2 Samuel 22:1

Aymar Bibliia 1986

Davidasti aca k'ochwa k'ocht'asïna, cunapachatejj Tatitojj juparu Saúl reyin amparapata, uqhamaraqui uñisirinacapatsa khespiycän ucapacha.

Jak'a apnaqawi uñst'ayäwi

2 Samuel 12:7

Natanasti saraquïnwa: —¡Jumätaw uca jakejja! Ucwa khanañchi Israelan Tatitu Diosapajja: “Nayaw jumarojj Israelan reyipat ajllissma, uqhamaraqui Saúl reyin amparapatsa khespiyaracsma;

2 Samuel 22:49

jupaw timanacajjan k'apisiñapat khespiyitu, nayar kallcatir jakenacat antutayitu. ¡Tatay, jumaw khoru jakenacat khespiyistajja!

1 Crónicas 16:7

Davidajj qhä kallta urunjja Asaf chachampir masinacapampirojj aqham Tatituru yuspagarapjjañapataquiw yatiyäna.

Salmos 34:19

Asqui jakejj jan walinacamp t'akhescchi ucasa, Tatituw take ucanacat waysu;

Salmos 50:14

Diosar loktañamajj yuspagarañ chuymäpan; Alajjpachanquir Diosar arsutanacam phokham,

Éxodo 15:1

Ucatsti Moisesampi, israelitanacampejj Tatitur jach'añchasinjja, aqham sasaw k'ochupjjäna: “Nayasti Tatitur jach'añchasinwa k'ochöjja, jupasti ch'amapampiw atipji carronacsa, caballonacsa kotar jakontasa.

2 Corintios 1:10

Diosaw khespiyapjjetu, jichhas khespiyasipcaquituwa uca jach'a jiwañatjja. Juparu catuyasisaquiw suyt'asipcaracta, jichhas yanapasipcaquitaniwa,

Deuteronomio 31:30

Ucatsti Moisesajj aca k'ochwa arsüna, kalltat tucuycama, take israelit jakenac nayrakatana:

2 Timoteo 4:18

Tatituw take jan walit khespiyasquitani, uqhamarac alajjpach reinopataquiw imaraquitani. ¡Jach'añchatäpan jupajj wiñayan wiñayapataqui! Uqhamäpan.

Jueces 5:1

Qhä urusti Deborampi, Barac sata, Abinoam sat chachan yokapampisti k'ochupjjänwa aqham sasa:

1 Samuel 23:14

Uqhamaw Davidajj Zif sisqui uca wasara kollu chekana jacañataqui kheparäna. Ucansti mä imantasiñanacaw utjaraquïna, Saúl reyejj sapüru thakcchïnsa, ucampisa Tatitojj janiw amparaparu catuycänti.

1 Samuel 24:15

Uca laycu, Tatituqui jiwasa paninirojj uñj-jjestpan. ¡Juparaqui naya toketjja uñjitpan, jach'a reyitsa arjjataraquitpan!”

1 Samuel 25:29

Qhititejj jumaru arcanakätam, jan ucajj jiwayañsa munaraquïtam, ucapachajj chekpachansa juman jacañamajj Tatitu Diosan suma arjjatatäniwa. Juman uñisirinacamarusti Tatitojj k'orawampjamaw k'orawnucuni.

1 Samuel 26:24

Cunjämatejj jichhürojj jach'a reyin jacañapa asquir uñjtjja, uqhamarac Tatitojj jacañajj-jja uñjitpan, take llaquisiñatsa khespiyaraquitpan —sasa.

1 Samuel 27:1

Ucampisa Davidajj lup'iscaraquïnwa: “Jichhasa, jan ucajj acat kheparusa Saúl reyejj nayarojj jiwayaquipunitaniwa. Uca laycu, nayataquejj asquïniwa filisteonacan orakeparu sarjjañajjajja, uqhamat Saúl reyejj nayarojj jaytañapataqui, janiraqui take Israel orakena thakascañapataqui. Uqhamatwa amparapat jaltjjäjja” sasa.