1 Samuel 4:3

Aymar Bibliia 1986

Cunapachatejj israelitanacan ejercitopajj campamentoru cutjjän ucqhasti Israel marcan jilïrinacapajj aqham sapjjänwa: “¿Cunatsa Tatitojj uqham filisteo jakenacampi atipaypachïstu?” sasa. “¡Jichhajj Silo sat uca chekaru sarañäni, ucatsti Arust'äwi Arca aptasinjjañäni, uqhamat Tatitojj jiwasampi chicäñapataqui, uñisirinacasatsa arjjatañapataquiraqui!” sasaw sapjjaraquïna.

Jak'a apnaqawi uñst'ayäwi

2 Samuel 15:25

Ucampisa reyejj Sadoc jakerojj saraquïnwa: —Diosan arcapjja marcaru cuttayjjam; Tatitutejj munani ucapachajj nayarojj cuttayasinquitaniwa, arcapsti wasitat uñjascaraquïwa, cawqhanccanitejj uca chekana.

1 Crónicas 17:1

Cunapachatï Davidajj palaciopancjjäna ucqhajja, Natán profetarojj sänwa: —Uñjam, nayajj cedro maderata lurat palacionctwa, ucampis Tatitun sumancäwi arcapajja mä carpa mankhencaquiwa —sasa.

Salmos 74:1

Diosay, ¿cunatarac apanuct'asipjjestasti? ¿Cunatarac k'apisiñamast tamamanquir ovejanacatac naqhisti?

Salmos 74:11

¿Cunatarac ch'eka amparam aythapistasti? ¿Cunatarac cupi amparam khomthapistasti?

Isaías 50:1

Tatitojj siwa: “¡Jan amuyapjjamti nayan Israelaru qhitanucutajj-jja, jupasti taycamawa, cunjämtejj mä jakejj warmiparojj apanucqui uqhama, jan ucajj nayan jumanacar esclavot aljatajjsa, qhitimpisa manunïtajj laycu! Jumanacajj aljatäpjjayätawa, jucha lurapjjatam laycu; jumanacan taycama Israelasti apanucutaraquïnwa, jumanacajj nayatac sayt'asipjjatam laycu.

Isaías 58:3

ucampis sapjjaraquiwa: ‘¿Cunataquirac ayunañänisti, Diosajj janejjay uñjcchitejja? ¿Cunataquirac ch'am tucuscañänisti, jupajj janejjay amuycchitejja?’ sasa. Ayunañ urusti jumanacajj aljasiñanacaruw uscusipjjtajja, irnakerinacamatsa k'al ch'amjja thalsupjjtajja;

Isaías 59:1

Tatitun ch'amapajj janiw tucusquiti, jan khespiyañatacjamajja, janiraquiw jupajj okaras tuccaraquiti, jan ist'irjamajja.

Isaías 59:2

Ucampisa jumanacan ñankha luratanacamasti, mä perkjamaw sayt'i jumanacampi Diosampi jaljasajja; jumanacan juchanacamaw jupan ajanupjja imantasiyi, janiraquiw ist'añsa munapctamti.

Jeremías 3:16

Cunapachatejj jumanacajj aca marcan mirantjjapjjäta, uqhamarac wawanacamas waljanëjjani ucapachasti, janiw qhitis wasitatjja Tatitumpi mä amtäwiru mantatäquis uca arcatjja parlcjjaniti, janiw qhitis uca arcatjja lup'cjjaniti, ni qhitis amtascjjaraquiniti; janiraquiw juc'ampi uca arcajj munascjjaniti, ni yakhasa wasitat lurascjjaraquiniti. Naya Tatituw ucjja arsta.

Jeremías 7:4

Janiraqui qhitinacatejj c'arinac parlapjje ucanacarojj alcatasipjjamti, qhitinacatejj sapjje: ‘¡Tatitun templopaw ucanqui, Tatitun templopaw acanqui sasa, ucanacarojja!’

Números 10:33

Uqhamaw Tatitun kollupat sarjjapjjäna. Tatitu Diosan suma Arust'äwiru Mantayir Arcapajj jupanacan nayrap saräna, quimsüru sararusti mä cheka thakapjjäna samart'añataqui.

Números 10:35

Cunapachatejj Diosan arcapajj sarjjarüna ucqhajj Moisesajj sänwa: “¡Sartasim Dios Tatitu! ¡Uñisirinacamas ananucutäpan!, ¡jumaru uñjasajj uñisirinacamajj jaltjjapjjpan!” sasa.

Números 31:6

Moisesasti qhitänwa nuwasiñataquejj Finees sat Eleazar sacerdoten yokapampi chica, cawquïritejj kollana yänaca, uqhamarac trompetanaca apcäna nuwantañ kalltapjjañapataqui.

Deuteronomio 29:24

“Ucapachasti take jakenacaw jisct'asipjjani: ‘¿Cunatsa Tatitojj uqham aca marcar lurpacha? ¿Cunatsa uqham coleraspacha?’ sasa.

Deuteronomio 31:26

“Aptapjjam aca leyinacan libro, ucatsti uchapjjam Diosan Sumancayiri Arcap thiyaru, ucqhan jumanac contra mä testigot uchatäpan.

2 Timoteo 3:5

Suma Dios chuymäcaspas uqhamaw tucupjjani, ucampis chekpach Diosar arcañan ch'amapjja apanucupjjaniwa. Uca casta jakenacampejj jan cunans mayachasimti.

Hebreos 9:4

Ucansti mä kori altaraw utjaraquïna, incienso naqhayañataqui, uqhamarac arust'äwi arca korimpi apaquipata. Uca arca mankhansti mä kori chatuw ucancäna, maná sat t'ant'araquiw uca chatu mankhancaraquïna, Aaronan ch'ojjñatatcänsa uca varapasa ucancaraquïnwa, uqhamarac arust'äwi kellkat kalanacasa.

Josué 4:7

Jumanacasti aqham sapjjätawa: “Cunapachatejj Diosan Arust'äwi Arcapajj Jordán jawira maqhatascäna ucqhajj umasti payaruw t'akjtäna Diosan arcapa nayräjjana, sasa. Aca kalanacajj israelit jakenacataquejj khepa urunjja cunatï pascäna ucanac amtasiñataquiw uchata” sasa.

Josué 6:6

Josué chachasti sacerdotenacaru jawsasinjja sänwa: “Jumanacasti Diosan arcap apapjjam, ucatsti pakallkonirac sarapjjam pututunac apt'ata Diosan arcap nayrakata.”

Josué 7:7

Josué chachajj sänwa: —¡Ay, Dios Tata! ¿Cunatsa jumajj aca marcaru Jordán jawir maqhatayanta? ¿Amorreo sat marcampiti t'unjayañ munapjjesta? ¡Nanacataquisti waliquïsapänwa Jordán jawirat qhurcataru kheparañajja!

Josué 7:8

¡Ay, Tata! Jichhasti camacharaquï, ¡aca israelit jakenacajj uñisirinacapar uñjasajj jaltjjapjjaquiraquisä!

1 Pedro 3:21

Uca umasti bautismo umaruw uñtasejja, uca tokeraquiw jichhajj khespitätanjja. Uca bautismosti janiw janchi k'omachañataqui asquïquiti, jan ucasti Diosat mä k'oma chuyma mayiñanquiwa; Jesucriston jactäwip tokeraquiw khespitätanjja,

Judas 1:5

Jumanacajj yatipcsta ucasa amtayañ munapjjsma, Tatitojj Egiptotsa Israel marcaparojj apsuncchïnsa, ucatsti t'unjaraquiwa qhitinacatejj jupanac taypitjja jan iyawsapcän ucanacarojja.

1 Samuel 1:24

Cunapachatejj wawarojj ñuñu t'akjjän ucapachasti, jupampi chicawa Tatitun temploparu irparaquïna Silo ucaru, wawasti jisc'äscaraquïnwa. Uqhamaraquiw quimsa vaca kallunacampi, pä tunca payan kilo trigompi, mä lip'ich wayaka vinompi aparaquïna.

1 Samuel 14:18

Ucürusti Diosan efod sat isipajj israelitanac taypincascänwa, ucat Saúl reyejj Ahías jakeru saraquïna: “Acar apanim uca Diosan efod sat isipa” sasa.

1 Samuel 4:2

ucatsti aywitatapjjaraquïnwa israelitanacampi nuwasiñataqui, uqhama nuwasipansti filisteo jakenacajj israelitanacarojj atipapjjänwa, ucatsti uca nuwasïwi pampanjja pusi waranka israelit jakenacaw jiwarapjjaraquïnjja.