1 Pedro 5:3

Aymar Bibliia 1986

jan jumanacas uca ovejanacjjaru munañïpcasmasa uqhamjja, jan ucasti ovejanacarojj mä suma yatichäwi uñacht'ayasa.

Jak'a apnaqawi uñst'ayäwi

Salmos 33:12

Tatitut Diosanïqui uca marcajj cusisiñaniwa, jupatac ajllitäqui uca marcajj cusisiñaniwa.

Salmos 74:2

Nayra pachatpach jicjjatasit marcamat amtasim, jumancañapatac khespiyat marcamat qhuyapayasim, utjäwim uchasit Sión kollut amtasiraquim.

Ezequiel 34:4

Pisi ch'ama ovejanacarojj janiw yanapt'apctati, usutanacarus janiw kollt'apcaractati, cayu p'aquita ovejanacarus janiw ch'okjjatt'apcaractati, jan ucasti khoru cancañampi jan munasiñampiw uñjapjjaractajja.

Miqueas 7:14

“¡Tatitu, marcamarojj uñjamaya, juman ovejanacamaru, jupanacasti sapaquiw ch'umi mankhancasipqui, suma orakenacana! Anaquimaya nayrapachanacanjama, Basán, uqhamaraqui Galaad uca chekanquir pastonacaru.

Números 18:7

Ucampisa, jumampi wawanacamampiquiw sacerdoten luräwinacapjja, altarana velo khepäjjansa lurapjjäta. Aca lurañasti jumanacaruw wact'apjjtam, nayaraquiw uca sacerdote luräwinac churapjjäma. Ucampisa cawquïritejj sacerdotet sarnakani jan cunäcasa, ucasti juchañchasin jiwayatäniwa.”

Juan 13:15

Nayajj mä uñacht'äwi churapjjsma, cunjämtï nayajj lurtjja uqham jumanacajj lurapjjañamataquiraqui.

Hechos 20:28

Uqhamasti jumanac quicpa amuyasipjjam, take iyawsirinacarus uñjapjjaraquim. Ucataquiw Kollan Ajayojj Tatitun iglesiap uñjapjjañamataqui ajllipjjtamjja. Tatitusti wilapampiw uca iglesiap alasiwayi.

1 Corintios 11:11

Ucampis Tatituncjjasinjja chachajj janiw utjcaspati jan warmïpanjja, warmisa jan chachäpanjja utjcaspati.

1 Corintios 3:5

¿Qhitiraqui Pablosti? ¿Qhitiraqui Apolosti? Diosan sirviripaquïpjjewa, jumanacajj jupanac tokracwa Tatitur iyawsapjjtajja. Sapa maynis nanacarojj cuntï Diosajj: “Luram” sapquitu ucacracwa lurapjjta.

1 Corintios 3:9

Nanacajj Diosar sirviñanjja mayaquïpjjtwa, jumanacasti Diosan yapupäpcasmas uqhamäpjjtawa, mä utar uñtatäpjjaractawa, uca utjja Diosas utachcaspa uqhama.

2 Corintios 1:24

Janiw nanacajj iyawsañanacamarojj cun sañs munapcsmati, jumanacasti iyawsañanacamanjj suma thurt'atäjjapjjtawa. Uqhamïpansti, yanapt'añ munapjjsma cusisipjjañanacamataqui.

2 Corintios 4:5

Cunapachatï nanacajj parlapcta ucqhajj janiw nanacatti parlasipctjja, jan ucasti Jesucriston Tatitütapatwa parlapjjtjja. Nanacasti jumanacan sirvirimaquiw tucupjjtjja, Jesucristor munapjjatajj laycu.

Deuteronomio 32:9

Diosan herenciapasti, jakenacapawa Jacobon marcapawa.

Filipenses 3:17

Jilatanaca, takenis nayjam sarnakapjjam, qhitinacatejj nanacjam sarnakapqui ucanacaru uñtasarac sarnakapjjam.

Filipenses 4:9

Cuntejj yatichapcsma ucanac lurapjjam, cuntejj ist'apctas uñjapcaraquistas uc lurapjjaraquim, sumancañ Diosasti jumanacampipunïniwa.

1 Tesalonicenses 1:7

Uqhamat jumanacajj mä sum sarnakañ uñacht'ayapjjtajja take ucsa Macedonianquiri, uqhamarac Acaya tokenquiri jilatanacaru.

2 Tesalonicenses 3:9

Nanacan waquisïnwa chekpachansa jumanacat yanapa mayiña ucasa, uqhampachas nanacajj irnakasipcactwa, jumanacajj nanacar uñtasina arcapjjañamataqui.

1 Timoteo 4:12

Waynätam laycojj jan jisc'achayasimti, jan ucasti, iyawsirinacampi mä suma uñtcañ sarnakam parläwimana, sum sarnakañana, munasiñana, Cristor arquirin jacañana, iyawsäwina, k'oma cancañan jacasa.

Tito 2:7

Juma pachparaqui mä suma uñtäwi uñacht'ayam take cunansa. Yatichañansti cheka cancañampi yaticham, phokhasaraqui,

1 Pedro 2:9

Ucampis jumanacajj ajllit jakenacäpjjtawa, reyir sirviri tucuyat sacerdotenacäpjjaractawa; mä k'oma marcäpjjtawa; Diosan ajllisit marcapäpjjaractawa. Acasti lurasiwa, jumanacajj Diosan muspharcañ luräwinacap yatiyapjjañamataqui. Uca Diosaraquiw jumanacarojj ch'amacat irpsusinjjapjjtam, suma muspharcañ khanapar mantjjapjjañamataqui.