, jist'jaractawa: jichhasti p'iyanacap asquichjjam, niyaw alliranttañampïsqui.

Salmos 60:8

Moab orakejj jarisiñ llatajjawa; Edom orak patjjaruw wisqhunacajj uchasï; ¡Filisteo jakenacar atipjatajjat arnakasï!”, sasa.

Hebreos 11:33

Iyawsäwi laycuw yakha marcanacarus jupanacajj atipapjjäna, suma apnakapjjaraquïna, uqhamarac Diosajj arscatayna uca yanapt'apsa catokapjjaraquïnwa. Leonanacan lacanacapsa jist'antapjjaraquïnwa,

Hebreos 11:34

uqhamarac jan jiwarcay ninsa jiwarayapjjänwa, espadamp jiwayatäñatsa jaltapjjaraquïnwa. Pisi ch'amaninacajj guerranacan wali ch'amaninacaw tucjjapjje, ucatjja atipapjjaraquiw uñisirinacapan ejercitonacaparusa.

1 Samuel 7:13

Filisteo jakenacasti atipjatäpjjänwa, janiraquiw mayampsa Israel marcarojj nuwiri jutcjjapjjänti; Samuelon jacañapcamasti Tatitojj filisteonac contrapunïnwa.