2 Corintios 3:1

Aymar Bibliia 1986

Cunapachatejj acanaca sapcta ucqhajj, jumanacan amuyatanacamatjja nanacpachatsa jach'achasipquirista, ¿uqhamati? ¿Jan ucajj nanacajj jumanacarojj mä sumat uñt'atäñ cartampicha uñstapjjsmajja? ¿Jan ucajj mayninacjamacha mä sumat uñt'atäñ carta mayisipjjämajja?

Jak'a apnaqawi uñst'ayäwi

Hechos 18:27

Ucatsti Apolos chachan Acay tokenacar sarañ munïpanjja, jilatanacajj ch'amacht'apjjewa sarañapataqui. Qhurinquir iyawsirinacataquisti mä cartwa kellkawayapjje jupar sum catokapjjañapataqui. Acayar purisinjja, Apolos chachajj walwa yanapt'äna, Diosan munasiñap laycu iyawsir jilatanacarojja.

Romanos 16:1

Achict'asipjjaracsmawa Febe cullacajjar sum uñjarapipjjeta, jupasti Cencrea iglesianwa sirvisqui.

1 Corintios 10:33

Nayajj taketaquis asquïñwa munta. Janiw nayan walïñajjacti jan ucasti mayninacan asquïñapwa muntjja, uqhamata jupanacajj khespiyatäpjjañapataqui.

1 Corintios 16:3

Cunapachatï purincä ucqhasti Jerusalenaruw apayjjä qhitinacjjay jumanacajj qhitañatac ajllisipjjchïta ucanacampi, mä cartampi jumanacan ofrendanacam uca jilatanacatac apasa.

1 Corintios 3:10

Nayajj uca utanjja mä uta luririmpi uñtatätwa, Diosaraquiw nayarojj uca utan kalltapjja uchayitu, ucjjarusti yakhanacaraquiw perkjja perkascaraqui. Ucampis sapa mayniw amuyasiñapa cunjämsa uca uta perkasqui ucjja.

1 Corintios 4:15

Jumanacajj Cristo toketjja tunca waranka yatichirinïsipcamsa, ucampisa janiw walja awquinïpctati. Nayaw jumanacan Tatit toketjja awquimjamätjja jumanacar khespiyasiñ arunac parlatajj laycu.

2 Corintios 10:12

Chekpachansa janiw chicachasiñ munapcti qhitinacatejj jupanacpachat wal jach'achasipquis ucanacampi. Jupanacajj mä pisi amuyunir uñtataw lurapjje cunsa jupanacan pachpa amuyupampi tupt'asa, maynit maynirus chicachasipjjatapampejja.

2 Corintios 10:18

Qhititejj jupapachpat jach'achasqui ucajj janiw asqui jaket uñt'atäquiti, jan ucasti qhitirutejj Tatitojj jach'achqui ucaw asqui jakejja.

2 Corintios 10:8

Inas nayajj jumanacjjar munañanïtajj wayt'apjjchïma, ucatjja janiw cunat p'enkasiñajjas utjquiti. Nanacarusti Tatituw churapjjaraquitu munañanïpjjañajj-jja jumanacar Tatit token jiltayañataqui, janiw jumanacar t'unjañataquiti.

2 Corintios 12:11

Mä lokher uñtatjamaw parltjja nayapachat jach'achasisajja, ucampis jumanacaw uqham parlayapjjestajja. Jumanacaw nayarojj jach'acht'apjjañamänjja. Nayasti janiw uca jach'a apostolonacatjj menosäcti, janis cuna jan yäkatjamäctsa ucasa.

2 Corintios 12:19

Inas jumanacajj amuyapjjsta ucanacampiqui nanacajj jichhajj arsusipquiristsa uqhama. Ucampis janiw uqhamäquiti, jan ucasti Diosan nayrakatapanwa Tatitun sutipjjaru parlapjjsma. Take ucanacsti jumanacan ajayunacaman jiltapjjañamataquiw lurapjjta, munat jilatanaca.

2 Corintios 2:17

Nanacajj janiw Diosan arunacapjja mä alaquip lurañar uñtata churapcti, cunjämatejj yakhepanacajj lurapjje uqhama. Diosan arunacapjja take chuymaw yatiyapjjta, Diosan qhitatanacapjama, Dios nayrakatan parlasa, Cristonquir jakenacjamaraqui.

2 Corintios 5:12

Janiw nanacpachati jach'achasipctjja, jan ucasti jumanacan nanacjjat c'uchiquïpjjañanacamataquiw parlasipcsma, uqhamata qhitinacatejj jupanacpachata jach'a jach'a tucupquejj uca jakenacar arusjjatapjjañamataqui. Uca jakenacasti jaken uñnakapatacwa cusisipjjejja, janiraquiw cunatejj jaken chuymapan utjquis ucjja yatipquiti.