2 Samuel 16:9

Aymar Bibliia 1986

Uqhamasti Sarvia jaken yokapa, Abisai sat jakesti saraquïnwa reyirojja: —¿Cunatsa aca jiwat anojj reyirojj aqham jan wali arunacapampi ñankhachi? ¡Jichhpachaw p'eke apakä! —sasa.

Jak'a apnaqawi uñst'ayäwi

2 Samuel 19:21

Ucatwa Abisai sat jakejja, cawquïritejj Sarvia sisqui ucan yokapäcaraquïna ucajj saraqui: —¿Janit Simei jaken jiwañapajj waquisquejja? Jupajj Tatitun ajllisit reyirojjay ñankhachchïnjja —sasa.

2 Samuel 19:22

Ucampisa Davidajj saraquïnwa: —Sarvia jaken yokapa, acajj janiw jumanacan lurañanacamäquiti. ¿Cunatsa jumanacajj naya contra amtapjjta? Jichhajj nayajj Israel marcan reyipätwa, janiraquiw qhitis Israel marcanjja jichhürojj jiwcaniti —sasa.

2 Samuel 3:30

Joab, uqhamaraqui Abisai jakempisti Abnerarojj jiwayapjjänwa guerrana, Abnerajj uca paninin jilaparu Gabaón chekan jiwayatap laycu.

2 Samuel 3:8

Abner chachasti Is-boset jaken uqham satapampejja wali colerasïna ucat saraquïna: —¿Nayasti anütti, alekaqui mä anjama aca Judá marcan sirviñataquejja? Nayajj Saúl awquiman utapanjja take chuymaw take cuns lurta, uqhamaraqui amigonacaparusa, familianacaparusa, jumarusti janiraquiw Davidan amparaparu catuycsmati. ¿Ucatti jichhajj jumajj mä warmimpi jucha luratajjat juchañchitäta?

2 Samuel 9:8

Mefi-bosetasti uca arunac ist'asinjja orakeruw p'ekep alt'asïna ucat saraquïnwa: —¿Cunatarac juma, juma jach'a reyisti, naya sirvirimat amtasista? Nayajj mä jiwat anumpi sastwa —sasa.

Éxodo 22:28

“Janiw Dios contrajj jan walinac parlätati, uqhamarac marcaman apnakqui uca jilïrirusa janiw maldiciraquïtasa.

Lucas 9:54

Santiagompi Juanampejj uc uñjasinjja, sapjjänwa: —Tata, ¿muntati nanacan alajjpachat nina sarakayaniñajj-jja, ucat jupanacar naqhantañapjja, [cunjämtejj Elías profetajj lurcän uqhama]? —sasa.

Hechos 23:5

Pablosti saraquïnwa: —Jilatanaca, janiw nayajj yatcäyätti jupan jilïr sacerdotëtapjja. Kellkatansti saraquiwa: “Janiw marcaman jilïripatjja jan wali parlätati” sasa.

1 Pedro 2:17

Takenirus suman uñjapjjam, jilatanacarusti munapjjaraquim, Diosarusti ajjsartapjjam, reyirusti ist'apjjaraquim.

1 Samuel 24:14

Uqhamarusa, ¿qhitin khepapsa Israelan reyipajj mistunejja? ¿Qhitirus arcnakasquejja? ¡Nayaru, qhititejj mä anu jiwatjamäcta, mä c'utiru uñtataquiraquïtwa!