1 Samuel 16:5

Aymar Bibliia 1986

—Jïsa, uqhamawa. Tatitur mä sacrificio loktiriw jutta. Jichhajj k'omachasipjjam ucatsti nayampi chica sacrificio loktir sarapjjaraquim —sasaw Samuelojj saraquïna. Ucat janc'aquiraquiw Samuelojj Isaí chachampiru, yokanacapampiru k'omachäna, ucat sacrificio loktiri sarañataquiw jupanacarojj jawsaraquïna.

Jak'a apnaqawi uñst'ayäwi

Génesis 35:2

Uqhamasti Jacobojj familiaparu, uqhamarac jupampi chica jacapcäna ucanacarusti sänwa: —Take yakha diosanacatejj jumanac taypin utjqui ucanacjja apanucupjjam, cuerppacha jarekasipjjam ucatsti yakha isinacampi uchasipjjam.

1 Reyes 2:13

Haguit ucana Adonías yokapasti, Salomonan Betsabé taycapan ucaruw saräna. Jupasti jisct'änwa: —¿Suma amtäwimpiquiti juttajja? —sasa. Adoniasasti sänwa —Jïsa —sasa.

1 Crónicas 12:18

Ucatsti Amasai chachajj, quimsa tunca jakenacata jilïrïcäna, qhititï Diosan ajayupansa phokt'atäcäna ucajja aqham sasaw art'äna: “¡Sumancañäpan juma Davidampi, Isaí chachan yokapa! ¡Sumancañajja jumampïpan! ¡Sumancañäpan jumataquisa, uqhamarac yanapirinacamataquisa, Diosamaw jumar yanaptam uca laycu!” sasa. Davidasti jupanacarojj catokänwa, ucatsti tamapan jilïrinacapampi chicwa uchäna.

Job 1:5

Uca mank'äwi pasatatsti, Job chachajj wawanacapa jawsayasinjja wali alwata sartasinwa sacrificionac nact'ayasin loktirïna, uqhamata sapa mayni jupanacajja juchanacapata k'omachatäñapataqui. Uqhamsti Job chachajja lurirïnwa wawanacapajja inampisa chuymanacapana jan walinaca amtasinjja Dios contra jucha lurapjjaspa uca amuyasina.

Éxodo 19:10

Tatitojj Moisesarojj sascaquïnwa: —Saram, ucatsti marcaru waquichanim jichhüru, kharüru jupanacajj k'omachasipjjpan, uqhamarac isinacapsa t'ajjsusipjjaracpan.

Joel 2:16

Diosan marcaparusti tantacht'apjjam, ucatsti k'omachapjjaraquim; tantacht'apjjam chuyman jakenacaru, wawanacaru, ñuñusquiri wawanacamppacharu. Jichha casarasirinacasa mistunipjjpan casarasïwi utanacapatjja.

Sofonías 1:7

“¡Amuct'apjjam Dios nayrakatana, Tatitun urupawa jac'achasini! Ucatsti Diosaraquiwa mä sacrificio waquichi jupan arquirinacaparu.

Números 11:8

ucatsti saborapajj jac'ut lurat tortjama, aceitjamaw k'aphïna. Jakenacajj ucanac apthapiriw mistupjjäna, ucatsti pekapjjänwa jan ucajj ch'ajjt'asipjjänwa t'ant'anac lurasa.

1 Corintios 11:28

Ucatpï waquisejja janïra uca t'ant'a, uqhamarac uca copat umcasajja, sapa mayniw chuymap uñantasiñapa.

Josué 3:5

Josué chachasti israelit jakenacarojj sänwa: “K'omachasipjjam, Diosasti kharüru alwajj jach'a milagronac jumanac taypin lurani” sasa.

Josué 7:13

Sayt'asim ucatsti Israel marcaru tantacht'am: “Arumanthejj alwat chuymanacam k'omachasipjjam” sasa. Naya Israel marcan Tatitu Diosapaw sista: “Oh, Israel marcajja, cawquïritejj k'ala t'unjatäñapäcän ucajj jumanac taypincasquiwa, janitï ucaru jumanac taypit ankaru jakonucupcät ucqhajj janiw uñisirinacamampejj nuwasiñ puedipcätati.”

1 Samuel 20:26

Uca urusti Saúl reyejj janiw cunsa camscänti, chuymapansti sascaraquïnwa “Cuna jan wali k'añuchasïwi inas jupajj lurchi, ucat jichhajj k'omachasiscpacha” sasa.