1 Samuel 16:1

Aymar Bibliia 1986

Tatitusti Samuelorojj saraquïnwa: —¿Cunapachcamas uqham llaquitaqui sarnakäta uca Saúl reyi laycojja? Janiw nayajj muncjjti jupan Israel marcjjaru reyiquïscañapjja. Jichhajj sartasim, ucat uca wajjraru aceitempi phokhantam, ucatsti Isaí chachan utapar sarañamwa munta, Belén chekaru, nayasti mayni wawaparuw ajllista reyïñapataqui —sasa.

Jak'a apnaqawi uñst'ayäwi

1 Reyes 8:16

‘Cunürutejj Israel marcajjaru Egipto marcata apsuncta ucqhatjja, janiw nayajj chhijllascti yakha marcaru Israelan take tribunacapatjja, ucana mä templo lurasiñapataqui, sutejjasa ucancañapataquiraqui. Ucampis ajllistwa Davidaru Israel marcajjaru apnakañapataqui’ sasa.

2 Reyes 9:1

Eliseo profetasti jawsänwa profetanacan tamapata maynïriru, aqham sasa: “Wact'ayasim mistuñataqui. Aceite apjjarusiwayasajja, saram Galaadanquir Ramot chekaru.

2 Reyes 9:3

Ucatsti aceite catusinjja, p'ekep patjjaparu warjjatam, aqham sasa: Aqham siw Tatitojja: “Nayaw utt'aysma Israelan reyipata. Ucatsti puncu jist'arasisinjja mäquiw jalsuniwayjjäta jan sayt'asa” —sasa.

2 Reyes 9:6

Ucspachaw Jehú capitanajj sartasisina utaru mantäna. Ucatsti profetajj p'ekeparuwa aceite warjjatäna, aqham yatiyasa: —Israelan Tatit Diosapajj aqham siwa: “Nayawa Israel marcajj-jjarojj reyita utt'aysma.

1 Crónicas 11:3

Uqhamatwa Israelana take chuyman awquinacajj sarapjjäna David reyimpi parliri Hebrón chekana, ucatsti Davidajj jupanacampiw mä suma parlt'äwiru mantäna, Tatituru testigota uchasina. Ucatsti jupanacajj Davidarojj Israelan reyipatwa utt'ayapjjäna, cunjämtï Diosajj arscäna Samuel toke uqhamaru.

1 Crónicas 28:4

Ucampis Israelan Tatit Diosapajja nayaruw ajllisitu take familiajja taypita Israelan wiñay reyïñajjataqui. Juparaquiw Judá tribu ajlliwayi apnakañapataqui uca tributa mistuñapataqui, uca Judá tributjja nayan familiajjaruw ajllisiwayi, uqhamarac jilanacajj taypitjja nayaruw ajllisiraquitu Israelan reyïñajjataqui.

Isaías 11:1

Uca troncojj Isaí chachawa, jisc'a aliw ch'ichsu, mä aliw saphinacapatjja ch'ichtaniraquini.

Isaías 11:10

Uca urunjja Isaí chachan saphipat ch'ichtanir alejja mä unañchäcaspas marcanacataquejj uqhamaw sartani, marcanacasti jupar thakheriw sarapjjani, cawqhanccanitejj jupajj ucqhasti c'ajquirïniwa.

Isaías 55:4

Nayaw juparojj marcanacataquejj testigot uscta, marcanacataquejja mä jilïri yatichiriraqui.

Jeremías 11:14

Uqhamasti jumajj Jeremías jan mayimti aca marcataquejja; jan nayarojj oracionanac loktanistati, janiraqui jupanacataquis mayistati, jupanacarusti janiw ist'cäti cunapachatejj mayisipjjetani yanapa jan walt'aña horasanacapana ucapachajja.

Jeremías 15:1

Tatitusti saraquituwa: “Moisés, uqhamaraqui Samuel, ucanacasay nayan nayrakatajjaru uñstaniscpan, ucqhas janipuniw nayajj aca jakenacat qhuyapayasquiristti. Nayan nayrakatajjatsti mistupjjpan, jayar sarapjjpan.

Jeremías 6:30

Ucampisa: “Apanucut kollke” sasay sutichañächispa, jumajj jupanacaru apanucutam laycu.

Jeremías 7:16

“Jumasti Jeremías, jan aca marcataqui Tatitut mayimti, jan nayarojj achict'asquistati jupanacataquejja. Jan juc'ampi parljjestati, janiw nayajj ist'cämati.

Zacarías 4:14

Jupasti saraquituwa: —Aca paninisti Tatitur serviñatac take acapachan loktatäquis ucanacawa —sasa.

Romanos 15:12

Isaías profetajj saraquiwa: “Isaí chachan saphipatwa sartanini. Jupasti marcanacar apnakeriw sartani. Ucatpï jupanacajj jupar suyt'apjjanejja.”

Hebreos 11:32

¿Cunamps säjja? Tiempow jan utjquituti Gedeón, Barac, Sansón, Jefté, David, Samuel take ucanacata, profetanacampita parlañajjataquejja.

1 Juan 5:16

Maynitejj jilaparu jiwañar apir juch jan lurquir uñjcchi ucajja, Diosar mayiñapawa. Diosasti jilaparojj jacañjj churaniwa, janitejj uca juchajj jiwañar apcchi ucqhajja. Utjaraquiwa jiwañar apir juchajja, janiw ucatjj siscti: “Aca juchatjja Diosar mayiñäspaw” sasajja.

1 Samuel 10:1

Uqhamasti Samuelojj mä keru aceite catusinjja Saúl waynan p'ekepjjaruw warjjatäna, ucat saraqui: —Tatituw jichhürojj Israelan apnakeripat utt'ayastam. Jumaw jichhajj jupanacar apnakäta, uqhamarac uñisirinacapan amparapatsa khespiyaraquïta. Tatitun jumaru yakhachatapat señälasti acäniwa, Israel marcapa apnakañapataqui:

1 Samuel 15:11

“Saúl chachar reyit utt'ayatajjatsti walpun amtta, nayatsti jithektituwa, arsutanacajjsti janiraquiw phokquiti” sasa. Samuelosti uca ist'asajj wali mayjt'ataw kheparäna, ucat uca aruma pakariraquiw Tatituru mayïna.

1 Samuel 15:23

Jupa contra sayt'asirejja, qhititejj laykasiñanac lurqui ucampi sasiwa; yakha diosanacar yupaychirimpi sasiwa qhititejj jupar jan ist'qui ucajja. Cunjämatejj jumajj arunacapar apanuctajja, jichhajj uqham luratam laycuw jupajj reyitjja apanucjjtam.”

1 Samuel 15:26

—Janiw jumampi chica sarquiristti, Tatitun arunacapar jan jaysatam laycu. Jichhasti jupajj jumarojj Israelan reyipäñatjja apanucjjtamwa —sasaw Samuelojj saraquïna.

1 Samuel 15:35

Samuelosti janipuniw mayampsa Saúl reyirojj uñjcjjänti, chuymapanjja wali llact'atäcchïnsa cunatï Tatitojj wali amtasitapa Saúl reyiru Israel marcan reyipat utt'ayatapata.

1 Samuel 16:15

Ucatwa juparu sirvirinacajj sapjjäna: —Cunjämatejj jumajj uñjtajj, tata, Diosan qhitanita mä ñankha ajayuw jumarojj t'akhesiyasctam.

1 Samuel 16:23

Uqhamasti cunapachatejj uca Tatitun qhitanita ñankha ajayojj Saúl reyiru t'akhesiycän ucqhajj Davidajj arpa toct'arapirïna. Ucampiw Saúl reyejj cutjtasa waliquëjjaraquirïna uca ñankha ajayusti jupatjja jithektjjaraquirïnwa.

1 Samuel 17:12

Mä jakeraquiw Belén marcan utjäna Isaí sutini, Saúl reyin urunacapansti jupajj niya chuymanëjjänwa. Uca jakesti quimsakallko yokanacanïnwa, sullquïristi David sataraquïnwa.

1 Samuel 9:16

“Arumanthi alwajj aca quipca horasaruw Benjamín toket jutiri mä jakeruw qhitanïma, juparuw yakhachäta Israel marcajja apnakañapataqui. Jupaw filisteonacan amparapat khespiyani, marcajjatsti qhuyapt'ayasiractwa, t'akhesitanacapasti naya nayräjjaruw puriniraqui” sasa.