2 Corintios 8:9

Aymar Bibliia 1986

Jumanacasti Tatit Jesucriston munasiñapjja niya yatjjapjjtawa. Jupajj wali kamirïnwa, ucampis jan cunaniw tucuwayi jumanacar munasina, uqhamata jumanacajj uqham tucutapampi kamirquipstapjjañamataqui.

Jak'a apnaqawi uñst'ayäwi

Isaías 53:2

Tatituw muni jupan sirviripajj mä machak alir uñtata jilañapa, waña orakeruraqui saphinacapjja saphintañapa. Janiw jupajj sumäcänti, janiraquiw c'ajcänsa, uñnakapasti janiw munañjamäcänti,

Isaías 62:1

Sión, jumar munatajj laycojj janiw amuct'cäti, Jerusalén, jumar munatajj laycusti janiw samarcaraquïti, atipjañamajj khantati khanar uñtata c'ajañapcama, khespiyasiñamasti mä ninar uñtata khanañapcama.

Isaías 65:8

Tatitojj siwa; “Cunapachatejj uvanacajj suma pokort'atäqui ucapachajj jakejj janiw maysa jalaktayquiti, walja vino apsuñjamätap laycu. Uqhamracwa nayajj sirvirinacajjar munatajj laycojj lurä: Janiw marcpacha tucjcäti.

Mateo 17:27

Ucampis jan qhitirus mayjt'ayañataquejj kotar saram, ucat chawlla catuñ anzuelo umaru jakontam. Cawquïr chawlltejj catcäta ucan lacapanwa mä kollke jicjjatäta. Uca kollksti nayampita jumampita impuesto paganjjam —sasa.

Mateo 20:28

Jaken Yokapajj janiw sirviyasiñatac jutquiti jan ucasti sirviriw juti, uqhamarac jacañap churiri walja jakenacar khespiyañataqui —sasa.

Mateo 8:20

Jesusasti juparojj saraquïnwa: —Kamakenacas putunacaniwa, jamach'inacasti tapanacaniraquiwa, ucampis Jaken Yokapajj janiw cawqharu p'ekepa samart'añataquis mä chekajj utjquiti —sasa.

Marcos 6:3

Acajj Marian carpintero yokapaquïchejjaya. Jilanacapasti Jacobo, José, Judas, Simón. Cullacanacapasti jiwasanacamp chicaraquiw jacasipcaraqui —sasa. Ucatwa jupanacajj Jesusar jan yäkapcänti.

Lucas 16:11

Uqhamasti jumanacatejj aca jucharar oraken yänacapan jan chekapäpcsta ucajja, ¿qhitirac chekpacha yänacsti churapjjätamsti?

Lucas 2:7

Ucat jupajj tayna yokall wawap wawachasïna, ucatsti wawa isinacamp q'irt'asaw mä uywa mank'añawjaru ict'ayäna, korpachasiñajj jupanacatac jan utjatap laycu.

Lucas 8:3

Uqhamaraqui Cuzan warmip Juana, Cuzasti Herodesan mä apnakeripänwa; Susana, uqhamarac yakha warminacamp cuna, qhitinacatï yänacapampi sirvipcäna ucanaca.

Lucas 9:58

Jesusajj saraquiwa: —Kamakenacajj putunacaniw, jamach'inacas tapaniraquiwa, ucampis jaken Yokapanjj janiw cawqhar p'ekepa samart'ayañataquis utjquiti.

Juan 1:10

Qhä Arusti aca orakencänwa; Diosasti aca orakerojj jupa tokew luri, orakenquirinacasti juparojj janiw uñt'cänti.

Juan 1:14

Qhä Arusti janchiruw tucu, jiwasanac taypinwa jacaraquïna. Jiwasanacajj uñjtanwa jach'a cancañapa, uca jach'a cancañasti alajjpach Awquin mä sap Yokapan jach'a cancañapänwa, munasiñampi asquimpi phokhantataraqui.

Juan 1:17

Moisés tokew leyejj churatäna, ucampis munasiñajj uqhamarac cheka arunacas Jesucristo tokew juti.

Juan 12:30

Ucatsti Jesusajj jupanacarojj saraquïnwa: —Janiw nayïpanti aca arojj ist'asqui, jan ucasti jumanaquïpanwa.

Juan 16:15

Cunatejj Awquin utjqui ucajj nayancaraquiwa, ucatwa sista: “Kollan Ajayojj catokaniwa cunatejj nayancqui uca, jumanacarusti yatiyapjjaraquïtamwa” sasa.

Juan 17:19

Jupanac laycuwa nayapachpas catuyasiracta, jupanacajj asquitaqui catuyasipjjañapataquiraqui.

Romanos 11:12

Uqhamasti judionacan jucha luratapatejj aca oraketaquejj asquïchejja, uqhamarac jupanacan pantjasitapatejj jan judiöpquis ucanacataquejj asquiraquïchejja, ¡cunja sumaraquïnisa cunapachatejj judionacajj cutiquipstancani ucqhajja!

Romanos 15:3

Cristosa janiw jupa quicparojj cusisiyascänti, jan ucasti cunatejj Kellkatanjja sisqui ucarjamaw sarnakäna: “Jumar tokepctam ucasti nayjjaruw puri” sasa.

Romanos 5:8

Ucampis Diosajj munasiñapwa uñacht'ayistu, cunapachatejj jiwasanacajj juchanïscäyätan ucapachaw Cristojj jiwasanac laycu jiwawayi.

Romanos 8:32

Diosajj janiw Wawaparus perdonquiti, ucatpï Wawaparojj jiwañaru catuyejja jiwasanacan juchanacas laycu. Uqhamasti ¿janiquit take cuns churquistani Wawapamp chicjja?

1 Corintios 1:4

Jumanacatjja Diosarojj yuspagarapuntwa, cuna bendicionanactejj Diosajj churapctam Jesucristo toke ucanacatsa.

1 Corintios 15:47

Nayrïri jakejj lak'at luratajja lak'änwa; ucjjar jakëqui ucasti Tatituwa, alajjpachanquiriraquiwa.

2 Corintios 13:14

Jesucriston bendicionapasa, Diosan munasiñapasa, Kollan Ajayun jiwasampïñapasa jumanacampipunïpan.

2 Corintios 6:10

Llact'atäpcta ucasa, cusisitaquipunïsipctwa; jan cunanïpcta ucasa, waljaniruraquiw kamiriptayapjjtjja; janis cunanïpctsa ucampis janiw cunas pist'apcaraquituti.

Efesios 2:7

Acsti luriwa khepa pachanacan uñacht'ayañataqui, cunja jach'a munasiñapampis munistu ucata, uqhamarac qhuyapayasiñapas jiwasatac utjatapata Cristo Jesús laycu.

Efesios 3:19

Mayiractwa, Criston uca munasiñap uñt'apjjañamataqui uca munasiñapajj take cuntejj uñt'ctan ucat sipansa sinti jach'awa jan tucusquiriraquiwa, uqhamat Diosampi phokhantatäpjjañamataqui.

Efesios 3:8

Diosancapqui uca jisc'anacat sipansa nayajj pisïtwa. Ucampis jupaw acqha suma yatiyañ churitu, jan judiöpquis ucanacaru Criston jan jact'cañ kamir cancañapat suma yatiyäwinac yatiyañajjataqui.

Colosenses 1:24

Jichhajj jumanac laycu t'akhesisajj cusistwa, uqhamatwa pachpa janchejjan phokhascta, cunatejj Criston cuerpopan t'akhesiñajj jan phokhatäcän ucjja, uca cuerposti iglesiawa.

1 Timoteo 6:18

Ewjjt'am sum sarnakapjjañapataqui, asqui luräwinacana kamirquipstapjjpan, ucatsti janc'aquiraquïpjjpan, cunatejj jupan utjqui uc mayninacaru churañataqui.

Hebreos 1:2

Jichhasti aca khepa urunacanjja, Yokap tokew parlaraquistu. Diosaraquiw aca oraksa luri aca Yokap toke, uqhamarac take cuns jupar jaytaraqui.

Santiago 2:5

Munat jilatanacajja, ist'apjjam aca arunaca: Diosajj aca oraken pobrenacaruw ajlli, jupanacajj iyawsañanacapanjja kamirïpjjañapataqui, uqhamarac Diosan reinopsa herenciat catokapjjañapataqui, cuntejj jupajj churapjjämaw sisqui jupar munirinacarojj ucanacataqui.

Apocalipsis 2:9

Take luräwinacamjja nayajj yattwa, t'akhesitamsa, jan cunanïtamsa yatiractwa, ucampis janiw jan cunanïcapuntati jan ucasti kamirïsctawa. “Judiöpjjtwa” siri jakenacan juma toke parlatapsa yatiractwa, ucampis janiw jupanacajj judiöpquiti jan ucasti Supayan tamapancasipquiwa.

Apocalipsis 21:7

Atipjiristi take acanacwa herenciata catokani. Nayasti jupan Diosapäyäwa, jupasti nayan wawajjäniwa.

Apocalipsis 3:18

Ucatpï nayajj amtt'aysmajja ninar nacsuyata suma kori puro nayat alt'asiñamataqui, uqhamat chekpacha kamirïñamataqui, nayataraqui jank'o isi alasiñamataqui uca p'enka k'alal sarnakatamaru isjjatasiñamataqui, uqhamarac colirio sat kollsa nayramar ch'akt'ayasiñataqui, uqhamata uñjañamataqui.