1 Samuel 13:13

Aymar Bibliia 1986

Samuelosti saraquïnwa: —¡Luratamajj mä lokhe jaken luratapjamawa! Tatitojj cuntejj sisctam uca arunactejj ist'asamän ucapachajj juman apnakañamajj wiñayataquïsapänwa uca Israel marcanjja.

Jak'a apnaqawi uñst'ayäwi

Génesis 31:28

Jumasti janiw phuchanacajjarusa, ni allchhinacajjarusa jamp'att'ayquistati. ¡Jan walpun lurtajja!

2 Samuel 24:10

Ucampisa Davidajj chuymapanjja juchanjamaw amuyasïna uca censo aptayasajja, ucatwa Tatitur saraquïna: —Nayajj mä jach'a jucha lurta aqham censo aptayasajja. Ucatwa Tata, jichhajj achict'assma aca uywataman juchapa perdonañamataqui, mä pisi chuyma jakjamaw cunsa lurtjja —sasa.

1 Reyes 18:18

—Ucjjarusti Eliasajj sänwa —Janiw nayäcti ch'ajjwayirejja, jan ucasti juma, uqhamarac jakenacamawa ch'ajjwayasipquejja Tatitun camachi arunacapa apanucusina, uqhamarac Baal diosan walja lantinacaparu yupaychasina.

1 Reyes 21:20

Acab reyisti Eliasarojj sänwa: —¡Uqhamasti! ¿Juma uñisirejjati nayar jicjjatista? —sasa. Ucjjarusti Eliasajj sänwa —Jïsa, jumarojj jicjjatsmawa. Jumasti jan wali luräwinacacwa Tatitun nayrakatapanjja lurtajja.

1 Crónicas 10:13

Uqhamawa Saúl reyejj ñankha luratap laycujja jiwäna, jupasti juchwa luräna jan Tatitun arunacap ist'asina, uqhamarac mä yatiri warmiru jisct'asiri saratap laycuraqui.

2 Crónicas 16:9

Tatitusti sumwa uñjasqui take acapachana cunanacatejj lurasisqui ucanacjja, uqhamata ch'ama churañataqui qhitinacatejj chekpachana juparu iyawsasipqui ucanacaru. ¡Jumasti mä lokjamawa uqham lurtajja! ¡Jichhat ucsarusti juc'ampi guerranacawa jumataqui utjani!” sasa.

2 Crónicas 19:2

Ucampis Hanani chachan Jehú yokapaw jupar jicjjatiri saräna, aqham sasaw jisct'araquïna: —¿Cunatsa ankha jakeru yanapta, uqhamarac Tatitun uñisirinacapampisa sumancaractajja? Uca laycuwa Tatitojj jumampejja colerasejja.

Job 34:18

Reyinacampi jilïrinacampitejj khorüpjjchejja, Diosajj janiw jupanacaru juchañchañjja ajjsarquiti.

Proverbios 12:8

Yatiñan jakejj, yatiñapatjamajja jach'ar aptatäniwa, ucampis jan amuyt'ani ñankha jakejja jisc'achatäniwa.

Proverbios 19:3

Jakejj jan amuyt'asirïtap laycojja suma sarnakañapjja chhakhayiwa, ucatsti jakejj Tatituruquiw juchañchi.

Isaías 39:5

Isaiasasti Ezequiasarojj saraquïnwa: —Ist'am take ch'amani Tatitun arunacapa:

Jeremías 18:10

Ucampisa uca marcatejj ñankhanacaqui lurasqui, nayan arunacajjarusa janiraqui ist'quituti ucapachajj janiw nayajj cuna asquinacatejj jupanacataqui waquichata utjcän ucanacjja apayancäti.

1 Samuel 1:22

ucampis Anajj janiw sarcänti, jan ucasti chachaparojj sänwa: —Janiw nayajj sarcäti, aca wawaru ñuñu t'akañajjcama. Ucapachaw nayajj wawarojj irpjjä Tatitur churjjañataqui, ucat ucan wiñaya kheparjjañapataqui.

1 Samuel 13:12

nayajj nuwantiriw sarakanï saraquiyätwa Gilgal chekana, janïr nayajj Tatitur catuyascasina, ucatwa uqham jan wali jicjjatasisin naya pachpa sacrificio loktañar uscusta —sasa.

1 Samuel 15:11

“Saúl chachar reyit utt'ayatajjatsti walpun amtta, nayatsti jithektituwa, arsutanacajjsti janiraquiw phokquiti” sasa. Samuelosti uca ist'asajj wali mayjt'ataw kheparäna, ucat uca aruma pakariraquiw Tatituru mayïna.

1 Samuel 15:22

Ucat Samuelojj saraquïna: “Tatitutaquejj arsutanacapar phokhañaw juc'ampi sumajja, sacrificionaca, uqhamarac holocaustonaca loktañat sipansa; arsutap phokhañaw, uqhamarac jupar ist'añawa sumajja, ovej liq'inaca sacrificiot loktañat sipansa.

1 Samuel 15:28

Ucat Samuelojj Saúl reyirojj saraquïna: —Cunjämtejj ch'iyakquistajja uqhamaracwa jumarojj Tatitojj Israelan tronopatjja ch'iyakjjaractamjja. Juman mayni marca masimar catuyjjañataquiw apakjjtam, cawquïritejj jumat sipansa juc'ampi wali asquïqui ucaru.

1 Samuel 16:1

Tatitusti Samuelorojj saraquïnwa: —¿Cunapachcamas uqham llaquitaqui sarnakäta uca Saúl reyi laycojja? Janiw nayajj muncjjti jupan Israel marcjjaru reyiquïscañapjja. Jichhajj sartasim, ucat uca wajjraru aceitempi phokhantam, ucatsti Isaí chachan utapar sarañamwa munta, Belén chekaru, nayasti mayni wawaparuw ajllista reyïñapataqui —sasa.

1 Samuel 26:21

Ucat Saúl reyejj saraquïna: —David, wawajja, nayajj juchwa juma contra lurtjja. Mä pisi chuymar uñtataraquiw sarnaktjja, mä jach'a jan wali luräwi lurtjja. Ucampisa jichhajj cuttanjjam, janiw jichhajj cuna ñankhsa lurcjjämati, jichhüru jumajj mä suma asquin nayar uñacht'ayatamata.