1 Reyes 2:3

Aymar Bibliia 1986

Jumajj Tatit Diosaman ewjjanacapa phokham, munañapa lurasina, uqhamarac leyinacapa phokhasina, camachi arunacapa, arsutanacapsa, cunjämatï Moisesan leyipan kellkatäqui uqhama, take luräwinacamasa, cawqharutejj sarcäta ucqhansa asquir sarañapataqui.

Jak'a apnaqawi uñst'ayäwi

2 Samuel 8:14

Ucatsti Davidajj janc'aquiw take Edom orakpachanjja guardianaca uscuraquïna. Edomita jakenacasti Davidan apnakataw uñjasipjjaraquïna, Tatituraquiw Davidarojj atipjaña churaraquitaynajja, cawquirutejj sarcäna ucana.

2 Samuel 8:6

Ucatsti Davidajj janc'aquiw Damasco marcarojj guardianaca uscuraquïnjja Siria tokena, sirio jakenacasti Davidan apnakataw uñjasipjjäna, uqhamaraqui impuestonacsa pagapjjaraquïna. Uqhamaw Tatitojj Davidarojj atipjañ churäna, cawqharutejj sarcäna uca chekanacanjja.

1 Reyes 3:3

Salomonajj Tatituruwa munäna, uqhamaraqui David awquipan leyinaca utt'ayätaqui ucanacsa phokharaquïnwa, jupa pachpasa alto kollu patanacana sacrificionaca, inciensonaca loktcchïna ucasa.

2 Reyes 18:7

Ucatwa Tatitojj jupar yanapäna, uqhamarac asquir mistuyäna take cuntï amtcäna lurañataqui ucanacana. Ucatsti Ezequías reyejj Asirianquir reyitaquiw sayt'jjäna, janiw jupar ist'añ muncjjänti.

1 Crónicas 29:19

Salomón wawajjarusti take chuymäña churam, camachi arunacama phokhañapataqui, uqhamarac ewjjanacama, leyinacama, take ucanacaru phokhasina, ucatsti templo lurayañapataqui, nayajj ucataquiraquiw waquicharacta” sasa.

Salmos 119:111

Arunacamajj nayatac wiñay catokäwiwa, arsutanacamajj chuymajjaruw cusisiyi.

Salmos 119:138

Takpach arsutanacamajj asquiwa, arunacamajj chekaparaquiwa.

Salmos 119:2

Tatitun arunacapar jaysirinacajj cusisiñaniwa, takpach chuymamp jupar thakerinacajj cusisiñaniwa,

Salmos 19:7

Tatitun arsutanacapajj chekapawa, jaken chuymapar machakaptayiriwa; Tatitun arunacapajj asquiwa, jan yatiñan jaker yatiñan tucuyiriwa;

Eclesiastés 12:13

Parlañajj tucuyjjewa. Takewa parlatäjje. Diosar yupaycham, ucatsti camachi arunacapa phokham, take ucanacajj jaketaquïtap laycu.

Levítico 8:35

Uca laycu, jumanacasti pakallko uruw kheparapjjäta Tatitumpi Jiquisiñ Carpar mantañäquisa uca chekana, uruy arumawa pakallko uru phokhasiñcama ucancapjjäta. Tatitun arunacaparusti ist'apjjaraquim, ucatsti janiw jiwapcaraquïtati, ucaw Tatitun arunacapajja” sasa.

Malaquías 4:4

“Jumanacajj amtasipjjamaya cawquïri leyinactï Moisés uywatajjaru Horeb sat kolluna churcta ucanacata. ¡Ucanacasti ewjja arunacänwa, camachi arunacaraquïnwa take Israel marcan phokhañapataqui!

Deuteronomio 29:8

Ucatsti orakenacapjja catuntastanwa, uca orakenacsti Rubén, Gad uqhamaraqui chicat Manasés tribunacaruw churaractan.

Deuteronomio 29:9

Uqhamasti take aca arust'äwin arunacapar ajjsarapjjaraquim, ucatsti ucarjamarac sarnakapjjam, uqhamat take luräwinacamajj suma sarañapataqui.

Deuteronomio 4:1

“Jichhasti Israelit jakenaca, ist'apjjam cawquïri leyinactï, yatichapcsma ucanaca. Uqhamarac uca leyinacar phokhasarac sarnakapjjam, jacapjjaraquimsa, cawquïri oraktï awquinacaman Tatitu Diosapajj churapctam ucanjja.

Deuteronomio 4:45

cawquïri camachinaca, leyinaca, arsutanacaptï Moisesajj Israel marcaru churcäna, cunapachatï jupanacajj Egipto marcat mistunipcäna ucqha,

Deuteronomio 4:5

Nayasti jumanacarojj yatichapjjsmawa take cawquïri leyinactï Tatitu Diosajj ewjjawayquistu ucanaca, jumanacan uca leyinacarjam sarnakapjjañamataqui cawquïr oraktï churapcsma ucana.

Deuteronomio 4:8

Uqhamaraqui, ¿cawquïri jach'a marcaraqui utji leyinacapasa, arsutanacapas cheka, cunjämtï nayajj aca yatichäwinac jumanacar churapjjsma uqhamajja?

Deuteronomio 5:1

Moisesasti Israel marcaru tantachthapisinjja sänwa: “Israelanquir jakenaca, sum ist'apjjam cawquïri leyinaca, arsutanactï jichhüru yatiyapcäma ucanacaru. Sum p'ekenacamar yatekapjjam, ucatsti take sarnakäwiman ucarjam sarnakapjjaraquim.

Josué 22:5

Nayasti jumanacatjja aca mayipjjsma, ucasti jumanacajj take iyawsañ chuymampipuni Diosan camachiparu, leyiparusa phokhapjjam, cunjämtï Diosan sirvirip Moisesajj sapjjtam uqhama; jumanacajj Tatitu Diosamarojj take chuymampi munapjjam, uqhamaraqui jupan cheka thaquiparjam sarnakapjjam, arunacapa phokhasina, take munasiñ chuymampiraqui, uqhamarac take jacañanacampi arcapjjam” sasa.

Josué 23:6

“Jumanacasti wal ch'amañcht'asipjjam, uca Moisesan libropan kellkatäqui uca arunacar phokhañataqui, janirac ch'eka tokerusa ni cupi tokerusa uca arunacatjja sarakapjjamti.

1 Samuel 18:14

Cunjämatejj Tatitojj Davidaru yanapcänjja, take cuna lurañapansa jupajj walt'ascaquipunïnwa.

1 Samuel 18:30

Mä toketsti, cunapachatejj jilïri filisteo jakenacajj nuwasiri mistunipcäna, ucapachajj Davidajj Saúl reyin oficialanacapat sipansa, atipjapunïnwa, Davidajj wali aytata jakew tucuraquïna.

1 Samuel 18:5

Davidasti cuntejj Saúl reyejj lurañataqui churcäna ucanacjja wali sumpuni phokhäna, ucat Saúl reyejj juparojj guerran sarayañapataquiw utt'ayaraquïna. Ucasti take ejercitonquirinacataquejja, Saúl reyin jach'a jilïri jakenacapataquisa wali sumapunïnwa.