1 Samuel 27:8

Aymar Bibliia 1986

Davidampi jakenacapampisti mistsupjjänwa, Gesur, Gezer, Amalec uca marcanacaru saqueyjañataqui. Uca marcanquirinacasti Talaim sisqui uca chekata, Shur tokeru sarañana, Egiptompi korpasqui, ucsa tokenwa jacapjjaraquïna.

Jak'a apnaqawi uñst'ayäwi

2 Samuel 14:23

Ucatsti Joab chachajj ucspachaw sartasin Gesur marcaru saräna Absalonaru Jerusalén marcaru irptanjjañataqui.

2 Samuel 14:32

Absalonasti saraquïnwa: —Nayajj jumaruw jawsaysma, reyin ucar naya toket sart'añamataqui, ucatsti juparu sañamataqui: “Janiw cunataquis asquïquiti Gesur marcat jutatajjajja, waliquïsapänwa nayan uca pachpa marcaru kheparascañajjajja” sasa. Nayasti reyiruw uñjañ munta, cuna juchajjas utjchi ucqhasti nayarojj jiwayitpan —sasa.

2 Samuel 15:8

Cunapachatejj aca sirvirimajj Gesur marcana, Siria orakena jaccän ucapachasti nayajj Tatiturojj sayätwa: “Jumatejj Jerusalén marcaru cuttayjjetäta ucapachajj, nayajj jumarojj yupaychämawa” sasa, sasaw Absalonajj reyirojj säna.

2 Samuel 3:22

Joab chachampi Davidan arquirinacapampisti uca horasaw purinisipcaraquïna pampa toketa, cuntejj uñisirinacapat aparanipcatayna ucanacsti waljpunwa apanipjjatayna. Abnerasti janiraquiw Davidampi chica Hebronancjjänti, jan ucasti jupajj c'uchiquiw sarjjatayna Davidan qhitanucutajja.

2 Samuel 3:3

ucjjarusti Quileab sataraquïnwa, ucasti Carmel token utjiri Nabal jaken ijmapa, Abigail warmin wawaparaquïnwa; ucjjaru, quimsïri wawapasti Absalón sataraquïnwa, Maaca warmin wawapa, uca warmisti Talmai jaken phuchapänwa, jupasti Gesur marcan reyiparaquïnwa.

2 Samuel 8:12

Edom, Moab, Amón, filisteonacata, amalecitanacata, uqhamaraqui cuntejj Hadad-ezer reyit guerran aparancataynas ucanacänwa. Uca Hadad-ezer jakesti Rehob jaken yokapänwa, Soba marcan reyipa.

1 Crónicas 2:23

Ucampis Gesur, uqhamarac Aram uca chachanacaw Jair chachan campamentonacapa catuntasipjjäna, uqhamarac Kenat, jisc'a marcanacapamppacha; takpachajj sojjta tunca marcanacwa catuntasipjjäna. Take ucanacaw Maquir chachat jutir wawanacapänjja, jupasti Galaad ucan awquipänwa.

Éxodo 15:22

Moisesasti israelitanacarojj Mar Rojo sat kotatjja irpjjänwa Shur sat wasararu, jupanacasti quimsa uruwa sarapjjäna wasaranjama jan uma jicjjatasina.

Éxodo 17:8

Amalecita jakenacasti jutapjjänwa Refidim sat chekaru israelitanacampi nuwasiñataqui.

Números 13:29

Néguev sat chekanjja amalecitanacaw jacapjje; kollu chekanacanjja hititanaca, jebuseonaca, uqhamarac amorreonaca ucanacaraquiw jacapjje, ucatsti kota lacanacana, Jordán jawira thiyanacanjja cananeonacaw jacapjjaraqui —sasa.

Números 14:45

Ucatsti uca chekan jaquir amalecitanaca, cananeonacaw mistunipjjäna, israelitanacar Horma sat chekacama khepanacapat arctanisa, jupanacar k'al atipjañcama.

Josué 12:5

Aca reyin orakepajj Hermón sat kolluta, Salca chekata, Basán sat chekata Gesur uqhamaraqui Maaca sat chekacama, ucatsti Galaad sisqui uca chica orakcama, cawquïritï Sehón sutini Hesbón marcan reyipäcäna.

Josué 13:13

Ucampis israelitanacajj janiw Gesur sat marcarojj, uqhamaraqui Maaca sat marcarus jakonucupcänti jan ucasti Israel marca taypinjja jacasipcaquïnwa jichhürcama.

Josué 13:2

Filisteonacan orakenacapa, uqhamaraqui gesureonacan orakenacapajj uqhampachäsquiwa.

Josué 16:10

Ucampis janiraquiw Efraín tribojj Gezer oraken jaquir cananeo jakenacarojj jakonucupcänti, jan ucasti jupanac taypina jacayapjjäna: “Impuestonac pagapjjam” sapcän ucasa jichhürcamaw jupanacampi jacasipqui.

Jueces 1:29

Uqhamaraqui Efraín sat tribunquirinacasti janiraquiquiw ch'amanïpcänti Gezer sat marcana jacapcäna uca cananeonacaru alisnucuñataquejja, uca laycusti cananeonacajj jupanac taypinjja jacasipcaquïnwa.

1 Samuel 29:6

Uqhamasti Aquis reyejj Davidaruw jawsayäna, ucatsti saraquïnwa: —¡Chekpachansa, Tatitojj jacasquiwa, jumasti cheka jakepunïtawa! Aca campamenton sarnakatamasti chuymajjar purquiriwa. Cuna urutejj nayan jac'ajjaru jutcta ucat jichhürcamajj janiraquiw cuna jan walsa jumanjja jicjjatcti. Ucampisa filisteonacan jilïrinacapajja janiw jumaru uñjañ munapctamti.

1 Samuel 30:1

Quimsüru sarakatatsti, Davidampi jakenacapampejj Siclag marcaruw puripjjäna. Ucansti jicjjatapjjaraquïnwa amalecita jakenacajj Néguev sat orakeru mantanipjjatapa, ucatsti Siclag marcaru nuwantapjjatapa t'unjasa, ninampi phichhantasa.