2 Corintios 5:1

Aymar Bibliia 1986

Jiwasanacajj acapachan tucusir utjamätanwa, apnakañ carpjama ucajj janiw wiñayataquïquiti; ucampis yattanwa take acanacatejj tucusjjanejja, Diosajj waquicharapistuwa alajjpachana wiñay uta, ucasti janiw jakenacan amparapamp luratäquiti.

Jak'a apnaqawi uñst'ayäwi

Génesis 3:19

Sapüru mank'añamsti jump'imampiraquiw jicjjatäta, cuna lak'ata luratäctatejj ucar cutt'añamcama, lak'ätawa, lak'aruraquiw cuttäta —sasa.

Job 30:22

Thayampiw apayistajja, jach'a thayampiw k'ala thalsuyaraquistajja.

Job 4:19

¡ucatsa juc'ampiwa jakejj jan asquïcaniti, jupajj pisi ch'amätap laycu, uqhamaraqui lak'a patjjaru utachata ñek'e utäcaspa uqhamaraquiwa, ucanacasti thuthar uñtat pallalljatäspawa!

Salmos 56:9

Jumat yanap maycäm ucapachajja, nayamp timasirinacajj jayar jaltjjapjjpan, uqhämat nayan Diosajjätam yatï.

Isaías 38:12

Utajjsa t'unjapjjaraquiwa, aparapjjaraquituwa, awatirinacan chhujllanacapäcäspas uqhama. Jacañajjajj mä sawurin sawupäcaspas uqhamänwa, qhititejj telarat qhuchhokquejj uqhama. Uruy arumaraquiw t'akhesiyistajja.”

Marcos 14:58

—Nanacaw aca jakerojj ist'apjjta: “Nayaw aca jaken lurat templorojj tincuyä, ucatsti quimsürut yakha templo sayt'ayaraquï, jan jaken lurata” sasquiri.

Hechos 7:48

Janis alajjpachanquir Diosajj jakenacan amparanacapamp lurat templonacan jacchi ucasa, cunjämtï profetajj sisqui uqhama:

1 Corintios 3:9

Nanacajj Diosar sirviñanjja mayaquïpjjtwa, jumanacasti Diosan yapupäpcasmas uqhamäpjjtawa, mä utar uñtatäpjjaractawa, uca utjja Diosas utachcaspa uqhama.

2 Corintios 4:7

Diosan aca jach'a churäwipasti janchinacasanjja mä ñek'e phuqhun imatjamawa, uqhamata jach'a ch'amajj Diosat jutatapa yatisiñapataqui, jan jiwasatjja.

2 Corintios 5:4

Aca oraken jaccasajja t'akhestanwa, ucatsti aykoractanwa. Janiw k'alaläña munctanti, jan ucasti isthapitäñwa muntanjja, uqhamata cunatejj jiwirïqui ucajj machak jacañampi chhaktayatäñapataqui.

Colosenses 2:11

Jumanacasti Cristompi mayaquïpjjatamatjja circuncidatäpjjtawa, ucampis janiw cuna casta circuncisionatï janchin lurasqui ucampiti, jan ucasti cuna jucha lurañanacatejj janchin utjcän ucanacat khespiyatäjjapjjtawa. Aca circuncisionasti Cristotwa juti.

2 Timoteo 1:12

Ucatwa take acanacjja t'akhestjja. Ucampis acatjj janiw p'enkascti, nayajj yattwa qhitirutejj iyawscta uca, yatiractwa jupajj ch'amanïtapa qhä urucama nayaru cuntejj catuyquitu uc imañataquejja.

Hebreos 11:10

Abrahamajj suyt'ascaraquïnwa suma utt'ayata marca, uca marcan luriripajja Diosawa.

Hebreos 9:11

Ucampis Cristojj jutjjewa, jichhajj jupaw jilïri sacerdotejja take suma luräwinaca utjqui ucatjja. Cawqhantejj jupajj sacerdotet sirvqui uca santuariojja juc'amp sumawa, juc'amp phokhataraquiwa, janiraquiw jakenacan luratäquisa ni acapachanquirïcaraquisa.

Hebreos 9:24

Jaken lurat santuariojj mä uñacht'äwiquïnwa chekpach santuariotjja. Cristosti janiw uca jakenacan lurat santuariorojj mantquiti, jan ucasti alajjpach quicparuw manti, jichhasti ucan Diosan nayrakatapan jiwasat arjjatasquistu.

1 Pedro 1:4

uqhamaraquiw jumanacarojj cuntï Diosajj imarapquistus uca herencia alajjpachanjja catokayapjjätam, ucajj janiw tucjatäcaspati, ni k'añuchatäcaspasa, janiraquiw mä pankarjamas wañscaspati.

2 Pedro 3:11

Take cunas uqham tucjaschini ucajja, jumanacajj ¡cunja Tatit chuymas jupar wali catuyasita jacapjjañamajja!

1 Juan 3:14

Jiwasajj jiwañat jacañaruw pasawayjjtan, acsti yatiwaytanwa jilanacasaru munatas laycu. Qhititejj jake masipar jan munqui ucajja jiwataquïsquiwa.

1 Juan 3:19

Uqhamatwa chekancatas yatistan, uqhamarac jupa nayrakatan Diosampipunïtasa.

1 Juan 3:2

Munat jilatanaca, jichhajj Diosan wawanacapäjjtanwa, ucampis janïraw khanañchquistuti cunäcañänitejj tucuy urunacan ucjja. Ucampis yattanwa cunapachatejj Tatit Jesucristojj uñstancani ucqhajja, jupjamaw tucuñäni, cunjämäquitejj jupajj uqhampacha uñcatatas laycu.