1 Samuel 16:4

Aymar Bibliia 1986

Samuelosti cuntejj Tatitojj siscatayna ucanacwa luraraquïna. Cunapachatejj Belenar purcän ucqhasti, marcatjja jilïri jakenacaw mistunipjjäna jupar catokañataqui, mä juc'a ajjsarapjjaraquïnwa, jisct'apjjaraquïnwa: —¿Sumancaña munasati juttajja? —sasa.

Jak'a apnaqawi uñst'ayäwi

Génesis 35:19

Uqhamaw Raquelajj jiwjjäna, Efrata sisqui uca thaquiruw imjjapjjäna, ucasti jichhajj Belenäjjewa.

Génesis 48:7

Cunapachatejj nayajj Padan-aram sisqui ucsa toket cuttanjjayäta ucqhasti Raquelajj Canaán orakenwa jiwjjäna, ucampisa janïra Efrata sisqui uca chekar purincasa, ucatsti uca Efrata thaqui jac'aruw imt'jjaracta, jichhasti Belén sataraquiwa.

2 Samuel 6:9

Ucampisa uca urpacharaquiw Davidajj Dios nayrakatanjja wali ajjsarthapïna, ucat art'asiraquïna: “Janiw waquiscpachati Tatitun arcapa apañajjajja” sasa.

1 Reyes 17:18

Ucatsti ijma warmejj Eliasarojj sänwa: —¿Cuna lurañajjasa jumampejj utjitu, Diosanquir jake? ¿Jumajj juchanacajja amtayiriti juttajja, ucatjja wawajjaru jiwayiriraqui? —sasa.

1 Reyes 2:13

Haguit ucana Adonías yokapasti, Salomonan Betsabé taycapan ucaruw saräna. Jupasti jisct'änwa: —¿Suma amtäwimpiquiti juttajja? —sasa. Adoniasasti sänwa —Jïsa —sasa.

2 Reyes 9:22

Joram reyejj Jehú capitanar uñjasinjja sänwa: —¿Jehú, jumajj nayampïtati, jan ucajj nayamp nuwasirïtacha? —sasa. Ucjjarusti Jehú capitanajj sänwa: —¿Cuna sumancañaraqui jumampi utjaspasti Jezabel taycamajj jan walinacana sarnakascaqui yakha chachanacampi, uqhamarac walja laykasiñanacapampisa ucqhajja? —sasa.

Oseas 11:10

Jupanacasti Tatituruw arcapjjani, jupasti mä leonjamaw warariraquini. Warariniwa, ucatsti jupanquirinacajj qhathatt'asisaw inti jalanta toket jutjjapjjani.

Oseas 6:5

Ucatwa profetanac toke t'unjapjjsmajja, arunacajj tokeraqui jiwayapjjaracsmajja. Nayan cheka cancañajjasti mä khanjamaw khant'aniraqui.

Lucas 2:4

Ucatwa Joseajj Galileanquiri Nazaret marcata mistusinjja Judea tokeruw saräna Belén marcaru, cawqhantejj Davidajj nascatayna ucaru, Joseasti Davidan familiapat jutirïtap laycu.

Lucas 5:8

Uc uñjasinjja Simón Pedrojj Jesusan nayrakatapar quillt'asisinwa saraqui: —Saraket, Tata. Nayajj juchararätwa —sasa.

Lucas 8:37

Uc yatisinsti Gadara ucsan utjiri take jakew Jesusarojj achict'apjjäna: “Acat sarjjaquim” sasa, jupanacan wal ajjsarapjjatap laycu. Ucatwa Jesusajj boteru mantasin sarawayjjäna.

1 Samuel 21:1

Davidasti Nob sisqui ucsaruw sarjjäna, Ahimelec sacerdoter uñjiri. Uca sacerdotesti wali sustjataw mistunïna juparu catokerejja, ucatsti saraquïnwa: —¿Cunjämaraqui sapaqui juttasti qhitimpisay jutasamänjja? —sasa.