2 Samuel 6:2

Aymar Bibliia 1986

Judá oraketa, Baala sisqui uca chekat take jupampi chicäpcäna uca soldadonacampi sartanisinsti, Tatitun arcapa uca chekat aptawayjjañaruw uscusi. Uca arcjjataraqui Tatitutjja mayisitajja, konuñapasti querubines sat angelanacjjancaraquiwa.

Jak'a apnaqawi uñst'ayäwi

2 Samuel 22:11

mä angelan chhekhapjjaruw konjjatäna, thayan chhekhanacap patanjam jaltäna,

Salmos 80:1

Israel marcan awatiripa, ist'apjjaquitaya, tamar uñtat Josean marcapar irpiri, jaysapjjaquitaya; angelanac taypin khapak konuñaman kont'asiri, ist'apjjaquitaya.

Salmos 99:1

¡Tatitojj reyiwa! Reyi konuñapajj angelanacjjar utt'atawa. Marcanacajj qhathatipjjpan, takpach orakes onjjtaracpan.

Isaías 47:4

Jiwasan khespiyirisajja, Israelan Kollan Diosapajja, qhititejj take ch'amani Tatitu satäqui ucajj siwa:

Isaías 54:5

Jumaru jacañ churiri Tatituw jichhajj esposapat uñt'asjjätam uca laycu. Sutipasti take ch'amani Tatitu satawa, khespiyirimajj Israelan Kollan Diosapawa, jupasti take aca orakpachan Diosaparaquiwa.

Josué 15:60

Uqhamaraqui Quiriat-baal marca, cawquïritï Quiriat-jearim satäcaraquïna, uca quipcaraqui Rabá marca, takpachasti pä marcanaca, jisc'a marcanacamp cuna.

1 Pedro 1:12

Ucampis Diosajj jupanacarojj yatiyaraquïnwa, cuna tokettï yatjjatañ munapcän ucajj jan jupanacataquïtapa, jan ucasti jiwasataquïtapa. Ucatpï jichhajj jumanacarojj uca pachpa arunacaraqui yatiyatajja, qhitinacatejj parlapctam ucanac toke. Jupanacasti alajjpachat qhitanita Kollan Ajayun ch'amapampiwa parlapjjaractamjja. Ucanacsti angelanacas uñjañjja munapjjaraquïnwa.

1 Samuel 4:4

Ucatsti israelitanacajj Silo sat uca chekarojj mä kawkha jakenacwa qhitapjjäna, ucatsti uca chekatjja aptanjjapjjänwa take ch'amani Tatitun Arust'äwi Arcapa, uca take ch'amani Diosasti querubines sat angelanacampi yupaychataraquïnwa. Ofni, Finees sat Elí sacerdoten yokanacapasti uca arca apaniñanjja ucancapjjaraquïnwa.

1 Samuel 6:21

Ucatsti Quiriat-jearim chekanquir jakenacarojj aca ewjja apayapjjäna: “Filisteo jakenacajj Tatitun arcapa cutt'ayanjjapjjewa, jichhajj jutapjjam ucatsti apasjjapjjaraquim” sasa.

1 Samuel 7:1

Uqhamasti Quiriat-jearim chekan utjasir jakenacajj jutasinjja Tatitun arcapjja apasjjapjjänwa, Abinadab sat jaken utaparuw jaytapjjaraquïna, ucasti mä kollu patancänwa; Eleazar yokaparuraquiw Tatitur catuyapjjäna uca arca uñjañapataqui.