2 Corintios 3:3

Aymar Bibliia 1986

Uca cartasti jumanacäpjjtawa pachpa Criston kellkataraqui, nanacan churataraqui. Uca cartajj janiw tintampi kellkatäquiti, jan ucasti jacquir Diosan Ajayupampi kellkatawa. Uca cartajj janiw kalar kellkatäquiti jan ucasti jakenacan chuymapar kellkatawa.

Jak'a apnaqawi uñst'ayäwi

Salmos 40:8

Dios Tatitojjay, munañam lurañaw cusisiyitu; yatichäwinacamajj chuymajjanquiwa.”

Salmos 42:2

Nayajj jacquir Diosat pharjatätwa: ¿Cunapacharac Diosan ajanup uñjir mantästi?

Salmos 84:2

Takpach almajjampiw temploman uyupancañ munta, takpach chuymajjampiw jacquir Diosar cusisit k'ochta.

Éxodo 24:12

Tatitojj Moisesarojj sänwa: —Maqhatanim kolluru cawqhanctejj nayajj ucqharu, ucatsti ucana suyt'ita. Nayasti kalat lurata tablanaca churäma, ucaruw nayajj kellkta leyinacajja, uqhamarac camachinacajjsa israelitanacar yatichañataqui —sasa.

Éxodo 31:18

Tatitojj Sinaí sat kolluna Moisesampi parlañ tuct'ayasinsti pä kalat lurata tablanacwa churäna, uca tablansti Diosan ampar luc'anapampi kellkat tunca camachi arunacapaw kellkatänjja.

Éxodo 32:15

Ucatsti Moisesajj kollutjja sarakanjjänwa, Diosan camachinacapajj kellkatäqui uca pä tablanacas amparanacapar apt'asita. Uca tablanacasti puraparu kellkatänwa.

Éxodo 34:1

Tatitusti Moisesarojj sänwa: —Waquicham pä kala tablanaca nayrïr tablanacäqui uqhama, nayasti ucaruwa kellkäjja cawquïr arunactejj nayrïr t'unjcta uca tablanacana kellkatäcän uqhama.

Proverbios 3:3

Janipuni cunapachas armasimti munasiñampita cheka cancañampita; ucanacsti mä collarjama cuncamar warcuntasim. Chuymamarusti ucanacjja sum imaraquim,

Proverbios 7:3

Ampar luc'ananacamaru chinuntasim jan armasiñamataqui, chuymamarusa sum catjjäsim.

Jeremías 10:10

Tatituquiw chekpach Diosajja, jacquiri Dios, wiñay Rey. Cunapachatejj jupajj colerasqui ucqhasti aca orakejj qhathatiwa; marcanacasti janiraquiw colerasiñaparojj cutcatasipcaspati.

Jeremías 17:1

“Judá marca, juchamajj hierro cincelampi kellkatawa, diamante puntampi kellkatawa, kala chuymamjjaru, altaranacaman wajjranacaparusa.

Jeremías 31:33

Cuna arust'äwtejj qhaya urun Israelampi lurcä ucajj aqhamäniwa: Nayan leyinacajjsti chuymanacaparuw uscü, p'ekenacaparuw kellkantaraquï. Nayasti jupanacan Diosapäyäwa, jupanacasti nayan marcajjaraquïniwa. Naya Tatituw ucjja arsta.

Ezequiel 11:19

Nayasti jupanacatjja uca kala chuymapa apakaraquïwa, mä machaka chuyma uqhamaraqui mä machaka ajayu churaraquï.

Daniel (hebreo) 6:26

Arsuractwa, mayiractwa take aca orake apnakcta ucanjja, Daniel chachan Diosapajj ist'atäpan uqhamaraqui ajjsaratäpan. “Jupaw jacquiri Diosajja, wiñayataquiwa. Jupan reinopajj janipuniw t'unjatäcaniti, ch'amapas janiraquiw tucuscaniti.

Mateo 16:16

Ucapachaw Simón Pedrojj sï: —Jumajj Cristo Tatitütawa, jacquir Diosan Yokaparaquïtawa —sasa:

1 Corintios 3:5

¿Qhitiraqui Pablosti? ¿Qhitiraqui Apolosti? Diosan sirviripaquïpjjewa, jumanacajj jupanac tokracwa Tatitur iyawsapjjtajja. Sapa maynis nanacarojj cuntï Diosajj: “Luram” sapquitu ucacracwa lurapjjta.

2 Corintios 3:6

Jupasti aca machak arust'äwin jupar sirviñataquejj ch'am churapjjaraquituwa. Uca machak arust'äwisti janiw cuna mä kellkataru jaysañäquiti, jan ucasti Kollan Ajayu catokasina jacañawa. Kellkat leyinacajja jiwañaruquiw api, ucampis Ajayojj jacañwa churaraqui.

2 Corintios 3:7

Aca Moisesan leyipajj letranacampi mä kalar kellksutänwa. Mä jach'a khanampiraquiw jutänjja, israelita jakenacas janiraquiw uca khana laycojj Moisesan ajanupsa uñcatañataqui ch'amanïpcänti, ucampis uca khanajj chhaktawayjjaquïnwa. Uca leyitejj uqham jach'a khanampi jutcchïna jiwañatac juchañchañataqui ucajja,

2 Corintios 6:16

Jan ucajj ¿mayaquïspacha Diosan templopampi yakha diosanacampejja? Jumanacajj jacquir Diosan templopäpjjtawa, cunjämtï Dios quipcasa sisqui uqhama: “Jupanac taypinwa jacä, uqhamarac sarnakaraquï. Nayajj jupanacan Diosapäyäwa, jupanacasti nayan marcajjaraquïniwa.”

1 Tesalonicenses 1:9

Jan ucasti, jupanac pachpaw parlapjje nanacajj tumpapcsma ucjjatjja, sapjjaraquiwa sum jumanacajj nanacar catokapjjatama, uqhamarac yahka diosanacarus jaytanucjjapjjatama chekpach jacquiri Diosar arcañataqui, ucatsti jupar sirviñ kalltañataqui.

Hebreos 10:16

“Jupanacamp uca arust'äwi lurcä ucajja, uca khepa urunacanjj aqhamäniwa, siw Tatitojja: “Arunacajj-jja chuymanacaparuw uscü, p'ekenacaparuw kellkantaraquï.

Hebreos 8:10

Israel marcampi mä arust'äwi lurcä qhaya urunac khepata ucajja aqhamäniw, siw Tatitojja: Jupanacan p'ekeparuw camachi arunacajj uchä, chuymaparuw kellkantaraquï. Ucapachaw nayajj jupanacan Diosapäyäjja, jupanacasti nayan marcajjäpjjaraquiniwa.

Hebreos 9:14

Ucampis ucajj uqhamächi ucajja ¡kawkha juc'amp ch'amanïpachas Criston wilapajja! Ucasti wiñay jaquir Ajayu tokew Cristojj Diosaru jupa pachpa loktasi jan k'añucht'ata, wilapas k'omacharaquistuw chuymasjja jiwañaru apquistus uca jan wali luräwinacatjja, jacquir Diosar sirviñasataqui.

Josué 3:10

Diosan jumanacampïscatapatsti acäniw mä jach'a chimpojja. Jumanacan sarantatanacamarjamaw Diosajj cananeoru, hititaru, heveoru, ferezeoru, gergeseoru, amorreoru uqhamarac jebuseo jakenacar t'unjani.

Apocalipsis 2:1

“Éfeso iglesiancquis uca angelar kellkasin apayam: “Aqham siw qhititejj cupi amparaparu pakallko warawaranïqui, uqhamarac pakallko kori candelabronac taypin sarnakquis ucajja:

Apocalipsis 2:12

Pérgamo iglesianquir angelaparojj kellkasinjja apayaraquim: “Aqham siw qhititejj purapar arini espada ayt'atäqui ucajja:

Apocalipsis 2:18

Tiatira iglesiancquis uca angelarojj kellkasin apayaraquim aqham sasa: “Aqham siw Diosan Yokapajj, qhititï ninjam nayranïquis uqhamarac cayunacapas mä suma lliphipquir broncer uñtatäquis ucajja:

Apocalipsis 2:8

Esmirnanquir iglesian angelaparojj kellkasin apayaraquiquim: “Aqham siw qhititejj kalltäqui, tucuyäcaraqui ucajja, qhititejj jiwcäna jichhasti jacascaraqui ucajja:

Apocalipsis 3:1

“Sardis iglesiancquis uca angelaru kellkasin apayaraquim: “Aqham siw Diosan pakallko ajayupanïqui, uqhamarac pakallko warawaranïqui ucajja: Take luratanacamwa nayajj yatta; yatiractwa jiwatäjjatamsa, yakhanacajj jacasquirita uñt'apcstam ucasa.

Apocalipsis 3:14

Laodicea iglesiancquis uca angelar kellkasin apayam: “Aqham siw qhititejj chekapäqui, uqhamarac cunsa chekapapuni arsqui ucajja, uqhamarac qhititejj take cuntejj Diosajj lurqui ucan kalltapäqui ucajja:

Apocalipsis 3:22

¡Qhititejj ist'añ munqui ucajj ist'pan, cuntejj Kollan Ajayojj iglesianacar sisqui ucjja!”

Apocalipsis 3:7

Filadelfia iglesian angelaparojj kellkasin apayaraquim: “Aqham siw qhititejj kollanäqui chekapäcaraqui, uqhamarac rey Davidan llavepsa catjjäsqui ucajja; cunapachatejj jist'arqui ucqhajj janiw qhitis jist'antcaspati, ni jist'antqui ucqhas jist'arcaraquispati:

1 Samuel 17:26

Ucat Davidajj jupa jac'anquir jakenacaru jisct'araquïna: —¿Qhititejj aca filisteo chacharu jiwaycaspa, uqhamarac israelitanacar jisc'achatapsa apakcaspa uca jakerusti reyejj cunsa churaspa? Uqhamasti, ¿qhitiraqui uca jan Diosar uñt'iri filisteo chachasti, jacquir Diosan ejercitopar arnakaniñapataquisti? —sasa.