2 Samuel 18:4

Aymar Bibliia 1986

—Cunjämatejj jumanacataquejj walïqui uqhamarjamaw lurä —sasaw reyejj saraquïna. Ucatsti janc'aquiraquiw jitjtäna marcaru mantañatjja maysaru, uccañcamasti ejercitojj waranka soldadonacata, uqhamaraqui pataca soldadonacat formt'ataw mistuscäna.

Jak'a apnaqawi uñst'ayäwi

2 Samuel 18:1

Davidasti ejercitopjja suma uñaquiparaquïna, ucatsti sapa waranka soldadonacjjaruw mä jilïri uscuraqui, uqhamaraqui sapa pataca soldadonacjjarusa.

2 Samuel 18:24

Uccañcamasti Davidajj marcar mantañäquis uca pä puncu taypin konuscäna, uñch'uquiripasti azotea patjjaruw misturaquitayna, perka puncu patjjana. Uñatatasinsti uñch'uquirejj mä jakeru jalasinquir uñjäna,

2 Samuel 18:5

Uqhamarus reyejj Joab, Abisai, uqhamaraqui Itai jilïrinacarojj ewjjt'araquïnwa, reyi laycojj Absalonarojj suma uñjapjjañapataqui, takpach soldadonacaraquiw ist'apjjäna cuntejj reyejj jilïrinacaru siscäna ucjja, Absalonaru sum uñjapjjañapataqui.

Isaías 28:6

tribunalansti juezanacarojj chekapa amuyu churani, marca arjjatiri soldadonacarusti ch'ama churaraquini.

1 Samuel 29:2

Uqhamasti cunapachatejj filisteonacan jilïrinacapajj compañiata, batallonata sarantasipcän ucapachasti, Davidampi jakenacapampejj Aquis reyimpiwa khepata sarantasipcaraquïna.