2 Samuel 14:2

Aymar Bibliia 1986

Uqhamasti Tecoa marcatjja mä wali ch'iqhi warmi irptayanïna. Ucat saraquïna: “Jumajj llaquinccasmasa uqhamaw tucüta, luto isimpi isthapisiwayam; janiraqui cuna k'apquir kollanacsa uscusimti, jan ucasti walja urunaca uqham llaquita sarnakcasma uqhamaw tucüta, mayni jakes jiwcaspa uqhama.

Jak'a apnaqawi uñst'ayäwi

Génesis 38:19

Ucjjarusti Tamar warmejj sarjjänwa, velopsti apsusjjaraquïnwa, ucatsti lutu isipampiw isintasjjaraquïna.

2 Samuel 11:26

Uriasan warmipasti, chachapan jiwatap yatisinjja lutt'asiraquïnwa;

2 Samuel 12:20

Ucapachaw Davidajj oraket sartjjäna, jarekasisinsti, suma k'apquiri kollanacampiw jawsusïna, isinacapsa trocasiraquïna, ucatsti temploruw mantawayi Tatituru yupaychañataqui. Ucatsti utaparuw sarjjäna, mank'a mayisisin mank'asiraquïnwa.

2 Samuel 20:16

Uqhamaraqui acatjamat mä ch'iqhi yatiñan warmejj art'asinïna perka patata: —¡Ist'apjjeta, ist'apjjeta, Joab chacharojj naya toket sapjjam, juc'ampi aca perkaru jac'achasinpan, nayasti jupampiw parlañ munta! —sasa.

2 Samuel 23:26

Paltitanquiri Heles sata; Iques jaken yokapa Ira sat jakempi; jupasti Tecoa chekankiriraquïnwa:

1 Reyes 14:2

Ucatsti Jeroboam reyejj warmiparojj sänwa: “Saram yakhata isthapisiwayasina uqhamata jumar jan uñt'apjjañapataqui nayan warmejjätama, ucatsti Silo chekaru saram. Ucanwa jaqui Ahías profetajja, qhititejj nayar sisquitäna aca marcana reyïñajjataqui ucaru.

1 Reyes 14:5

Ucampis Tatituwa jupar yatiyäna Jeroboam ucan warmipan jutañapata usut wawapata jisct'asiri. Uqhamaraquiw yatiyaraquïna cunjämatï sañapäqui uca, ucatjja yatiyaraquïnwa yakhata isthapisita jutañapata.

2 Crónicas 11:6

Lurayänwa Belén, Etam, Tecoa,

2 Crónicas 20:20

Khepärmanthisti wali alwatwa sartasipjjäna Tecoa wasara tokeru sarañataqui. Mistuña horasansti Josafat reyejj sayt'asisinwa säna: “Ist'apjjeta Jerusalenanquiri, uqhamarac Judá orakenquir jakenaca: Tatit Diosamaru iyawsapjjam, ucatsti janiw ajjsarapcätati; jaysapjjam profetanacaparu, ucatsti take cunasa jumanacataquejj waliquïscaniwa” sasa.

Nehemías 3:27

Tecoanquir jakenacasti ucjjar perkäqui ucwa asquichapjjaraquïna, jach'a jilsuta torre nayräjjata, Ofel perkäquis ucqhacama.

Nehemías 3:5

Ucjjarüqui ucsti asquichapjjaraquïnwa Tecoanquiri jakenaca, jilïri jakenacapajja jan yanapañ munapcchïna perka luririnacan sarayirinacaparusa.

Salmos 104:15

ch'amanchir t'ant'a jicjjatañapataqui, chuymapar cusisiyir vino apsusiñapataqui, ajanupar lliphipiyir aceite jicjjatañapataqui.

Eclesiastés 9:8

Jank'o isimpipuni isthapisim; p'ekemarusa k'apquir kollanacampi uchasipunim.

Jeremías 6:1

¡Benjamín token utjir jakenaca! ¡Imantasiñ thaktapjjam, Jerusalenat jaltjjapjjam! Tecoa chekansti trompeta phust'apjjam, Bet-haquerem chekansti mä chimpu sayt'ayapjjam, mä jach'a jan walt'añampi, mä jach'a aynacht'añampiw, amsta toket ajjsarañapa churasinqui.

Amós 1:1

Aca arunacsti Amós chachaw catokäna, jupasti oveja awatirïnwa Tecoa marcanquiriraqui, uca arunacsti Diosatwa catokäna Israel marcjjata, orak qhathati pasañapataqui janïr pä maräquipana, uca urunacansti Judá marcanjja Uziasaw reyïscäna, Israel marcansti Joasan Jeroboam yokaparaquiw reyiscaraquïna.

Mateo 6:17

Cunapachatejj jumajj ayuncät ucqhajj ajanum jarekasim, ñic'utamsti sumrac asquicht'asim,

Rut 3:3

Jumasti jichhajj aqham luram: Jarekasiwayam, suma k'aphinacamp uchasiwayasa, uqhamarac sum isthapt'asiwayam, ucatsti janiw Booz chachampejj uñt'ayasïtati janïr mank'aña, umaña tucuyquipana.