2 Samuel 13:1

Aymar Bibliia 1986

Davidan wawapa, Absalonasti mä suma cullacanïnwa, wali suma uñnakt'ani, Tamar sat sutini. Uqhamïpansti Amnón sat jakejj, cawquïritejj Davidan yokapäcaraquïna ucajja, uca Tamar tawakorojj walpun munapayatayna,

Jak'a apnaqawi uñst'ayäwi

Génesis 29:18

Jacobosti Raquelarojj warmipataquiw wal munäna, ucatsti Labanarojj sänwa: —Raquel, sullca phucham laycu, pakallko maraw irnakarapïma —sasa.

Génesis 29:20

Uqhamaw Jacobojj Raquel laycojj pakallko mara irnakäna, jupataquejja juc'a maranacjamäcchïn ucasa, sinti munatap laycu.

Génesis 34:3

Ucampisa uca Siquem jakejj sintipuniraquiw Dinarojj munatayna, ucatsti cunayman toketwa munayasiñ munäna.

Génesis 6:2

Diosan wawanacapasti uca warminacan jiwaquïpjjatapwa uñjapjjäna. Ucatsti uca warminacwa catuntasipjjäna, ucanacampiw mayachasipjjaraquïna.

2 Samuel 11:2

Mä jayp'usti, Davidajj iquiñapat sartasinjj, palacio terraza patanwa sarnakascäna, ucatpachwa mä suma warmiru jarisisquiri uñjäna.

2 Samuel 13:15

Uqhama warmt'asjjatatsti Amnón jakejj Tamar cullacaparojj walpun uñisrantjjaraquïna, cunjämtejj juparojj warmipataqui muncän ucat sipansa juc'ampwa uñisjjäna. Ucatsti saraquïnwa: —Mistum acata, saram —sasa.

2 Samuel 13:2

uqhama munapayasasti usuntaraquitaynawa. Tamar cullacapasti janiraquiw ucacamajj chachjja uñt'cataynati ni chachanacampi sarnakañsa yatcaraquitaynati; ucatwa Amnón jakejj cullacaparojj jan cun lurañsa puedcaraquïnti.

2 Samuel 14:27

Absalonasti quimsa yokall wawanacanïnwa, uqhamaraqui mä phuchani, uca phuchapasti Tamar sataraqui, wali suma uñnakt'ani tawakoraquïnwa.

1 Reyes 11:1

Salomón reyejj faraonan phuchapjjarusti, yakha walja warminacaruwa munäna: moabitanacaru, amonitanacaru, edomitanacaru, sidoniasanacaru, uqhamarac hititanacaru;

1 Crónicas 3:2

quimsïristi Absalón satänwa, jupasti Maaca warmin wawapänwa, Gesur ucanquir reyin Talmai ucan phuchaparaqui; pusïristi Adonías satänwa, jupasti Haguit warmin wawanacapänwa;

1 Crónicas 3:9

Take acanacaw Davidan wawanacapänjja, ucampis janiw jaqhutäcänti uñt'atanacapana wawanacapajja. Tamar ucasti jupanacan cullacapänwa.

Proverbios 31:30

C'ariquiwa suma uñnakani warmejja, jiwaquïñasa inamayaquiwa, ucampis Tatitur ajjsariri warmiwa jach'ar aptatajja.

Proverbios 6:25

Chuymamanjja jan munapayamti jiwaquïtap laycojja, ¡janirac uñtatapampis catuntayasimti!