1 Pedro 5:8

Aymar Bibliia 1986

Wali amuyt'asirïpjjam, janc'aquïpjjaraquim, jumanacar uñisir Supayasti mä leonar uñtataw warart'asisa sarnakasqui qhitiru mank'antañataquisa.

Jak'a apnaqawi uñst'ayäwi

Ester (hebreo) 7:6

Ucampis Ester warmejj sänwa —¡uca jan wali uñisiristi aca uñisir Amán chachawa! —sasa. Uqham arunaca ist'asinsti Amán chachajja wali sustjata, ajjsarayasitaw jicjjatasïna reyina, uqhamarac reinana nayrakatapanjja.

Job 2:2

Ucatsti Tatitojj Supayarojj jisct'araquïnwa: —¿Cawquitsa jumajj jutta? —sasa. Supayasti saraquïnwa: —Nayajj orake maysat maysa muytanïwitwa jutascta —sasa.

Salmos 104:21

leonanacajj mank'atjam wararipjje, Diosat mank'a mayisipjje.

Salmos 109:6

Ñankha lurir jakeruy taripiripatac ucham, pachpa arjjatiripajj juchañchpan;

Proverbios 19:12

Reyin colerasitapajj leonan wararitapjamawa; qhuyapayasiñapasti alinacaru sullajj sulljjatquisa uqhamawa.

Proverbios 20:2

Mä colerata reyejj warariri leonar uñtatawa; qhititejj jupar colerayqui ucajja, jacañapjja jan walt'añaruw puriyasqui.

Proverbios 28:15

Mä jan wali apnaker khoru jilïrejj, wararir leonjamawa, jan ucajj mank'at awtjat osor uñtatawa pobre jakenacar t'akhesiyas apnake.

Isaías 50:8

Jac'ajjancasquiw nayar arjjatirejjajja. ¿Qhiticha naya toke cun saña muni? ¡Jinay takeni sarapjjañäni juezan nayrakataparu! ¿Qhiticha cun naya toke juchañchasa arsuñ muni? ¡Jutpan ucatsti saraquitpan!

Jeremías 2:15

¿Cunatraqui leonanacjama nuwantapjjesti, jach'at warart'asisa? Orakepjja k'ala tucjatwa antutawayapjje, marcanacapasti ninampi naqhantayataraqui, janiraquiw qhitis ucanacanjja kheparcjjeti.

Jeremías 51:38

Take jupanacasti leonanacjamaw wararipjjaraquini, león kallunacjamaw ojjopjjaraquini.

Ezequiel 19:7

Palacionacansti k'alpunwa t'unthapiraquïna, marcanacsa k'alwa t'unjaraqui; wararitapampisti take acapacharuw qhathatiyaraqui.

Ezequiel 22:25

marca apnakerinacamasa leonanacjama catutanacaparus wararisin wicanukapquejja uqhamäpjjewa, orakepansti jakenacaruw mank'antapjje, take imasitanacapsa, kamir cancañapsa lunthatanipjjaraquiwa, walja warminacaruw ijma uñjasiyapjjaraqui.

Daniel (hebreo) 6:24

Uca khipatsti reyin arsutapatwa, cawquïri jakenacatejj Daniel toke jan wali amtapcatayna ucanac jawsayanitayna, warminacapa, wawanacapamppacha, jupanacasti leonanacan putunacaparu jakontatäpjjänwa; janïraw leonanacan putunacapa mankharu puripcänti ucapachaw jupanacjjaru leonanacajj jaljjatasin jisc'a jisc'a wicanokapjjäna.

Oseas 11:10

Jupanacasti Tatituruw arcapjjani, jupasti mä leonjamaw warariraquini. Warariniwa, ucatsti jupanquirinacajj qhathatt'asisaw inti jalanta toket jutjjapjjani.

Oseas 13:8

Wawanacap chhakhayasiri osar uñtataraquiw jupanacarojj thaquin jicjjatä, ucatsti jisc'a jisc'a chuymapjja tucjä. Mä leonar uñtataraquiw pachparu jupanacjja mank'antä; mä monte animalar uñtataw jupanacarojj tucjä.

Joel 3:16

Cunapachatejj Tatitojj jach'a arupa Sión kolluna, uqhamarac Jerusalenan ist'asiyi ucqhajja, alajjpachas, acapachas qhathatiwa. Ucampis Tatitojj israelitanacan arjjatiripawa, jupanacajj marcapäpjjatap laycu.

Amós 1:2

Saraquïnwa: “Cunapachatï Tatitojj Jerusalén marcana, Sión kolluta wali jach'a arumpi art'i ucapachajj uywa mank'aña pastonacas pharsuwa, Carmelo sat kollusti k'alaw wañsuraqui.”

Amós 3:4

Cuns catji ucqhaw leonajj ch'umin wararejja; cuna catjatas utji ucqhaw león wawanacajj putupan ojjopjjejja.

Amós 3:8

¿Qhitis jan sustjasispajja leonan wararitap ist'asajja? ¿Qhitis jan parlaspajja Tatitun sutiparojja jupatejj “parlam” saspa ucqhajja?

Zacarías 11:3

Awatirinacasa jach'ata wararipjje, ucqha suma pastonacajj tucjata kheparatapata. Leonan wararitapasti ist'asiraquiwa, Jordán jawira thiyan alinacajja tucjata kheparatapata.

Zacarías 3:1

Ucjjarusti Tatitojj uñacht'ayituwa mä uñjäwinjja Josué sumo sacerdoteru, jupasti sayt'atäscänwa Tatitun angelap nayrakatana. Josué chachan cupëjjapansti supayaraquiw sayt'atäscäna juchañchañataqui.

Mateo 13:39

Jan wali jathampi phawantirïqui ucasti, pachpa supayawa. Yawthapiña horasasti acapach tucuscan uca uruwa, uca yapu apthapiristi angelanacawa.

Mateo 24:42

“Jumanacajj suyapjjapunim, janiw yatipctati cunürutejj Tatitojj jutcan ucjja.

Mateo 25:41

Ch'ekäjjapancquis ucanacarojj saraquiniwa: “Nayat jithektapjjeta maldicitanaca, wiñay akquir ninar sarapjjam cawqhatejj waquichatäqui supayataqui angelanacapampitaqui ucaru.

Mateo 4:1

Uca khepatsti Ajayuw Jesusarojj wasararu irpäna, ucan supayan yant'atäñapataqui.

Mateo 4:11

Supayasti uca pasatatjja sarawayjjänwa. Ucatsti angelanacaraquiw jutasinjja Jesusarojj sirvipjjäna.

Marcos 4:15

Yakhep jakenacajj thaquir purquis uca jathanacar uñtatawa. Diosan arunacap ist'apquis ucspachaw supayajj jutasin chuymanacapat uca arunacjja k'al chhaktayi.

Lucas 21:34

“Amuyasipjjam, jan chuymanacamjja vicionacampi machañanacampi kalarayasipjjamti, uqhamarac aca jacañan llaquisiñanacampisa jan qhä urun jumanacajj acatjamat catjayasipjjañamataqui,

Lucas 21:36

Jumanacajj janc'aquïpjjamaya, uqhamarac orapjjam, take horasana uqhamat take acanac pascani ucat jaltapjjañamataqui, uqhamarac Jaken Yokap nayrakatan uñstapjjañamataquisa.”

Lucas 22:31

Jesusajj saraquïnwa: —Simón, Simón, amuyasim, Supayajj mayiwa jumanacarojj trigjam jawk'suñataqui.

Juan 8:44

Jumanacan awquimajj Supayawa, jumanacajj Supayancapjjtawa. Cuntejj jupajj munqui ucwa lurapjjaractajja. Supayajj kalltatpacha jake jiwayiriwa. Janiw cunapachas jupajj chek parlquiti, jupajj c'arïtap laycu. Cunapachatejj c'arinac parlqui ucqhajja jupatacwa parlasqui, c'arïtap laycu, uqhamarac c'arin awquipätap laycuraqui.

2 Corintios 2:11

uqhamata Supayajj jan jiwasar atipjañapataqui. Yatiractanwa cunja jach'a sallkäquitejj Supayajj ucjja.

Efesios 4:27

Janirac Supayarus jac'achayasipjjamti.

Efesios 6:11

Jarc'akasipjjam take armanactejj Diosajj churapctam ucanacampi, Supayan c'ari arunacaparu atipjañataqui.

1 Timoteo 2:15

Ucampis warmejj wawanïsina, uqhamarac lurañanacapa phokhasinwa khespiyasini, jupatejj iyawsañampi, munasiñampi, k'oma cancañampi suma amuyt'ampiraqui sarnakani ucajja.

1 Timoteo 2:9

Uqhamaraqui warminacajj cunatejj isisiñäqui ucac isisipjjpan; janirac sinti jiljañampis ñic'utanacapsa c'achachasipjjpati, ni korimpisa, perlanacampisa, ni wali jila alan isinacampisa,

1 Timoteo 3:11

Uca pachparaquiw warminacas respetompi sarnakapjjañapa, jan arunac apnakeriraqui, suma amuyumpi sarnakasa, take cunans chekap lurasaraqui.

1 Timoteo 3:2

Ucatpï cawquïritejj obispöchi ucajja, jan qhitins camscayaw jacañapa. Mä sapa warmini, mä suma jacañan jacañapawa, take amuyt'ampi uqhamarac respetompi. Utapar sart'irinac catokañataquejja waquicht'atäñapawa, yatichañataquis asquïñaparaqui.

2 Timoteo 4:17

Ucampis Tatituwa yanapitu, ch'am churaraquitu, uqhamat khespiyasiñ arunac parlañajjataqui, qhitinacatejj Tatitur jan uñt'apqui uca jakenacan ist'apjjañapataqui. Uqhamwa Tatitojj leonan lacapat khespiyitu.

Tito 1:8

Jan ucasti janc'aquïñapawa utapar visitanac catokañataquejja, takerus qhuyapt'ayirïñapawa, suma amuyun jake, asquiraqui, Diosar catuyata, suma yatichataraqui.

Tito 2:12

Uca qhuyapayasiñaparaquiw yaticharaquistu juchampi, acapachar munañampi apanucjjañasa. Ucatsti aca orakenjja mä suma amuyumpi, chekapana Dios chuymaraqui sarnakañasa.

Tito 2:2

Chuyman jilïrinacasti jan camscayäpjjpan, ajjsart'añani, suma amuyuni, suma iyawsañani, munasiñani, uqhamarac llamp'u chuymani.

Tito 2:4

Uqhamat tawak warminacarus chachanacapar munañ yatichañataqui, uqhamarac wawanacapar munañsa.

Tito 2:6

Uqhamaraqui waynanacarus waytt'am suma amuyunïpjjañapataquipuni.

Santiago 4:7

Diosaruy jaysapjjam, Supayataquisti sayt'asipjjaraquim, uca Supayasti jumanacatjja jaltawayjjaraquiniwa.

1 Pedro 1:13

Ucatpï jilatanaca, jumanacajj wali amuyt'asipjjam cuntï lurapcäta ucanacatjja, uqhamarac mä suma jacañan sarnakapjjaraquim. Take chuymaraqui suyt'apjjam cuntejj Diosajj qhuyapayasiñapanjja jumanacar churañataqui waquichasqui Jesucristojj jutcani ucqhajja.

1 Pedro 4:7

Take cunan tucusiñapajj jac'anquiwa, ucatpï jumanacajj wali amuyt'ampi sarnakapjjañamajja, uqhamarac oracionsa jan jaytas lurapjjañamajja.

Apocalipsis 12:10

Ucatsti mä jach'a aru alajjpachat ist'ta aqham siri: “Purinjjewa Diosasan khespiyasiñapajja, munañanïñapasa, jupan apnakañapasa, Jesucristona munañapampi apnakañapasa. Jilanacasaru c'arintasa juchañchirïqui ucasti ucatjja jaksutäjjewa, jupasti uruy arumaraquiwa, jilanacasarojj Dios nayrakatan juchañchäna.

Apocalipsis 12:12

Alajjpachanacasti ucan utjirinacasa cusisipjjam. Ucampis, ¡wali llaquisiñaraquiw oraken uqhamarac kotan utjirinacataquejja! Supayasti jumanacan ucaruw wali colerat juti, tiempopan juc'aquïtapa yatisina” sasa.

Apocalipsis 12:9

Uqhamajj uca dragonajj jakonucutäjjänwa alajjpachatjja. Uca dragonapï nayrapacha uca jach'a catarïnjja, ucasti Supaya, Satanás sataraquiwa, juparaquiw aca oraken jakenacarojj wali sallkjañanac luri. Jupampi angelanacapampisti aca orakeru jaktanitäjjapjjänwa.

Apocalipsis 20:10

Sallkjir Supayasti nina asufre kotaru jakontatänwa, cawqhanccäntï c'ari profetampi uca jach'a ajjsarcañ animalampejj ucaru. Ucanwa uruy aruma t'akhesipjjani wiñayan wiñayapataqui.

Apocalipsis 20:2

Aca angelasti dragonaruw catuntäna. Uca dragonasti nayrapacha catari pachpa Supayawa. Catuntasinsti waranka marataquiw ñach'antaraquïna.

Jueces 14:5

Sansón waynasti, awquipampi, taycapampi uqhamaw Timnat sat marcaru sarapjjäna. Cunapachatejj marca jac'a uva yapunacar puripcäna ucqhajja mä leonawa warart'asis mistsunïna jaljjatañataqui.