1 Samuel 7:9

Aymar Bibliia 1986

Samuelosti mä ovej kallu catusinjja uqhampachwa Tatiturojj sacrificiot loktäna, Israel marcataquiraquiw Tatitut wali mayïna, Tatitusti mayitaparojj ist'araquïnwa.

Jak'a apnaqawi uñst'ayäwi

Salmos 50:15

llaquincasin jawsanita; nayajj khespiyämawa, jumasti jach'aruw aptitäta” sasa.

Salmos 99:6

Moisesamp Aaronampejj sacerdotenacap taypin aytatawa, Samuelojj sutip jach'añchirinac taypin aytatawa, jupanacajj Tatituruw art'asipjjäna, jupasti mayisitanacaparojj ist'änwa.

Jeremías 15:1

Tatitusti saraquituwa: “Moisés, uqhamaraqui Samuel, ucanacasay nayan nayrakatajjaru uñstaniscpan, ucqhas janipuniw nayajj aca jakenacat qhuyapayasquiristti. Nayan nayrakatajjatsti mistupjjpan, jayar sarapjjpan.

Levítico 22:27

“Cunapachatejj uywanacamajj mä vaca kallu wawachani, jan ucajj mä orko oveja kallsa, jan ucajj mä cabritsa wawachapjjani ucapachasti uca kallunacajj taycap jac'ancasipcaniwa pakallko urunaca phokhasiñapcama, ucampisa quimsakallko uru phokhasjjepansti uca kallunacajj taycapatjja apakatäjjaraquispawa Tatituru sacrificiot nact'ayasin loktañataqui.

Deuteronomio 9:26

Ucatsti Diosarojj mayïyätwa: ‘Dios Tata, jan jumajj aca marcamaru t'unjamti, jumaw jach'a cancañampi khespiyasta uqhamaraqui jach'a ch'amamampi Egipto marcatsa irpsunta.

Santiago 5:16

Ucatpï jumanac purajj maynit mayniru juchanacamjja arsusipjjañamajja, ucatsti maynejj maynitaqui orañaparaquiwa uqhamata c'umaräjjañapataqui. Mä asqui jaken oracionapasti wali ch'amaniraquiwa.

Jueces 6:26

Sayt'asiñ kollu patansti Diosamataqui mä altara luram. Ucatsti payïri orko vaca catusinsti uca patjjaru mä wilanchäwi sacrificio loktita. Qhuchthapcta uca ajjsarata koka lawanacampiw loktitäta —sasa.

Jueces 6:28

Khepa arumarji khantatisti marcanquir jakenacajj sartasinsti uñjapjjänwa Baal sat diosan altarapajja allthapita, uqhamaraqui uca altara jac'ana ajjsarata kokasa qhuchthapita uqhama. Uca quipcaraqui uñjapjjänwa machak altararu mä orko vaca sacrificio loktata.

1 Samuel 10:8

Gilgal sisqui uca chekaru nayrt'araquim, ucanwa nayajj jumampi jiquisï nact'ayata holocaustonaca, sacrificionaca sumancañataqui loktaraquëjja. Ucansti pakallko uruw suyt'äta, nayan puriniñajjcama, cuntejj siscäma uca luraraquïta.

1 Samuel 12:17

Jichhajj trigo cosechañ horasäjjewa, janiraquiw jallojj purquiti, ¿janicha? Jichhajj nayaw Tatitur mayï, jupasti khejjo khejjonaca, uqhamarac jallu apayanini, uqhamat jumanacajj uñjapjjañamataqui amuythapisipjjañamatakiraqui, cunjämtejj Tatitojj uñjqui, jumanacajj jan wali lurapjjtajja mä rey mayisajja.”

1 Samuel 16:2

—¿Cunjämsa jichhasti saräjja? ¡Saúl reyitejj saratajj yatinejja, jiwaychitanejjaya! —sasaw Samuelojj säna. Tatitusti saraquïnwa: —Mä kachu vaca kallu irpjjarusiwayam, ucatsti “Sacrificio loktiriw sarä” sasa saraquim.

1 Samuel 2:35

Ucatsti nayajj mä suma sacerdote, chekapar uñjiri, uqhamarac nayan munañajj phokheri uscuraquï, ucan wawanacaparusti wiñayataquiw churaraquï, cawquïri reytejj nayajj ajllcä ucar sirviri tucuyaraquëjja.

1 Samuel 7:17

Ucatsti Ramá sisqui uca chekaruw cuttanjjaraquirïna, cawqhanccäntejj utapajj ucaru, ucqhatpachawa Israel marcarojj apnakaraquïna. Ucansti mä altarwa Tatitutaquejj sayt'ayaraquïna.

1 Samuel 9:12

Tawakonacasti sapjjaraquïnwa: —Jïsa, ucancasquiwa uñjirejja, janc'aqui sarapjjam. Jichhürojj jupajj marcaruw juti, santuarion sacrificiojj loktasitap laycu.