2 Samuel 22:3

Aymar Bibliia 1986

Jumaw arjjatirejjätajja, imantasiñajjätasa, jumaw khespiyirejjätasa, Diosajjätasa, nayar imantir karkajjätasa, imir jarc'akasiñajjätasa, khespiyir ch'amajjätasa, wali amstanquir imantasiñajjätasa.

Jak'a apnaqawi uñst'ayäwi

Génesis 15:1

Ucanac khepatsti Tatitu Diosajj Abramarojj mä visionan uñstäna ucatsti saraquïnwa: —Jan ajjsaramti, Abram, nayätwa jumar arjjatirimajja, jumar churañasti wali jach'apunïniwa —sasa.

2 Samuel 22:31

“Diosan thaquipajj chekapawa, Tatitun arsutanacapajj take chuymamp iyawscayawa, ¡Diosajj jupar take chuymamp alcatirinacarojj imascapuniwa!

2 Samuel 22:47

“¡Tatitojj jallallatäpan! ¡Arjjatirejjajj kollanäpan! ¡Khespiyir Diosajjajj jach'añchatäpan!

2 Samuel 22:49

jupaw timanacajjan k'apisiñapat khespiyitu, nayar kallcatir jakenacat antutayitu. ¡Tatay, jumaw khoru jakenacat khespiyistajja!

2 Samuel 22:51

Jumaw ajllit reyimarojj atipaytajja, Davidampir allchhinacapampirojj munasiñampipuniw uñjtajja.”

2 Samuel 23:3

Israelan Diosapajj arsuraquiwa; Israelar arjjatiristi saraquituwa: ‘Qhititejj Diosar ajjsartasa jakenacar apnakcani ucasti,

Salmos 14:6

Jan yäkat jaken amtäwinacapat larusipjje, ucampis Tatituw jupanacarojj imasqui.

Salmos 140:1

Tatay, ñankha lurir jaket jarc'akasita, khoru arun jaket imjjatita,

Salmos 140:11

Lacarar jakejj oraken jan acht'pati, khoru jakerusti chijejj arctpan.

Salmos 140:4

Tatay, ñankha lurir jaket arjjatita, khoru jakenacat imjjatita, tincuñajjatac sipitanac waquichirinacat jarc'aketa.

Salmos 142:4

Cupi tokeruw uñtasta, janiw qhitis yanapt'ir jutquituti. Janiw qhitis arjjatir utjquituti. Janiw qhitis nayat llaquirejj utjquiti.

Salmos 144:2

jupaw nayan asqui lurirejjajja, imantasiñ pucarajjasa, khespiñatac waquichat uyusa, jarc'akasiñajjasa, imantasiñajjasa, juparaquiw marcanacar nayamp apnakayirisa.

Salmos 18:2

Jumaw arjjatirejjätajja, imantasiñajjätasa, jumaw khespiyirejjätasa, Diosajjätasa, nayar imantir karkajjätasa, imir jarc'akasiñajjätasa, khespiyir ch'amajjätasa, wali amstanquir imantasiñajjätasa.

Salmos 27:5

Jan walt'añ urunac purincan ucapachajj, Tatituw utapan imantitani; ch'iwipampiw imjjäsitani; mä karka patjjaruw sayt'ayitani,

Salmos 28:7

Tatituw ch'amajjajja, arjjatirejjasa: juparuw takpach chuymamp iyawsta, jupasti yanapt'ituwa. Chuymajjajj cusisitawa, Tatituruw k'ochü, yuspagararaquï.

Salmos 3:3

Ucampis Tatay, jumaw nayan arjjatirejjätajja, jumaw jach'ar aptirejjätajja, jumaraquiw ch'amañchirejjätasa.

Salmos 32:7

Jumaw imantasiñajjätajja: jan walt'añanacat khespiyista, atipjäwi k'ochunacampiw muyuntayaraquista.

Salmos 46:1

Diosaw imantasiñasajja, ch'amañchirisasa, jupaw chijinacan arjjatirisajja.

Salmos 46:11

¡Nuwasir taman Tatitupajj jiwasanacampïsquiwa! ¡Arjjatirisajj Jacobon Diosapawa!

Salmos 46:2

Uca laycuw jan ajjsarapcañäniti, orakes qhathatiscpan, kollunacas lamar kotar tincuntascpan,

Salmos 46:7

¡Nuwasir taman Tatitupajj jiwasanacampïsquiwa! ¡Arjjatirisajj Jacobon Diosapawa!

Salmos 5:12

Tatay, jumaw iyawsir jakerojj asquinac churtajja, qhuyapayasiñamajj jarc'akasiñar uñtataw muyuntasqui.

Salmos 55:9

Tatay, jupanacarojj t'unjamaya, arunacap pejjtuntam, nuwasiñamp uñisisiñampic jupanac taypin uñjta,

Salmos 59:16

Nayasti willjtaw jumarojj k'ochüma, munasiñamampita, ch'amamampit yatiyä. Jumaw nayan arjjatirejjätajja, jumaw llaquisiñajjan imantasiñajjätajja.

Salmos 61:3

jumaw nayan imantasiñajjätajja. Jumaw timasirejjat jarc'aker ch'aman pucarätajja.

Salmos 71:7

Waljaniw sarnakäwejjampejj muspharapjjäna, jumaquiw nayan arjjatirejjätajja.

Salmos 72:14

Jupaw t'akhesiñ taypit waysuni, jacañanacapan jila alanïtap laycu.

Salmos 84:11

Diosaw khant'ayistu, imaraquistu; jupaw qhuyapayasiñampi, aytat cancañamp churi. Jan camscay asqui jaquir jakenacarojj, Tatitojj munasiwa, jach'aruw apti, asquinacap churaraqui.

Salmos 84:9

Nanacar arjjatir Diosay, juman ajllit reyerojj qhuyapayasiñampiy uñtanim.

Salmos 86:14

Diosajjay, jach'a jach'a tucurinacaw nayatac sartapjje, khoru jakenacaw nayar jiwayañatac thakapjjetu, janiw jumarus ajjsarapctamti.

Salmos 9:10

Tatay, sutim yatirinacajj jumaruw iyawsapjjtam, jumar thakerinacarojj janipuniw apanucctati.

Salmos 9:9

Tatituw t'akhesiyat jakenacarojj arjjatasqui, jupaw llaquisiñ pachanacan imasqui.

Éxodo 15:2

Tatituw nayan k'ochuñajjajja, juparaquiwa ch'amañchirejjasa, uqhamarac khespiyirejjasa. Jupawa nayan Diosajjajja, ucatwa yupaychäjja; juparaquiw awquejjan Diosapasa, ucatwa jach'añcharaquëjja.

Proverbios 18:10

Tatitun sutipajj imantasiña jach'a torrer uñtatawa, asqui jakenacajj jupan ucar imantasiñataqui jutapqui ucanacataquejja.

Proverbios 30:5

Tatitojj jupar iyawsirinacarojj imiwa; jupan arsutanacapasti chekapawa.

Isaías 12:2

Diosaw nayar khespiyirejja, juparuw iyawsta, janiw cunsa ajjsarcäti. Tatituw nayan arjjatirejjajja, nayar ch'amañchirejjasa, jupaw khespiyirejjajja.”

Isaías 32:2

Sapakata jupanacasti thayat imantasiñjama samaräwïniwa, jach'a mathapi thayatsti jupajj imaniwa, waña oraken uma irpañ k'awanacjama, wasaran mä jach'a kalan ch'iwipäniwa.

Isaías 45:21

Parlapjjam, arsusipjjaraquim, munapjjsta ucapachajj jumanaccamaraqui jisct'asipjjam: ¿Qhitis nayratpacha take acanac arsünjja? ¿Qhitis nayra urunacatpach yatiyänjja? sasa. ¿Janiti naya Tatitu ucanac lurctsti? Janiw yakha Diosajj nayat sipan utjquiti. Nayat sipan yakha atipjiri khespiyiriraqui Diosajj janiw utjquiti.

Jeremías 16:19

Tata, nayar ch'am churiri, nayar arjjatiri; jan walt'añ horasajjansa nayar imirïtawa; juman ucaruw marcanacajj jutapjjani, aca orake tucusitpacha, ucatsti sapjjaraquiniwa: “Nanacan awquinacajjasti, c'ari diosanaca, jan ch'amani, jan cunatac inamaya diosanacwa herenciata catokapjjänjja.

Jeremías 16:9

Naya Israelan take ch'amani Dios Tatitupasti sistwa: Nayaw aca marcanjja fiestanacsa, cusisiñanacsa k'ala chhaktayäjja, uqhamaraqui casarasiña k'ochunacsa chhaktayaraquïwa. Acasti pachpa jumanacan urunacamanwa pasaraquini, jumanacaw ucanacjja uñjapjjaraquïta.

Lucas 1:47

Chuymajjasti Khespiyir Tatitu Diosajjan cusisi.

Lucas 1:69

Mä ch'aman Khespiyiri churistu David sirviripan wawanacap taypita,

Lucas 1:71

Jupawa jiwasarojj uñisirinacasatsa, take qhitinacatï uñisipquistu ucanacatjja khespiyaraquiñapäna.

Deuteronomio 32:37

Ucatsti jupanacarojj saniwa: ‘¿Cawquincaraqui uca diosanacamasti, cawquïri arjjatiri diosarutejj iyawsapcäyäta ucasti,

Deuteronomio 32:4

Jupaw jiwasan arjjatirisajja; luräwipasa chekaparaquiwa, luratapasa chekaraquiwa. Jupasti chekapa Diosawa, janiw jupanjja cunatejj jan chekapäqui ucajj utjquiti, ¡jupasti chekapawa, asquiraquiwa!

Deuteronomio 33:29

Israel marca, jumasti cusisim; ¿qhitis jumampi chicachasispa? Tatitu Diosam quipcaw jumaru khespiytam, juparaquiw imasctam, yanapascaractam. ¡Jupaw atipt'ayiri espadamajja! Uñisirimasa llamp'uchasiniw juma nayräjjanjja, jumaraquiw jach'a jach'a tucuñapsa pampachjäta” sasa.

Tito 3:4

Ucampis cunapachatejj Khespiyir Diosajj qhuyapayasiñapa, munasiñapsa take jakenacaru uñacht'ayistojja,

Tito 3:6

Khespiyir Jesucristo tokew Diosajj Kollan Ajayu jilarquir churistu,

Hebreos 2:13

Saraquiwa: “Nayajj Diosaruw catuyasï.” Wasitampiw saraqui: “Acancasctwa, Diosajj churquistu uca wawanacampi” sasa.

1 Samuel 2:1

Anasti aca oración luraraqui: “Tatitu, nayasti take chuymaw juman cusista, jumajj nayar ch'ama churatamata. Jichhacuchapï uñisirinacajjatjja arsusïjja, jumaw nayarojj yanapt'ista uca laycu. ¡Wali cusisitätwa!

1 Samuel 2:2

¡Janiw jumjam kollanajj qhitis utjquiti, Tatitu! ¡Janiw jumat juc'ampejj qhitis utjquiti!