2 Samuel 13:3

Aymar Bibliia 1986

Ucampisa uca Amnón jakejj mä amigonïnwa, ucasti sinti sallka jakeraquïnwa; uca amigopasti Jonadab satänwa, Simea jaken yokaparaquïnwa, uca Simeasti Davidan jilaparaqui.

Jak'a apnaqawi uñst'ayäwi

Génesis 3:1

Diosasti take animalanac lurcatayna ucanac taypinjja catarejj wali ch'iqhïnwa take animalanacat sipansa, ucatsti warmiruw jisct'äna aqham sasa: —¿Uqhamajj Diosajj sapjjtamti: “Janiw cawquïri kokan achunacapsa mank'apjjätati” sasa?

Génesis 38:1

Uca urunacasti Judá chachajj jilanacapat sarakawayjjasinjja, Hira sat jaken utaparu jaquiriw sarjjäna, uca jakesti Adulam sat chekanquirïnwa.

Génesis 38:20

Uca khepatsti Judäjj adulamita amigopampiw mä cabrito irpayjjaraquïna, warmejj uca prendanac cuttayjjañapataqui, ucampis amigopajj janiw jicjjatcjjänti.

2 Samuel 13:2

uqhama munapayasasti usuntaraquitaynawa. Tamar cullacapasti janiraquiw ucacamajj chachjja uñt'cataynati ni chachanacampi sarnakañsa yatcaraquitaynati; ucatwa Amnón jakejj cullacaparojj jan cun lurañsa puedcaraquïnti.

2 Samuel 13:32

ucampisa Davidan jilapa Simea jaken Jonadab yokapasti arsuraquïnwa: —Jach'a reyejj, jan amuycpati take wawanacapan jiwaratapjja. Janiw takeni jiwarapquiti jan ucasti Amnón saparuquiw jiwayapjjejja, uqhamwa Absalonajj amtaraquitayna, cunürutejj Amnonajj Tamar cullacaparu jan wali lurcatayna ucürutpacha.

2 Samuel 13:4

Ucatwa Jonadab jakejj jisct'äna Amnón jakerojja: —¿Cunas camachtam, jach'a jilïri? ¿Cunatsa uqham urut ururu juc'ampi aynacht'ata uñjasta? ¿Janit nayar yatiyquitasma? —sasa. Amnón jakesti saraquïnwa: —Absalón jilajjan Tamar cullacaparuw walipun munta —sasa.

2 Samuel 14:2

Uqhamasti Tecoa marcatjja mä wali ch'iqhi warmi irptayanïna. Ucat saraquïna: “Jumajj llaquinccasmasa uqhamaw tucüta, luto isimpi isthapisiwayam; janiraqui cuna k'apquir kollanacsa uscusimti, jan ucasti walja urunaca uqham llaquita sarnakcasma uqhamaw tucüta, mayni jakes jiwcaspa uqhama.

2 Samuel 21:21

Ucampis jupajj israelitanacarojj wali nuwjañ munäna, ucatwa Simea jaken yokapa, Jonatanajj juparu jiwayaraquïna, cawquïritejj Davidan jilapäcaraquïna uca.

1 Crónicas 2:13

Isaí chachasti Eliab ucan awquipänwa, tayna wawapa; Abinadab ucasti payïri wawapa; Simea ucasti quimsïri wawaparaqui;

1 Crónicas 27:32

Davidan Jonatán tiopasti, wali yatiñani, uqhamarac suma yatichata chachänwa, jupasti ewjjanac churirïnwa, uqhamarac Hacmoni chachan Jehiel yokapasa, juparaquiw reyin wawanacapampisa chicänjja.

Ester (hebreo) 5:10

Ucampis uca ratojja janiw uñisitapjja uñacht'aycänti. Utaparu purisinsti qhitänwa amigonacaparu jawsiri, uqhamarac Zeres sat warmiparusa.

Ester (hebreo) 5:14

Ucampis Zeres sat warmipampi, take amigonacapampisti sapjjänwa: —Qhitam waquichañapataqui, jaychcataña lurayam, altorojj pä tunca payan metroni. Ucatsti arumarji alwatajja reyiru mayim ucaru Mardoqueorojj jaychcatayañapataqui, ucatjja reyimpejj mank'añ fiestarojj jan cuna llaquiniquiw saräta —sasa. Uca amuyt'ayäwisti Amán chachataquejj waliquïnwa, ucatsti qhitänwa jaychcataña waquichanipjjañapataqui.

Ester (hebreo) 6:13

Utapar purisinsti Zeres sat warmiparu amuyt'ayir take amigonacaparojj yatiyänwa cunanacatejj lurasqui uca. Ucatsti jupanacajj sapjjänwa: —Uca Mardoqueosti, qhiti nayrakatantejj jilïr cancañamana atipjayasta ucajja judiowa, janiwa atipcasmati, jan ucasti k'alapuniw aynacht'ätajja —sasa.

Proverbios 19:6

Cunsa wajjt'asir jakerojja, take jakenacaw thakapjje, amigoparus tucupjjaraqui.

Jeremías 4:22

“Marcajjajj k'ala lokheratawa, janiw uñt'cjjaraquituti siw Tatitojja. Jan amuyt'asiri wawanacäpjjewa, janiw amuythapisipquiti. Ñankhanac lurañanacataquisti ch'amanacapas jilararaquiwa, ucampisa janiw cunatejj asquïqui ucjja lurañ yatipquiti.”

1 Corintios 3:19

Acapacha yatiñ cancañasti Diosataquejj lokhe cancañawa. Diosan Arupasti saraquiwa: “Diosajj yatiñan jakenacarojj jupanacan pachpa sallka chuymampi amtatanacaparuw jalantayi.”

Santiago 3:15

Uca casta yatiñasti janiw Diosat jutquiti, jan ucasti acapach yatiñ cancañaquiwa, jaken amuyt'apaquiraquiwa, pachpa supayat jutaraqui.

Jueces 14:20

Sansón chachan warmipjja mayni amigoparuwa churjjapjjäna.

1 Samuel 16:11

Ucat Isaí jakerojj jisct'äna: —¿Janit juc'ampi yokanacamajj utjcjje? —sasa. —Sinti sullcäqui ucaw utjasqui, jupasti oveja awatiriwa —sasaw Isaí chachajj saraquïna. —Irptayanim. Jupan puriniñapcamajja janiw cunatejj lurañasäqui ucjja lurcañäniti —sasaw Samuelojj saraquïna.

1 Samuel 16:9

Ucat Isaí chachajj Sama sat yokaparuw irpcataraquïna; ucampisa Samuelojj saraquïnwa: —Janiw acarus ajlliscaraquiquiti —sasa.