1 Samuel 17:4

Aymar Bibliia 1986

Uqhamaraqui acatjamatwa filisteonac taypitjja mä guerrero jakejj mistunïna, jupasti wali jach'a tansänwa, quimsa metronjamaraquïnwa sayt'arojja. Uca jakesti Goliat satänwa, Gat sisqui uca marcan jaquiriraquïnwa.

Jak'a apnaqawi uñst'ayäwi

1 Crónicas 11:23

Uqhamaraquiw jach'a tansa egipcio jakeru jiwayäna, uca jakesti niya pä metro chicatanïnwa, uqhamarac lanzapasa jach'araquïna mä telaran lawapjama. Ucampis Benaía chachajj mä lawampiquiw nuwasïnjja, amparapata lanzapa aparasinjja pachpa lanzapampiwa jiwayäna.

Amós 2:9

Ucampis nayajj jumanac laycuwa amorreonacaru k'alpuni tucjtjja; cedro kokanacjam jach'anacäquipansa, uqhamarac roble kokanacjam ch'ollkhëquipansa.

Deuteronomio 3:11

(Og sat reyiquiraquiw refaítas sat jach'a tansa jakenacatjja kheparjjäna. Iquiñapasti hierrot luratänwa; largorojj pusi metro anchorusti pä metroraqui, cunjämatï ucajj jichhacama amonitanacan Rabá sat marcapancasqui.)

Josué 11:22

Janiw Israel marcanjja mä anaquita jach'a jakes utjcjjänti, ucampis Gaza, Gat, Asdod marcanaqui utj-jjapjjäna.

1 Samuel 17:23

Jilanacapampi parlañcamasti, uca guerrero filisteo chachajj arnakasisincaraquïnwa, jupasti Goliat sataraquïnwa, Gat marcanquiriraqui. Filisteonac taypita mistunisinsti, wasitat israelitanacarojj arnakasincaquïnwa, cunjämatejj pasïri urunacan arnakascatayna uqhama. Davidasti ucjja ist'araquïnwa.

1 Samuel 17:3

Filisteo jakenacasti mä kollu patancapjjänwa, israelitanacasti yakha kollu patanaraqui, mä valleraquiw jupanacarojj jaljäna.

1 Samuel 17:5

P'ekeparusti mä broncet lurat cascompi asjjatataraquïnwa. Jupasti mä armadura isimpi isintataraqui, ucasti broncetaraquiquïnwa, wali jathiraqui, pheska tunca pheskani kilow pesaraquïna.

1 Samuel 27:4

Saúl reyisti, Davidan Gat tokeru sarjjatap yatisinsti, janiwa arcnakcjjänti.