2 Samuel 3:27

Aymar Bibliia 1986

Cunapachatejj Abnerajj Hebronar purinïna ucqhasti, Joab jakejj marcat mistuña puncut qhursa tokeruw irpäna, jupa sapampiqui parlañataqui, ucanwa puracat chhokhontasin jiwayäna, Asael jilaparu jiwayatapat phoksusisa.

Jak'a apnaqawi uñst'ayäwi

2 Samuel 13:26

Ucatwa Absalonajj saraquïna: —Janitejj, juma, jach'a reyejj, sarirjamäcstajja, uqhamajj Amnón jilajjaquisay sarpanjja —sasa. —¿Cunatsa Amnón jilaman sarañapjja munta? —sasaw reyejj jisct'araquïna.

2 Samuel 19:13

Ucjjarusti sascaquïnwa Amasaru sapjjañapataqui: “Juma pachpaw wilajjat wilanïtajja, jichhat ucsarojj jumaw ejercitojjan jach'a jilïripäyätajja, Joab lanti. Janitejj aca arsutajj phokhäma ucapachasti Tatitojj nayaru mutuyitpan wali jan sintt'asiñampi” sasa.

2 Samuel 3:26

Joab jakesti Davidampi parlaña tucuyjjasin mistunjjatapatsti, mayni qhitanacwa qhitäna Abner jakeru thakhanipjjañapataqui, jan Davidar yatiyasa, uca qhitanacasti Sira sisqui uca uma phuch'u chekatwa cutt'ayanipjjäna.

2 Samuel 3:28

Uca khepatsti, cunapachatejj Davidajj ucanac yatïna ucapachasti sänwa: “Nayampi reinojjampisti, Tatitu nayrakatanjja janiw cuna juchanïpctsa, Ner jaken Abner yokapan jiwatapatjja.

2 Samuel 4:1

Saúl reyin yokapa, Is-boset jakejj, Abner chachan Hebrón chekan jiwatap ist'asinjja, ch'amwa thayjtayasïna, take Israel jakenacasti wali ajjsarapjjaraquïna.

1 Reyes 2:32

Tatituwa jupana jiwatapatjja juchañchascani, Joab chachasti jan awquejjaru yatiyasawa, jupat sipansa juc'ampi pä asqui suma chachanacaru cuchillompi chhokhontasina jiwayäna: Ner jaken Abner yokaparu, jupasti Israelan ejercitopan jilïripänwa, Jeter ucan Amasa yokaparuraqui, jupasti Judá ejerciton jilïriparaquïnwa.

1 Reyes 2:5

“Jumajja yattawa cuntï Sarvia jaken Joab yokapajja lurquitäna ucjja, cunjämtï lurcäna Israelana ejercitopana pani generalanacapampi: Ner jaken Abner yokapampi, uqhamarac Jeter jaken Amasa yokapampisa, jupanacarusti sumancañ horasanwa jiwayäna, guerran jiwayatanacat cutsuyasiñataqui, uca jiwayatanacata nayar jucha jakosina.

1 Crónicas 27:21

Galaad chekanquir mä chicat Manasés tributjja Iddo chachänwa, jupasti Zacarías chachan wawapänwa; Benjamín tributjja, Jaasiel chachänwa, jupasti Abner chachan wawapänwa;

Proverbios 26:26

Jupasti uñisiñapa imt'añsa muncani ucasa, ñankha luräwipajja takeninsa uñjcañawa khanstani.

Jeremías 41:2

Mizpa sisqui uca chekan mank'casinjja, Ismael uqhamaraqui uca tuncanimpi sartasinwa espadampi Gedaliasarojj jiwayapjjäna, qhitirutejj Babilonianquiri reyejj Judá orake apnakañapataqui utt'ayawaycatayna ucaru.

Números 35:19

Jiwayatan jac'a familiapaw jiwayaraquini, cunapachatejj jupajj jicjjatani ucqhajja.

Números 35:20

“Cawquïritejj mayniru uñisiñat nuct'ani, uqhamaraqui cunampisa jakt'araquini jan wali amuyumpi,

Deuteronomio 27:24

‘Maldicitäpan cawquïritejj jake masiparu ch'ojjña lurasina jiwaycani ucajja.’ Ucatsti takpach marcaw sani: ‘Uqhamäpan’ sasa.