2 Samuel 7:15

Aymar Bibliia 1986

Ucampisa munasiñajjajj janiw jupatjja apakatäcaniti, cunjämatejj Saúl reyitjja apakasjjayäta uqhama, juparusti nayaw apakjjaracta jupa lanti jumaru utt'ayjjañataqui.

Jak'a apnaqawi uñst'ayäwi

2 Samuel 7:14

Nayaw jupan awquipayäjja, jupasti nayan wawajjaraquïniwa. Cunapachatejj cuna jan walsa lurani ucapachasti nayaw juparojj mutuyaraquï, jawk'antaraquïsa cunjämatejj mä awquejj wawapar jawk'antqui uqhama.

2 Samuel 7:16

Juman wawanacamajj wiñayaw apnakapjjani, uqhamaraqui reinomasti wiñayataquiraquïniwa nayan uñjatäscaraquiniwa, uqhamaraqui juman tronomasa wiñayataqui utt'atapuniraquïniwa” sasa.

1 Reyes 11:13

Janis takpacha reino apakcä ucqhajja, mä tribucwa jaytarapëjja awquimaru qhuyapayasitajj laycu, uqhamarac Jerusalén marca ajllisitajja laycuraqui” sasa.

Salmos 89:28

Munasiñajjajj jupa laycojj wiñayäniwa, jupamp arust'atajjasti thuruñchatäniwa.

Salmos 89:31

leyinacajjtejj ñankhachapjjani, janirac arsutanacajj imapcan ucajja,

Salmos 89:33

Davidar munasitajjsti janiw jaytanuccäti, janiraquiw jupar arsutajj phokhañs armascäti.

Salmos 89:34

Janiw jupamp lurat arust'äwirojj p'aquintcäti, janiraquiw arsutanacajjs mayjt'aycäti.

Salmos 89:49

Tatay, ¿cawquincarac qhuyapayasiñamasti? ¿Cawquincarac Davidar churañatac juramentomp arsutamasti?

Isaías 37:35

Nayaw aca marcarojj arjjatä, khespiyaraquïwa jach'añchäwejj laycu, David sirvirejjaru munatajj laycu’ ” sasa.

Isaías 55:3

Nayan ucar jutapjjam, ucatsti ist'apjjeta, ist'apjjeta, ucatsti jacapjjätawa. Nayaw jumanacampejj wiñay arust'äwi lurä, uqhamat phokharaquï cuntejj mä uru Davidarojj munasiñampi arscta ucjja.

Isaías 9:7

Davidan tronopanwa kont'asiraquini, jupan reyïñ ch'amapasti take chekancaraquiniwa, suman sarnakasiñasti janipuniw tucuscaniti. Jupan reinopasti suma utjnokatäniwa, cheka asqui cancañjjaru, uqhamaraqui cunatejj chekapäqui ucjjaru utt'ayataraquïniwa, jichhüruta wiñaycama. Acsti take ch'aman Tatitun sinti jach'a munasiñapaw uqhamjja lurani.

1 Samuel 15:23

Jupa contra sayt'asirejja, qhititejj laykasiñanac lurqui ucampi sasiwa; yakha diosanacar yupaychirimpi sasiwa qhititejj jupar jan ist'qui ucajja. Cunjämatejj jumajj arunacapar apanuctajja, jichhajj uqham luratam laycuw jupajj reyitjja apanucjjtam.”

1 Samuel 15:26

—Janiw jumampi chica sarquiristti, Tatitun arunacapar jan jaysatam laycu. Jichhasti jupajj jumarojj Israelan reyipäñatjja apanucjjtamwa —sasaw Samuelojj saraquïna.

1 Samuel 15:28

Ucat Samuelojj Saúl reyirojj saraquïna: —Cunjämtejj ch'iyakquistajja uqhamaracwa jumarojj Tatitojj Israelan tronopatjja ch'iyakjjaractamjja. Juman mayni marca masimar catuyjjañataquiw apakjjtam, cawquïritejj jumat sipansa juc'ampi wali asquïqui ucaru.

1 Samuel 16:14

Ucañcamasti Tatitun ajayupajj janiw Saúl reyimpïcjjänti, Tatitun qhitanita mä ñankha ajayuw juparojj t'akhesiyäna.

1 Samuel 19:24

uqhamarusa k'alwa isirasiraquitayna, uqham k'alalpachaw Samuel nayrakatana, profetjama parläna, mä uru jornala, uqhamarac mä aruma pakarimpi. Ucatwa mä säwejja juti: “¿Saúl reyejj mä profetäjjaraquichä?” sasa.