2 Samuel 15:8

Aymar Bibliia 1986

Cunapachatejj aca sirvirimajj Gesur marcana, Siria orakena jaccän ucapachasti nayajj Tatiturojj sayätwa: “Jumatejj Jerusalén marcaru cuttayjjetäta ucapachajj, nayajj jumarojj yupaychämawa” sasa, sasaw Absalonajj reyirojj säna.

Jak'a apnaqawi uñst'ayäwi

2 Samuel 14:23

Ucatsti Joab chachajj ucspachaw sartasin Gesur marcaru saräna Absalonaru Jerusalén marcaru irptanjjañataqui.

2 Samuel 14:32

Absalonasti saraquïnwa: —Nayajj jumaruw jawsaysma, reyin ucar naya toket sart'añamataqui, ucatsti juparu sañamataqui: “Janiw cunataquis asquïquiti Gesur marcat jutatajjajja, waliquïsapänwa nayan uca pachpa marcaru kheparascañajjajja” sasa. Nayasti reyiruw uñjañ munta, cuna juchajjas utjchi ucqhasti nayarojj jiwayitpan —sasa.

2 Samuel 15:9

—Sarascaquim —sasaw reyejj saraquïna. Uqhamasti Absalonajj Hebrón chekaruw saräna.

2 Samuel 3:3

ucjjarusti Quileab sataraquïnwa, ucasti Carmel token utjiri Nabal jaken ijmapa, Abigail warmin wawaparaquïnwa; ucjjaru, quimsïri wawapasti Absalón sataraquïnwa, Maaca warmin wawapa, uca warmisti Talmai jaken phuchapänwa, jupasti Gesur marcan reyiparaquïnwa.

Salmos 56:12

Diosajjay, jumar arsutanacat manumätwa, yuspagarañ chuymampiw phokhäma:

Eclesiastés 5:4

Cunapachatï cun lurañataquis Diosar arsüta ucajja, janc'aquiw phokhäta, jupataquejj janiw chuymar purt'cayäquiti pisi amuyt'aninacajja. Phokham cuntï lurañatac arscta ucjja,

Isaías 28:15

Jumanacasti sapjjtawa: “Jiwañampejj arust'astanwa, mä arust'äwi luraractanjja jiwatanacan utjäwipampisa, cunapachatejj uca jach'a jan walt'añajj jutcani ucqhajj jiwañajj jan jiwasar catuntañapataqui; c'arisiñanacaruw imantasiractanjja, sallkjasiñanacaru imantastanjja” sasa.

Jeremías 42:20

Jumanacajj mä jach'a pantjasïwi lurapjjtajja. Jumanacpachaw mayipjjesta nayan Tatituru jisct'añajjataqui, sapjjaraquïyästawa: ‘Tatitu Diosasat mayim nanacataqui, ucatsti yatiyapjjaraquita cuntejj jupajj siscani uca, nanacan arsutaparu phokhapjjañanacajjataqui’ sasa.

Josué 24:15

Ucampisa janitï jumanacajj Diosar sirviñ munapcsta ucajj, jichhüruy ajllisipjjam qhitirutï sirvipjjäta uca. Awquinacamajj Eufrates sat jawira lacana sirvipcäna uca diosanacaruti, jan ucajj cawquïrinacatï aca orakenacan jacapqui uca amorreonacan diosaparucha. Ucampisa nayampi take familiajjampejja Diosaruw sirvipjjä.

1 Samuel 1:11

aqham sasa: “Take ch'aman Tatitu, jumatejj aca sirviriman t'akhesitap uñtanïtajja, ucat nayat amtasiraquitätajja, mä wawsa apayaraquïtätajja, nayajj uca wawa jumar sirviritaquiw uywä, uca arsüwiru phokhañataquisti, señälajj acäniwa: Janiw ñic'utapajj mururascaniti” sasa.

1 Samuel 16:2

—¿Cunjämsa jichhasti saräjja? ¡Saúl reyitejj saratajj yatinejja, jiwaychitanejjaya! —sasaw Samuelojj säna. Tatitusti saraquïnwa: —Mä kachu vaca kallu irpjjarusiwayam, ucatsti “Sacrificio loktiriw sarä” sasa saraquim.