1 Samuel 10:1

Aymar Bibliia 1986

Uqhamasti Samuelojj mä keru aceite catusinjja Saúl waynan p'ekepjjaruw warjjatäna, ucat saraqui: —Tatituw jichhürojj Israelan apnakeripat utt'ayastam. Jumaw jichhajj jupanacar apnakäta, uqhamarac uñisirinacapan amparapatsa khespiyaraquïta. Tatitun jumaru yakhachatapat señälasti acäniwa, Israel marcapa apnakañapataqui:

Jak'a apnaqawi uñst'ayäwi

2 Samuel 1:14

—Uqhamasti, ¿cunjämarac jumasti Tatitun ajllita reyi contrasti amparam ayttasti? —sasaw Davidajj jach'at arsuraquïna.

2 Samuel 19:39

Take jakenacaraquiw Jordán jawirjja maqhatanjjapjjäna. Cunapachatejj reyejj maqhatanjjaraquïn ucapachajja Barzilai jakerojj jamp'att'asaw qhitanucjjäna. Uqhamasti Barzilai jakejj cawqhantejj jacascän uca chekaruw cuttawayjjäna.

2 Samuel 20:19

Nanacan marcajjajj janiw nuwasiñ munirïquiti, uqhamarus Israel orakenjja chekaparaquiwa. ¡Mä jach'a marcaraquiwa! Ucampisa jumajj t'unjañwa munasctajja. ¿Cunatsa jumajj t'unjañ munta cunatejj Tatituncqui ucjja? —sasa.

2 Samuel 5:2

Chekpachansa Saúl reyejj nanacan reyejjäcchïnsa, ucampisa jumaw Israel marcarojj apnakascäyätajja guerran nuwasiñanacapanjja. Uqhamarus Tatitojj jumaruraquiw arsuwaytam Israel marcaparu sarayañamataqui uqhamaraqui apnakañamataqui” sasa.

1 Reyes 1:34

Sadoc sacerdotesa, uqhamarac Natán profetasa Israelan reyipata utt'aypan, ucatjja orko ovejan wajjrapata phust'apjjam, uqhamarac art'apjjam: “¡Jach'achatäpan Salomón reyejja!” sasa.

1 Reyes 19:18

Ucjjarusti nayajj Israelanjja utjayäwa pakallk waranka jakenaca Baal diosaru jan quillt'asirinaca, ni jamp'att'apquisa ucanaca” sasa.

2 Reyes 20:5

“Cutt'am, ucatsti marcajjana jilïri Ezequías reyiru aqham sam: “Nayra David awquimana Tatit Diosapajja aqham siwa: ‘Nayajj oracionamjja ist'smawa, uqhamarac jachatamsa uñjaracsmawa. Jichhasti jumarojj c'umaraptayämawa, ucatjja acat quimsa urut Tatitun temploparu saräta.

2 Reyes 9:1

Eliseo profetasti jawsänwa profetanacan tamapata maynïriru, aqham sasa: “Wact'ayasim mistuñataqui. Aceite apjjarusiwayasajja, saram Galaadanquir Ramot chekaru.

2 Reyes 9:12

Jupanacasti sapjjänwa: —Janiw ucajj chekäquiti. ¡Jichhajj take yatiyapjjeta! —sasa. Ucjjarusti Jehú capitanajj sänwa: —Aqhamwa situ: “Aqham siw Tatitojja: ‘Nayawa utt'aysma Israel marcana reyipata’ ” —sasa.

Salmos 135:4

Jupaw Jacoborojj ajllisïna, Israelarusti marcapäñataquiw ajllisiraquïna.

Salmos 78:71

ovej tamanacan khepap sarañat irpakäna, Jacobon marcapar awatiñapataqui, Israel marcan awatiripäñapataqui.

Éxodo 30:23

“Jumasti ajllim suma k'apquir kokanaca, mä sojjta kilo suma mirra, quimsa kilo canela, uqhamarac mä quimsa kilo suma k'apquir caña.

Jeremías 10:16

¡Ucatsipana cunja jach'asa Israelan Diosapajja, juparaquiw take cunatejj utjqui ucanacsa ucharaqui! Juparaquiw Israelarojj jupataqui ajllisi; Take Ch'amani Tatitu, ucaw sutipajja. Profeta:

Ezequiel 16:13

Korita, kollket lurat yänacampi c'achachquipataw uñjasjjäyäta; isinacamas linot lurataraquïnwa, wali suma sawuta suma color telanacat lurataraqui. Suma t'ant'a, misq'i, olivot apsut aceite mank'araquïyätajja. Sinti muncaña mä reinar uñtataw tucuraquïyätajja.

Oseas 13:2

¡Jichhas juchjja lurasipcaquiwa! Kollkenacap umatatayasinsti c'ari diosanacwa lursusipjje, cunjämarutejj munapqui uqhamaru, yakha diosanac luririnacan amuyuparjamaraqui. Ucatsti sapjjaraquiwa: “Sacrificionac loktapjjam” sasa. Jakenacasti vaca kallur uñtata c'ari diosanacaruw jamp'atipjje.

Hechos 13:21

Ucapachasti jupanacajj mä rey mayipjje jupanacar apnakañapataqui. Diosasti iyawsasaw jupanacarojj mä rey churi, pusi tunca mara jupanacar apnakañapataqui. Uca reyisti Cis sat chachan Saúl yokapänwa. Jupasti Benjaminan familiap castaraquïnwa.

Deuteronomio 32:9

Diosan herenciapasti, jakenacapawa Jacobon marcapawa.

1 Tesalonicenses 5:26

Aruntarapipjjeta takpach jilatanacaru mä asqui jamp'att'ampi.

Hebreos 2:10

Jupïpanaracwa take cunas Diosataquejj utjasqui, Diosasti muniwa take wawanacapanjj utjañapa jupan jach'a khapak marcapana. Ucatwa Diosajj t'akhesiña toke sum tucuyäna jupanacan Jesucristo khespiyiriparojja.

Apocalipsis 5:8

Libro apakcäna ucqhasti uca pusi jacasquirinacasa, uqhamarac uca pä tunca pusini jilïrinacasa uca Cordero nayrakataruw quillt'asipjjäna. Sapa mayni jilïrinacasti mä arpa apt'atäpjjänwa, uqhamarac mä kori copa ast'atcama. Uca kori copanacasti incienson phokhantatänwa, uca inciensosti Diosan wawanacapan oracionanacapänwa.

1 Samuel 12:3

Jichhasti acajjay acancasctwa. Nayatejj qhitin vacapsa, asnopsa catuntassta, jan ucajj qhitirus t'akhesiystjja, jan ucajj cheka uñjañataquis kollke chilltayasstjja ucapachajj arsupjjam Tatitu nayräjjana, uqhamarac cawquïr reytejj jupajj ajllqui uca nayrakatansa, ucat nayajj take manut phoqhawayjjäwa —sasa.

1 Samuel 13:14

Ucampis jichhajj juman apnakañamajj janiw jayäcaniti. Tatitojj yakha chacha thakani jupan chuymapar purt'quiri, ucatsti marcapan jilïripatwa utt'ayaraquini, jupan arunacaparu jan ist'atam laycu.

1 Samuel 15:1

Mä uruw Samuelojj Saúl reyiru säna: —Tatitojj Israel marcan jumaru reyit utt'ayañataquiw qhitanitu. Uca laycu jichhajj ist'am cuntejj Tatitojj sañ munctam uca.

1 Samuel 15:17

Ucat Samuelojj säna: —¿Janit jumajj jan yäkcañac amuyascäyätajja? Ucampisa Israel tribunacan jilïripaw tucuwaytajja, Tatitusti Israelan reyipatwa utt'ayaractamjja.

1 Samuel 16:1

Tatitusti Samuelorojj saraquïnwa: —¿Cunapachcamas uqham llaquitaqui sarnakäta uca Saúl reyi laycojja? Janiw nayajj muncjjti jupan Israel marcjjaru reyiquïscañapjja. Jichhajj sartasim, ucat uca wajjraru aceitempi phokhantam, ucatsti Isaí chachan utapar sarañamwa munta, Belén chekaru, nayasti mayni wawaparuw ajllista reyïñapataqui —sasa.

1 Samuel 16:13

Ucat Samuelojj janc'aquiw aceiten wajjra aptasinjja, jilanacap nayrakatanwa uca waynarojj reyïñapataqui yakhachjjäna, jupasti David satänwa. Ucat ucsarusti Tatitun ajayupaw jupjjancäna. Ucatsti Samuelojj jupanacatjja sarjjänwa, Ramá sisqui uca chekaru.

1 Samuel 2:10

Tatitojj uñisirinacaparojj t'unjaniwa, alajjpachatpachwa khejjokhejjonacsa jupanacjjarojj apayaniraquini. Tatitojj take acapacharuw taripani; jupan ajllit reyirusti ch'amañcharaquiniwa, ch'amapasti juc'ampiw jiltaraquini.”

1 Samuel 24:6

Ucat jakenacaparojj saraquïna: —¡Tatitojj jan aytayquitpati amparajja nayan reyejj contra! ¡Jïsa, jupajj reyiwa. Tatituw juparojj ajllisiraqui reyïñapataqui! —sasa.

1 Samuel 26:11

Tatitusti khespiyitpan, jupan ajllit reyipar jiwayañatjja. Uqhamasti jichhajj uca ch'ijmapancquis uca lanza aytanim, uqhamarac umañ wacullapsa waytaniwayaraquim, ucat sarjjañäni —sasa.

1 Samuel 26:9

Ucampisa Davidajj saraquïnwa: —Jan jiwayamti. Qhititejj aca reyir jiwayañ munani, ucajj Tatitun mutuyatapunïniwa. Jupa reyisti Tatitun ajllitaraquiwa.

1 Samuel 8:19

Jakenacasti janiw Samuelon arunacapjja ist'apcänti jan ucasti sapjjänwa: —Janiw ucajj cunäquisa.

1 Samuel 8:9

Uqhamajj cuntejj mayipcätam ucarojj jaysascaquim. Ucampisa amtayaraquim, jupanacaru apnakcani uca reyejj cuntejj jupanacat maycani ucjja.”

1 Samuel 9:16

“Arumanthi alwajj aca quipca horasaruw Benjamín toket jutiri mä jakeruw qhitanïma, juparuw yakhachäta Israel marcajja apnakañapataqui. Jupaw filisteonacan amparapat khespiyani, marcajjatsti qhuyapt'ayasiractwa, t'akhesitanacapasti naya nayräjjaruw puriniraqui” sasa.

1 Samuel 9:27

cunapachatejj marca ankäjjaru mistusinipcäna, ucapachasti Samuelojj Saúl waynarojj sänwa: —Uywatamjja nayra qhitanuccam, jumasti suyt'araquim acqharu. Cuntejj Diosajj sisquitu ucwa jumar yatiyaña munsma —sasa.