1 Pedro 5:5

Aymar Bibliia 1986

Uqhamaraqui, jumanacajj waynanaca, jilïri chuymaninacarojj ist'apjjam. Takeniw maynit mayniru ist'asipjjañama llamp'u chuymampi: “Diosajj jach'a jach'a tucurinacarojj jisc'achiwa, llamp'u chuymaninacarusti munasiñapanjja yanaparaquiwa.”

Jak'a apnaqawi uñst'ayäwi

2 Crónicas 6:41

“Dios Tatitu, sartasimaya jumampi arust'äwiru mantata ch'aman arcamampi, ucatsti jutamaya cawqharutejj jumajj samarcäta ucqharu. Dios Tatitu, sacerdotenacamasa khespiyasiñampi isintatäpan, uqhamarac jumar sum arquirinacamas juc'amp nayrar sartpan,

Job 22:29

Diosajj jach'a jach'a tucurirojj jisc'achiwa, alt'at chuymanirusti khespiyaraquiwa.

Job 29:14

Cheka cancañampi jan lunthatasiñampisti nayan pachpa jacañajjänwa; ucanacasti nayataquejj mä isjamänwa.

Salmos 132:16

Sacerdotenacaparojj khespiyasiñ isimpiw isthapiyä, arquirinacaparusti cusisiñampiw art'asiyä.

Salmos 132:9

Sacerdotenacamajj cusisiñ isimp isthapisipjjpan, jumar iyawsirinacajj cusisiñat art'asipjjpan.

Salmos 138:6

Tatitojj alajjpachancchi ucasa, llamp'u chuyman jakerojj uñtaniwa, jach'a jach'a tucur jakerusti jayat uñt'i.

Proverbios 25:7

jilïrinacan p'enkachatäñata sipansa juc'amp asquiwa: “Acqhar kont'asim” satäñajja.

Proverbios 3:34

Tatitojj jisc'achiri jakenacarojj jisc'achiwa, ucampis llamp'u chuyman jakenacatsti qhuyapayasiwa.

Isaías 57:15

Alajjpachanquiristi, qhititejj wiñayatac jacqui, sutipasti kollanaraqui, ucajj aqham siwa: “Nayajj mä alto kollan chekanwa jacta, ucampisa qhititejj alt'at chuymani, llact'ata sarnakaraqui ucanacarusti ch'amañcharactwa.

Isaías 61:10

“¡Tatituncjjasinjja cunjsa cusistjja! Diosajjancatajjatsti cusisiñan phokt'atätwa nayar khespiyatap laycu, atipjañsa churatap laycuraqui. Cunjämatejj mä casarasir waynajj coronap uchasejj uqhamätwa, jan ucajj cunjämatejj mä casarasir tawakojj c'achacht'asejj uqhamätwa.

Isaías 66:2

¡Take acanacjja nayaw amparajjampi lurta, uqhamatwa utjañjja kalltapjjaraqui! Naya Tatituw ucjja arsta. “Cawquïr jaktejj nayajj uñtascta ucajj qhititejj pobre, llact'ata sarnakqui, arunacajjsa suma ist'caraqui, phokcaraqui ucawa.

Ezequiel 26:16

Kota tokenquiri reyinacasti trononacapatjja sarakanipjjaniwa, capanacapsa, suma bordata isinacapsa apsusipjjaraquiniwa; qhathatisaraquiw orakeru kont'asipjjani, sapa horasaw qhathatipjjani, jumar uñjasasti wali mayjt'atäpjjaraquiniwa.

Daniel (hebreo) 11:12

Uqham atipjatapasti, uñisirinacapan waljani jiwaratapatsa uca reyirojj wali jach'achasiyaraquini, ucampisa jupan munañanïñapajj janiw wiñayataquïcaniti.

Levítico 19:32

“Jilïri jakenac nayrakatansti sayt'asisina jupanacarojj mä suma ajjsart'aña uñacht'ayaraquim. Tatitu Diosamaru ajjsartatamsa uñacht'ayaraquim. Nayätwa Tatitojja.

Lucas 22:26

Jumanacasti janiw uqhamäpjjañamäquiti; qhititejj jumanac taypinjj jilïrïqui ucajj juc'amp sullquïrjamäñapawa, jilïrïqui ucajja sirvirïñapawa.

Romanos 12:10

Maynit maynicamaw munasipjjañama jila purjam take chuymampi, suma aytat sarnakañansti purapat suma ajjsartañampi uñjasisa.

Romanos 13:14

Jan ucasti Jesucristomp isthapt'asipjjam, janiraqui lup'ipjjamti janchin munañapa lurañjja.

Efesios 5:21

Maynit maynicama, Diosar ajjsartasina purapat ist'asirïpjjam.

Filipenses 2:3

Jan cunsa lurapjjamti purapat ch'ajjwasajja, ni jach'a jach'a tucuñ munasasa, jan ucasti alt'at chuymampi lurapjjam, maynit mayniru uñjasipjjam, maynejj jupat juc'amp sumäcaspas uqhama.

Colosenses 3:12

Diosajj jumanacarojj munapjjtamwa, jupancapjjañamataquiw ajllisipjjtam. Uqhamajj qhuyapayasiñampi, suma jakëñampi, jisc'ar tucuñampi, llamp'u chuymanïñampi isthapitay sarnakapjjam.

1 Timoteo 5:1

Chuymani awquinacarojj jan tokemti, ucampis suma ewjjanac churam awquimäcaspas uqhama, waynanacarojj jilamarjam uñjam.

Hebreos 13:17

Ist'apjjam irpirinacamarojja, jaysapjjaraquim jupanacarojja; jupanacaw almanacamatjja llaquisipjje, Diosar take jumanacat cuenta churañäqui uc yatisina. Janirac ch'amsa tucuyapjjamti, jan ucasti cunatejj juparojj cusisïyqui uc lurapjjam, jan uqhamäspajja janiw cuna asquïcaspas jumanacataquejja.

Santiago 4:6

Ucampis Diosajj qhuyapayasiñapampiw yanapistu, Kellkatasti saraquiwa: “Diosajj jach'a jach'a tucuri jakenacarojj janiw yanapquiti, ucampis munasiñapanjja llamp'u chuymaninacaruw yanapi” sasa.

1 Pedro 3:8

Uqhamasti jumanacajj suman sarnakapjjam, qhuyapayasipjjaraquim jumanaccamajja jilapurjama munasisa, llamp'u chuymanïpjjaraquim.

1 Pedro 4:1

Ucatpï jilatanaca, cunjämtejj Tatitojj janchipan t'akhesiwayejja, jumanacajj janc'aquïpjjañamaraquiwa t'akhesiñataquejja. Ucatwa uca janchin t'akhesirejja, juchjja apanucuwayjje,

1 Pedro 4:5

Ucampis jupanacajj, qhititejj waquichasisqui jiwirir jaquirir taripañataqui, jutcani ucaruw luratanacapata churapjjani.