1 Pedro 5:6

Aymar Bibliia 1986

Jisc'aruy tucupjjam Diosataquejja, uqhamat jupajj jumanacar horasaparu jach'ar aptañapataqui.

Jak'a apnaqawi uñst'ayäwi

1 Reyes 21:29

“¿Uñjtati cunjämsa Acab reyejj nayan nayrakatajjan jisc'ar tucujja? Ucampis nayan nayrakatajjan jisc'ar tucutapatjja, janiw familiapjjarojj jan walt'añjja apayancäti jupan jacañapcama, jan ucasti wawapan jacañapanwa ucjja apayanëjja” sasa.

2 Reyes 22:19

chuymaman llaquisitamata, nayarusa jutatamata arsutanacajja ist'asina aca orake contra, uqhamarac take utjirinacap contraraqui, tucjatäñapataqui, maldicitäñaparaqui. Ucatsti isima ch'iyanokasitamata, uqhamarac nayan nayrakatajjana jachatamatsa, nayajj jumarojj ist'smawa. Naya Tatituwa ucjja sisma.

2 Crónicas 12:12

Uqhamawa Roboam reyin jisc'ar tucutapata, Tatitun jupa toke colerasiñapajj t'acjjäna, ucatsti janiw take tucjcänti. Ucanacasa utjcchïna ucasa Judá orakenjja asqui luräwinacajja utjaraquïnwa.

2 Crónicas 30:11

Ucampis yakhep jakenacajja Aser, Manasés, Zabulón uca tribunacatjja Diosan nayrakatapanjja jisc'aruwa tuct'apjjäna, ucatsti Jerusalenarojj jutapjjänwa.

2 Crónicas 32:26

Ucampis Ezequiasajj jach'a jach'a tuccasinsa jupajj jisc'aruw tucüna Diosan nayrakatapana, uca pachparaquiw Jerusalenanquir jakenacasa lurapjjaraquïna. Ucatsti Tatitojj Ezequiasan jacäwipanjja janiw colerasiñapjja jupanacjjaru apayancänti.

2 Crónicas 33:12

Ucatsti cunapachatï wali t'akhesiana jicjjatascäna ucqhajja, Tatit Diosaparuwa art'asïna, ucatsti nayra awquinacapan Diosap nayrakatanjja walipuniwa jisc'aru tuct'äna.

2 Crónicas 33:19

Jupan oración luratapasa, uqhamarac catokatapasa, jucha luratanacapatsa, jan sum saratanacapatsa, cawqhanacarutejj yakha diosanacataqui santuario utanaca luraycäna ucanacatsa, Asera diosanaca uchayatapatsa, uqhamarac diosanac uchayatapatsa janïra Diosapatac jisc'ar tuct'cäna ucqha, profetanacapan sarnakäwipar kellkatawa.

2 Crónicas 33:23

Ucampis jupajj janiw Tatitun nayrakatapana jisc'ar tuct'cänti Manasés awquipjama, jan ucasti juc'ampiw juch luräna.

2 Crónicas 36:12

Ucampis jupan luratanacapasti jan walinacänwa Tatit Diosapan nayrakatapana. Jupasti Dios toketa parlir Jeremías profeta nayrakatapanjja janiw jisc'ar tucuñ muncänti.

Job 36:22

“Diosan jach'a ch'amapat amuyasim. Janiw qhiti yatichirisa jupjamajj utjquiti;

Salmos 75:10

Jupaw ñankha lurir jakenacan munañan cancañap tincuyani, asqui jaken ch'aman cancañapsti jiljjatayaniwa.

Salmos 89:13

Amparamajj take ch'amaniwa; ch'eka amparamajj jan atipcayawa, cupi amparamasti wali ch'amaniwa.

Éxodo 10:3

Ucatsti Moisesampi, Aaronampejj faraonan ucar sarasinjja sapjjänwa: —Hebreonacan Tatitu Diosapasti aqham siwa: “¿Cunapachcamasa nayataqui jan llamp'u chuyman tucjjäta? Antutjjam marcajjaru nayar yupaychiri sarjjapjjañapataqui.

Éxodo 3:19

Ucampis nayajj yattwa, Egiptonquir reyejja janiw antutañ munapcätamti, janitejj wali ch'amampi jariyt'atäcani ucajja.

Éxodo 32:11

Ucat Moisesajj Tatitu Diosaparuw mayïna aqham sasa: —Tatitu, ¿cunatsa colerasïta jakenacamataquejja? Juma pachpajjay Egipto marcatjja irpsunstajja jach'a ch'amamampi, uqhamarac jach'a cancañamampejja.

Proverbios 29:23

Jach'a jach'a tucuñajj jakerojj jisc'aruw tucuyi, ucampis jisc'aru tucuñawa jach'ar aptatäñjja utjayi.

Isaías 2:11

Jach'a jach'a tucur jakenacasti alt'atäpjjaniwa, jach'a ch'aman tucur jakenacasti alt'ayataw uñjasipjjani. Uca urusti Tatituquiraquiw jach'a cancañap uñacht'ayani.

Isaías 40:4

Take p'iyanacsti phokhantapjjam, kollunacsa, patanacsa qhusqhachapjjaraquim, take jakhenacsa, kollunacsa suma pampachjapjjaraquim.

Isaías 57:15

Alajjpachanquiristi, qhititejj wiñayatac jacqui, sutipasti kollanaraqui, ucajj aqham siwa: “Nayajj mä alto kollan chekanwa jacta, ucampisa qhititejj alt'at chuymani, llact'ata sarnakaraqui ucanacarusti ch'amañcharactwa.

Jeremías 13:18

“Reyirusa, reina taycarusa saraquim: ‘Uca reyin konuñapat sarakanipjjam, orakeru kont'asipjjaraquim, p'ekepatsti cawquïri coronatejj suma c'achachcäna ucajj jalaktjjewa.’

Jeremías 44:10

Janiraquiw jumanacajj jichhacama sarnakäwinacamsa asquichasipctati, janiraquiw ajjsartañas utjapctamti, cuna yatichäwi leyinactejj nayajj jumanacaru, uqhamaraqui awquinacamaru churapcsma ucanacsa janiraquiw phokhapctati.

Ezequiel 17:21

Suma soldadonacapas guerranwa jiwarapjjani, ucat jilt'irinacasa take tokeru ananucutäpjjaraquiniwa. Ucapachaw jumanacajj yatipjjäta, naya Tatitun parlascatajja.

Ezequiel 21:6

“Jumasti, chacha, jichhajj walpun jacham, chuymamajj k'ala chhaktatäcaspas uqhama; take jakenac nayrakatan jacham.

Daniel (hebreo) 5:22

Jumasti, Belsasar, uca reyin yokapätawa, asquiraquiw yatisctajja cunatejj awquimaru pascäna ucsa, ucampisa janiw alt'at chuymampi sarnakctati.

Levítico 26:41

nayasti jumanaca contraw sayt'araquëjja ucatsti uñisirinacaman marcaparuw apapjjaraquïma; ucanwa jan Diosar uñt'iri amuyunacamajj jisc'achata uñjasini, juchanacapatsa mutuyäwi catokapjjaraquini.

Miqueas 6:8

Jake, Tatitojj sistamwa, cunatejj asquïqui ucjja, uqhamarac cuntejj jupajj jumatjja suyqui ucsa; jumajj chekapäqui uc luram, qhuyapayasiriraquim, uqhamarac Tatit Diosamarus alt'at chuymamampirac jaysam.

Mateo 23:12

Qhititejj jach'a jach'a tucchi ucajj jisc'achatäniwa, ucampis qhititejj jisc'achatächi ucajja jach'añchatäniwa.

Lucas 1:52

Munañaninacarusti luräwinacapats apakewa, ucatsti jan yäkatanacaruw jach'ar apti.

Lucas 14:11

Qhititejj jach'a jach'a tucu ucajja, jisc'ar tucuyatäniwa, ucampis jisc'ar tucurïqui ucasti jach'ar tucuyatäniwa.”

Lucas 18:14

Sapjjsmawa, aca impuesto cobririw Diosan perdonata utaparojj cuttawayjjäna; fariseosti janiwa. Qhititejj jach'a jach'a tucqui ucajja, jisc'ar tucuyatäniwa, jisc'ar tucqui ucasti jach'ar aptatäniwa.

Romanos 5:6

Cunapachatejj jiwasanacajj jan ch'amanïcäyätan jiwaspacha khespiyasiñataquejja, ucapachaw Cristo Tatitusajj horasapar jiwawayi jiwasan juchanacas laycu.

1 Corintios 10:22

¿Jan ucajj Tatituruch colerayañänejja? ¿Jiwasajj Tatitut sipansa juc'ampi ch'amanïtancha?

Deuteronomio 32:35

cawquïri phoksusiñ urutejj jutcani, ucata cuntï mayitaparjama churañataqui, cuna urutï aynacht'añapajj purincani ucqha. ¡Niyaw jac'ancjje t'unjatäñap urojja, niyaw jac'ancjje horasapajja!

1 Timoteo 2:6

Jesucristojj jiwañaruw catuyasiwayi takenin khespiyasiñap alañataqui, acasti horasaparuw yatiyasiraqui.

Tito 1:3

Jichhajj horasaparuw Diosajj khanañchistu uca arsutapjja arup toke, cawquïritï Khespiyir Diosajj ewjjt'awayquitu jupan camachiparjam parlañajjataqui uca.

Santiago 4:10

Dios nayrakatan jisc'ar tucupjjam, jupasti jach'aruw aptapjjätam.

Santiago 4:7

Diosaruy jaysapjjam, Supayataquisti sayt'asipjjaraquim, uca Supayasti jumanacatjja jaltawayjjaraquiniwa.

Santiago 5:10

Jilatanaca, nayra profetanacata yatekasipjjaraquim llamp'u chuymanïñjja, uqhamarac t'akhesiñsa, qhitinacatejj Tatitun sutipjjaru parlapcäna ucanacata.