2 Corintios 13:5

Aymar Bibliia 1986

Jumanacpacharac yant'asipjjam, iyawsañanacamanjja suma ch'amanïpjjtati janicha uc yatiñataqui. ¿Janit jumanacasti amuyasipcta Jesucristojj jumanacampïtapsti? K'ari jilatanacäpcasmas ucqhaquiw Cristojj jan jumanacampïcaspatejja.

Jak'a apnaqawi uñst'ayäwi

Salmos 119:59

Sarnakäwejjaruw uñaquipasta, arunacamarusti wasitat jaysta.

Salmos 17:3

Jumaw takpach amuyunacajj yattajja, arumanacaw chuymajj uñaker jutista; ninampjamaw yant'ista, janiraquiw cuna ñankhsa jicjjatquistati.

Salmos 26:2

chuymajjaruy uñantam, take lup'itanacajjar yant'am, chuymajj mankhan amtatanacajjarus uñantaraquim;

Jeremías 6:30

Ucampisa: “Apanucut kollke” sasay sutichañächispa, jumajj jupanacaru apanucutam laycu.

Lamentaciones 3:40

Sarnakäwinacasatjja suma amuythapisiñäni, ucatsti wasitat Tatitur maqhatjjañäni.

Ezequiel 18:28

Jupatejj sum amuyt'asini, sum uñatatasiraquini, ucat take ñankha luräwinacap apanucjjaraquini, ucajj chekpachaw jacani, janiw jiwcaniti.

Hageo 1:5

Naya take ch'amani Tatituw sapjjsma: Amuyt'asipjjam sarnakäwinacamata.

Hageo 1:7

Naya take ch'amani Tatituw sapjjsma: Amuyt'asipjjam sarnakäwinacamata.

Juan 14:23

Jesusasti saraquïnwa: —Qhititejj munasquitu ucajja, cuntejj nayajj siscta ucwa luri; Awquejjasti munasiniwa, Awquejjampi nayampejj jupamp jakeriw jutapjjä.

Juan 15:4

Jumanacajj nayampi mayaquïpjjam, cunjämatejj nayajj jumanacampi mayaquïtjja uqhama. Mä laymi sapajj janiw achcaspati, janitejj alipampi mayaquïcchi ucajja; uca pachparaquiwa jumanacajj jan achupcasmati janitejj nayampi mayaquïpcasma ucajja.

Juan 17:23

Nayajj jupanacampïtwa, jumasti nayampiraqui, jupanacan suma mayaru tucutäpjjañapataqui, uqhamat acapachajj yatiñapataqui jumajj nayaru qhitanista, uqhamarac cunjämtï nayaru munasista, jupanacarus munasiracta.

Juan 17:26

Jupanacarojj uñt'aysmawa, ucampis uñt'ayascaquïmawa, cunjämtejj nayaru munasista uca munasiñajj jupanacampïñapataqui, nayasti jupanacampïñajjataquiraqui.”

Juan 6:56

Qhititejj nayan janchejj mank'qui, wilajjsa umcaraqui ucajja nayampejj mayaquiwa, nayasti jupampejj mayaquiraquïtwa.

Juan 6:6

Ucsti sänwa Feliper yant'añataqui, Jesusajj yatïnwa cunatejj lurasiñapäcän ucjja.

Romanos 1:28

Niyaquitejj Diosarojj jan uñt'añ munapcchejja, Diosajj jupanacarojj uca jan wali luräwinacapar chhakañapataquiw jaytanucu, ucat jan walïqui uc lurapjjañapataqui.

Romanos 8:10

Ucampis Cristotejj jumanacan jacchejja, janchejj juchampi jiwayatäcchi ucasa, ajayojj jacasquiwa, Diosajj jupar catokjjatap laycu.

1 Corintios 11:28

Ucatpï waquisejja janïra uca t'ant'a, uqhamarac uca copat umcasajja, sapa mayniw chuymap uñantasiñapa.

1 Corintios 11:31

Jiwaspachatejj uñantassnajja, Tatitojj janiw uqham juchañchcaraquistaspati.

1 Corintios 3:16

¿Janit jumanacasti yatipcta Diosan templopäpjjatamsti, uqhamarac Diosan Ajayupas jumanacan jacatapsa?

1 Corintios 6:15

¿Janit yatipcta janchinacamajja Cristoncatapa? ¿Uca Cristonquir janchisti apakasin mä jan wali sarnaker warmirusti churaraquiristti? Janiw cunäquipansa uca lurañajj waquiscaspati.

1 Corintios 6:19

¿Janit jumanacasti yatipcta jumanacan janchinacamajj, cuntejj Diosajj churapctam uca Kollan Ajayun utjäwipätapsti, uqhamaraqui Kollan Ajayus jumanacan jacatapsa? Jumanacajj janiw jumanacpachata munañanïcjjapjjtati,

1 Corintios 6:2

¿Janich jumanacajj yatipcta jiwasa Diosanquirinacajj acapacharu taripañasäqui ucjja? Jiwasatejj acapachanquirinacaru taripañäni ucasti ¿janit jumanaccamasti uca jisc'a quejanacsti uñjapcasma?

1 Corintios 9:24

Jumanacajj yatipjjtawa, mä atipasiñanjja takeniw jalapjje, ucampis mayniquiw premio catokejja. Jumanacasti jalapjjamaya premio catokañcama.

1 Corintios 9:27

Jan ucasti, nayajj janchejjan munañaparojj t'akhesiytwa jaysayasiractwa uqhamata yakhanacar yatichcasina jan apanucutäñajjataqui.

2 Corintios 6:16

Jan ucajj ¿mayaquïspacha Diosan templopampi yakha diosanacampejja? Jumanacajj jacquir Diosan templopäpjjtawa, cunjämtï Dios quipcasa sisqui uqhama: “Jupanac taypinwa jacä, uqhamarac sarnakaraquï. Nayajj jupanacan Diosapäyäwa, jupanacasti nayan marcajjaraquïniwa.”

Gálatas 2:20

Nayajj jiwjjtwa Cristompi chic ch'accatata, ucampis janiw nayajj jacjjtti, jan ucasti Cristow nayan jacjje. Aca janchin jactsa ucajja, Diosan Yokaparu iyawsatajj laycuquiw jacasctjja, nayar munasinwa jacañapa naya laycu apt'asiwayi.

Gálatas 4:19

Wawanacajja, wasitampiw jumanac laycojj t'akhesiñan jicjjatasta, cunjämatejj mä taycajj wawachasiñataquejj t'akhesi uqhama, t'akhesiscaquipunïwa Cristojj jumanac taypin sayt'añapcama.

Gálatas 6:4

Sapa mayniwa luräwinacapa uñjasiñapa, ucatsti waliquïscchejja, jupa pachpataquïniwa, janiw mayninacataquïquiti.

Efesios 3:17

Cristojj chuymanacaman iyawsañ toke jacañapataqui. Uqhamaraquiw mayta jumanacajj munasiñanjja ch'amanïpjjañamataqui suma saphintatjama,

Colosenses 1:23

Ucampis acataquejj sum sayt'asipjjañamawa iyawsañanacamanjja, suma saphintataraqui, cuna suyt'äwtï suyt'apcta Diosan arunacap ist'asinjja ucatjja janiw jithektasipjjañamäquiti. Aca khespiyasiñ arunacasti take chekanwa parlasi, naya Pablosti uca parlañanjja yanapasiractwa.

Colosenses 1:27

Jupanacaruw Diosajj aca imantatjja uñacht'ayaraqui, cuna kamir cancañatejj Diosan utjqui jan judiöpquis uca jakenacaru. Imantäwisti Jesucristojj jumanacancqui ucawa, juparaquiwa cuntejj catokapcäta uca suyt'äwisa.

Colosenses 2:19

Jupanacajj qhititejj p'ekëqui uca Cristompejj janiw mayaquïpquiti. Uca p'ekesti take cuerppachracwa jiltayi jacayasa, uqhamarac mayar tucuyasa Diosan amtataparjama.

Colosenses 2:7

Jumanacan jacañanacamasti jupan saphintatäñapawa, jupjjaru suma utt'atäpjjañamaraquiwa iyawsäwi laycu, cunjämatï yatichatäpcäyäta uqhama, Diosaru yuspagarasapuni.

1 Timoteo 2:15

Ucampis warmejj wawanïsina, uqhamarac lurañanacapa phokhasinwa khespiyasini, jupatejj iyawsañampi, munasiñampi, k'oma cancañampi suma amuyt'ampiraqui sarnakani ucajja.

2 Timoteo 3:8

Cunjämatejj Janes, uqhamarac Jambres jan wali jakenacajj Moisés contra sayt'apjjäna, uca pachparaquiw uca jakenacajj Tatitun arunacapataqui sayt'apjje. Aca jakenacajj chuymatpach jan wali amtani jakenacäpjjewa, iyawsäwi toketjja apanucutäpjjewa.

Tito 1:13

Ucsti chekwa säna, ucanacarojj jumajj wal tokenokam iyawsañanacapan chekäpjjañanacapataqui.

Tito 1:16

Jupanacajj: Diosarojj uñt'apjjtwa sapjjewa. Ucatsti luräwinacapampejj janiw uqham uñacht'ayapquiti, jupanacajj uñisirinaca, jan yäkasiñan khoru jakenacäpjjewa, janiraquiw cuna sumsa lurirjamäpquiti.

Tito 2:2

Chuyman jilïrinacasti jan camscayäpjjpan, ajjsart'añani, suma amuyuni, suma iyawsañani, munasiñani, uqhamarac llamp'u chuymani.

Hebreos 12:15

Amuyasipjjamay takenis Diosan yanapt'apa catokapjjañamataqui, jan jumanacata maynisa cunjämatejj mä jan wali c'asc'a korajj mayninaca jan walt'ayqui, uqhamäpjjamti.

Hebreos 4:1

Uqhamasti, Diosampi samarir mantañatac arsüwejj jiwasatac utjquipanjja amuyasirïñasawa, ucatarac jumanacat cawquïris jan mantcaspati.

Hebreos 6:8

Ucampis ch'aphinacaqui, uqhamarac jan wali koranacampiqui achuscchi ucajja, janiw cunataquis walïquiti; ucasti Diosan maldicitäniwa, tucuyarusti ninar phichhantatäniwa.

Santiago 4:4

¡Jan Diosa chuyma jakenaca! ¿Janit jumanacajj yatipcta acapachampi sumancañajj Diosampi jan walincañätapjja? Qhititejj aca pachampi sumancañ munqui ucajj Diosan uñisiripawa.

1 Pedro 5:9

Uca Supayataquisti wal sayt'asipjjam iyawsañanacamanjja, yatipjjaraquim walja jilatanacan jumanacjamaraqui take chekan t'akhesipjjatapjja.

Apocalipsis 2:5

Jichhajj amuyt'asim cawqhattï liwisctas uca, ucatsti arrepientisim, cunjämtï kalltanjja sarnakcäyätas uqhamarac sarnakam. Janitejj arrepientisïtajj nayajj juma contraw sayt'ä, ucatsti candelabromjja apakaraquïmawa.