2 Reyes 2:5

Aymar Bibliia 1986

Ucampis Jericó marcan jacapcäna uca profetanacasti Eliseoru jicjjatiriw mistunipjjäna, ucatsti aqham sapjjänwa: —¿Jumajj yattati Tatitojj yatichirimaru jichhüru apakcätam ucjja? —sasa. Ucjjarusti Eliseojj sänwa: —Jïsa, yattwa, ucampis jumanacajj jan cunsa parlapjjamti —sasa.

Jak'a apnaqawi uñst'ayäwi

Génesis 48:19

Ucampisa awquipajj janiw jayscänti, ucatsti saraquïnwa: —¡Wawa, nayajj yattwa! Jupajj mä jach'a marcaw tucuraquini. Ucampisa sullca jilapaw taket sipana wali aytatänejja, jupat sipansa, wawanacapasti walja marcanac sayt'ayapjjani —sasa.

1 Reyes 20:35

Ucampis profetanac taypita mä profetajj masiparojj sänwa Tatitun munañapata: —¡Chhojjriñchjita! —sasa. Ucampis uca maynejj janiw chhojjriñchjaña muncänti.

2 Reyes 2:3

Ucampis Betelana jaquir profetanacajja, mistunipjjänwa Eliseoru jicjjatiri, ucatsti sapjjänwa: —¿Jumajj yattati Tatitojj yatichirimaru jichhüru apakcätam ucjja? —sasa. Ucjjarusti Eliseojj sänwa: —Jïsa, yatjjtwa, ucampis jumanacajj jan cunsa parlapjjamti —sasa.

2 Reyes 4:1

Mä warmiwa utjäna, profetanacat maynïri profetan warmipa, jupasti saränwa Eliseon ucaru aqham sasa: —Chachajjajj jiwjjewa, jumasti yattawa jupajj Tatituruwa jach'achäna. Jichhasti kollke mayt'apquitäna ucasti, jutasinjja pani wawajjaruwa esclavota apasjjañ muni —sasa.

2 Reyes 5:22

Ucjjarusti Giezi uywatajj sänwa: —Janiwa cunasa. Ucampis uywirejjawa qhitanitu jumar aqham sañajjataqui: “Pä wayna profetanacaw jichhaqui purini Efraín kollunacata, ucatsti achict'assmawa churañamataqui jupanacaru quimsa waranka kollkenaca, uqhamarac pä trucsusiña isinacampiraqui” —sasa.

2 Reyes 6:1

Mä uruwa profetanacajj Eliseoru sapjjäna: —Uñjam, cawqhantï jumampi jactan ucqhajja wali jisc'aquiwa nanacataquejja.

2 Reyes 9:1

Eliseo profetasti jawsänwa profetanacan tamapata maynïriru, aqham sasa: “Wact'ayasim mistuñataqui. Aceite apjjarusiwayasajja, saram Galaadanquir Ramot chekaru.

Eclesiastés 3:7

Ch'iyanokañ horasa, ch'ucthapiñ horasa. Amuct'añ horasa, parlañ horasa.

Isaías 41:1

“Kota tokenquir marcanaca, nayan nayrakatajjan amuct'apjjam; marcanaca, wal ch'am catjjatapjjam. Jutapjjam jichhajj cunatejj parlañasäqui uca toket parliri, tantacht'asipjjañäni uca toket parlañataqui.

Amós 7:14

Ucatsti Amós profetajj juparojj saraquïnwa: —Janiw nayajj profetäcti, ni profetan wawapäcaractsa. Nayajj uywa awatiriquïtwa, uqhamaraqui ch'umi higonac apthapisisa jacasiriquiraquïtwa.

Habacuc 2:20

Ucampis Dios Tatitojj kollan templopancasquiwa: ¡Jupa nayrakatanjja amuquïpjjam take acapachan jaquir jakenaca!”

Lucas 24:51

Ucatsti bendiscasinwa jupanacatjja jithektawayjje, alajjpacharu aptatäjjänwa.

Hechos 1:11

Uca chachanacasti Jesusan apostolonacaparojj sänwa: —Galileanquir jakenaca, ¿cunats alajjpachar uñch'uquisipcta? Cunjämtejj jumanac taypit Jesusar alajjpachar maqhatquir uñjapctajja, uqhamaraquiw jupajj wasitat cutt'anini. —sasa.

Hechos 1:2

cunürutï alajjpachar catokatäjjänjja ucürcama, take ucanacjjata. Jesusajj janïra alajjpachar maqhatcasinjja, apostolonacaparuw ajllisïna. Ucatsti Kollan Ajayu tokeraquiw ewjjawayäna cuntejj lurapjjañapäcäna ucjjata.

Hechos 26:25

Pablosti ucjjarojj sänwa: —Janiw lokhëcti, jach'a jilïr tata Festo. Ucampis parlatajjajj asquiquïsquiwa. Uqhamarus aca arunacajj chekaraquiwa.

1 Samuel 10:5

Ucjjarusti Diosan orakepa Gabaa sisqui uca chekaruw puriraquïta, uca chekansti mä kawkha filisteo soldadonacaw ucancasqui. Marcaru mantasinsti mä kawkha profetanacampiw jiquisïta, jupanacasti santuariot sarakasinipcani. Jupanac nayrakatsti walja jakenacaw sarascaraquini, salterios, panderos, flautas, uqhamarac arpas uca instrumentonac toct'asisa.