2 Corintios 11:12

Aymar Bibliia 1986

Ucampis cuntï lurcta ucjja lurascaquïwa, uqhamata qhitinacatejj cuna c'arinacsa thakapqui, nanacjam tucuñ munasa suman uñt'ayasiñataquiraqui, ucanacar jan uqham lurañapataqui.

Jak'a apnaqawi uñst'ayäwi

Job 23:13

“Cunapachatejj jupajj cuna lurañsa amtasi ucapachasti uca amtatapjja phokhapuniwa; janiw cunasa juparojj yakha amtayquiti.

Mateo 26:16

Judasasti ucürutpachwa Jesusar cunjämat catuntayañataquis thakascäna.

1 Corintios 5:6

Jumanacasti janiw uca luratanacamatjja jach'a jach'a tucupjjañamäquiti. ¿Janit aca säwsti yatipcta: “Mä juc'a levadurajj takpach t'ant'a maswa poktayejja” sasa?

1 Corintios 9:12

Yakhanacajj take ucanacwa jumanacatjja catokapjje. Ucanacat sipansa nanacaw jumanacat take ucanaca catokapjjañanacajjajja. Ucampis janiw nanacajj take ucanacatjja arsusipcti jan ucasti take cunansa amuquïsipctwa Tatitun arunacap parlañajj jan jaytatäñapataqui.

2 Corintios 1:17

¿Janiquiy sum amtcchïyätti acanac lup'cäyät ucqhajja? ¿Jumanacasti amuyapjjtati nayajj acapach jakenacjamaraqui parlquirista: “Jïsa, janiwa” sasa cunapachatejj nayajj tumpañataqui amtcta ucqhasti?

2 Corintios 10:17

Maynitejj jach'a jach'a tucuñ munchi ucajja, Cristot jach'achaspan.

2 Corintios 11:18

Niyaquejjay walja jakenacajj luräwinacapatjja jach'a jach'a tuct'apjjchejja, nayajj uqhamaraquiw tuct'äjja.

2 Corintios 11:9

Jumanacampïcäyät ucqhajja pist'ayasiñanacanwa sarnakäyätjja, ucampis janiw qhititaquis mä llaquïcäyätti, jan ucasti Macedonia toket jutir jilatanacaw cunatejj jan utjquitäna ucjja churapjjetäna. Jumanacatsti janiw cuns mayipcäyäsmati jan qhitirus llaquisiyascañ laycu, jichhas janipuniw mayipcämati.

2 Corintios 5:12

Janiw nanacpachati jach'achasipctjja, jan ucasti jumanacan nanacjjat c'uchiquïpjjañanacamataquiw parlasipcsma, uqhamata qhitinacatejj jupanacpachata jach'a jach'a tucupquejj uca jakenacar arusjjatapjjañamataqui. Uca jakenacasti jaken uñnakapatacwa cusisipjjejja, janiraquiw cunatejj jaken chuymapan utjquis ucjja yatipquiti.

Gálatas 1:7

Ucampis janiw chekpachanjja yakha casta khespiyasiñ arojj utjquiti, jan ucasti utjiwa yakhanaca jumanacar pantjayiri. Jupanacajj Criston khespiyasiñ arunacapwa maysar k'ewiñ munapjje.

1 Timoteo 5:14

Ucatwa muntjja tawako ijma warmin casarasiñapa, wawanacanïñapa, utapsa sum apnakañapa, uqhamat uñisirinacaparojj amuct'ayañataqui.