1 Samuel 7:14

Aymar Bibliia 1986

Cawquïri marcanactejj filisteonacajj israelitanacat aparapcatayna ucanacasti Ecrón sisqui uca chekat kalltasina Gat sisqui ucacamajja wasitatwa israelitanacancjjäna. Uqhamatwa israelitanacajj filisteonacan amparanacapat orakenacapjja cutsuyasjjapjjäna, israelitanacampi, amorreonacampi sumancañaw utjaraquïna.

Jak'a apnaqawi uñst'ayäwi

1 Crónicas 18:1

Uca khepatsti Davidajj filisteonacaruw atipjäna, jupanacaru munañaparu apnakasa, Gat sat marcsa amparanacapata aparäna, uqhamarac jisc'a marcanacapsa.

Salmos 106:34

Tatitun aruparjamajj janiw marcanacar t'unjapcänti, t'unjapjjañapäcän uca marcanacarojj janiw tucjapcänti.

Números 13:29

Néguev sat chekanjja amalecitanacaw jacapjje; kollu chekanacanjja hititanaca, jebuseonaca, uqhamarac amorreonaca ucanacaraquiw jacapjje, ucatsti kota lacanacana, Jordán jawira thiyanacanjja cananeonacaw jacapjjaraqui —sasa.

Deuteronomio 7:16

Ucatsti jumanacajj take cawquïri marcanactï Tatitu Diosajj amparanacamaru catuyapcätam ucanac t'unjapjjäta. Janirac jumanacajj jupanacat qhuyapayasipjjamti ni diosanacaparus yupaychapjjamti, uqham lurapjjasma ucqhajj aynacht'añaruw puripjjasma.

Deuteronomio 7:2

Cunapachatejj Tatitu Diosamajj uca marcanac amparanacamaru catuyapjjätam, uqhamaraqui atipjapjjät ucqhajj janiw jumanacajj cunsa jumanacatac catusipjjätati, jan ucasti take yänac t'unjapjjäta, janiraquiw cuna suma arust'äwirus jupanacampi mantapjjätati ni jupanacat qhuyapayasipjjätasa.

Josué 10:5

Uqhamaw pheska amorreo reyinacajj sarapjjäna walja jakenacamp cuna; Jerusalén marcan reyipa, Hebrón marcan reyipa, Jarmut marcan reyipa, Laquis uqhamaraqui Eglón marcan reyipa; Gabaón marcaru t'unjañataqui.

Josué 15:11

Sarascaquïnwa Ecrón sat amsta mistuñanjama, Sicrón tokeru muytaniñataqui, uqhamaraqui Baala kollu chekanjam pasasina, Jabneel chekar mistusina, ucatsti Mar Mediterráneo sat jach'a kotar tucuyañataqui.

Jueces 4:17

Hazor sat marca apnaker Jabín sat reyimpi, Heber sat quenitan familiapampisti sumancapjjänwa, uqhamïpansti Sisarajja cayuqui jaltjjasinsti Heber sat quenitan Jael sat warmipan utaparuw purïna.