2 Samuel 11:13

Aymar Bibliia 1986

Davidasti jupampi chica mank'añapataqui, umañapataquiraquiw jawsayäna, machjayaraquïnwa. Arumäjjepansti Uriasajj mistuwayasinjja palacion guardia luriri soldadonacampi chicaraquiw icjjäna, janiraquiw utaparojj sarcänti.

Jak'a apnaqawi uñst'ayäwi

2 Samuel 11:9

Ucampisa Urías chachajj utaparu sarcamayajja uca arumajj reyin palaciopan guardia luriri soldadonacampi chicaw kheparäna palacio puncuna.

2 Samuel 13:26

Ucatwa Absalonajj saraquïna: —Janitejj, juma, jach'a reyejj, sarirjamäcstajja, uqhamajj Amnón jilajjaquisay sarpanjja —sasa. —¿Cunatsa Amnón jilaman sarañapjja munta? —sasaw reyejj jisct'araquïna.

Éxodo 32:21

Ucat Moisesajj, Aaronarojj saraquïnwa: —¿Cunsa aca jakenacajj lurapjjtama? ¿Cunatsa aca jach'a jucha jupanacaru luraytajja? —sasa.

Proverbios 20:1

Vinojj jakerojj jan amuyun tucuyi, machjasiña umañanacasti jan walinacwa parlayaraqui; qhititejj uqhama machjasiñana sarnakqui ucajja, janiw yatiñ cancañampi cuns lurquiti.

Proverbios 23:29

¿Qhitisa t'akhesejja? ¿Qhitisa aykojja? ¿Qhitisa ch'ajjwañana, jachañansa sarnakejja? ¿Qhitisa jan juchata nuwatajja? ¿Qhitis nayras ch'ojjñantatajja?

Habacuc 2:15

“¡Ay, cunänis jumatjja, jake masinacamaru machjayañataqui vinoru jan wali kollanacampi uchasa churatamata, uqhamat k'alalaquïtap uñjasinjja jisc'achañataqui!