2 Samuel 10:2

Aymar Bibliia 1986

Ucat Davidajj amuyt'asiraquïna, Nahas sat jaken Hanún sat yokaparojj sum uñjaña, cunjämatejj awquipajj juparojj suma uñjcaraquitayna uqhama, ucat mayni yanapirinacapa Hanún reyin ucarojj qhitaraquïna, awquipan jiwatapat suma chuymachäsïwi arunac churapjjañapataqui. Ucampisa, cunapachatejj Davidan yanapirinacapajj amonitanacan orakeparu puripjjän ucapachasti,

Jak'a apnaqawi uñst'ayäwi

2 Samuel 17:27

cunapachatejj Davidajj Mahanaim sat chekaru purïn ucapachasti mistunipjjaraquïnwa juparu catokerejja Subi sat Nahas jaken yokapa, jupasti Rabá de Amón sisqui ucanquirïnwa; uqhamaraquiw Maquir sat jakes mistuniraquïna, ucasti Amiel sat jaken yokaparaquïnwa, Lodebar chekanquiriraqui; uqhamaraqui Barzilai sat jakes mistuniraquïnwa, cawquïritejj Rogelim de Galaad sisqui uca chekan utjasirïcän uca.

1 Samuel 11:1

Nahas sata Amón oraken reyipasti, Galaad token Jabes sisqui uca chekaruw saräna, ucansti mä ejército waquicht'äna, marcaru tucjañataqui. Ucampis Jabes sisqui uca chekan utjir jakenacajj juparojj sapjjaraquïnwa: —Nanacampejj mä amtäwiru mantam, nanacasti jumaruw jaysapjjaraquïma —sasa.