1 Pedro 2:8

Aymar Bibliia 1986

Ucatsti aca aruraquiw phokhasi: “Uca kalajj mayninacarojj lanctasiyiwa liwisiyir karkaraquiwa.” Uca jakenacasti Tatitun arunacapar jan iyawsapjjatap laycuw liwisipjje, ucataqui uchatäpjjaraquïnwa.

Jak'a apnaqawi uñst'ayäwi

Job 23:14

Cuntejj jupajj nayampi lurañ amtqui ucsti lurapuniniwa, yakha ucar uñtasita yänacampi chica.

Éxodo 9:16

Ucampis nayajj ch'amajja uñjañamataquiw jacaysma, uqhamata nayan sutejjajja take orakena uñt'atäñapataqui.

Isaías 37:26

Ucampisa ¿janit jumajj yatcayäta nayan Tatitütajj-jja? ¿Janit yatcta nayan take ucanacjja uqham lurayatajj-jja? Nayra urunacatpachwa uqham lurañanacjja amtayäta, jichhasti ucanac phokhascaractjja; ucatracwa jumas suma perkantata marcanacjja t'unjasctajja, mayjaru montonthapiscaractajja.

Isaías 57:14

Ucapachaw mä arojja ist'asiraquini: “Mä suma qhusqha thaqui waquichapjjam, take jan walt'añanacsa aptapjjam marcajjan pasañapataqui.”

Isaías 8:14

Jupaw jumanacataquejj mä sipitar uñtat ch'anktasiñ kaljamänejja, uca kalasti paypach Israelan reinonacaparuraquiw liwisiyani, mä sipitjamaraquïniwa, ucat Jerusalén marcan utjirinacajj liwisipjjani.

Lucas 2:34

Ucat Simeonajj wawarojj bendicïna, Jesusan taycaparusti saraquïnwa: —Amuyam, aca wawajj Israelan waljaninacan tincupjjañapataquiwa, jan ucajj sartasipjjañapataqui uchatawa. Jupasti mä unañcharaquïniwa, waljani jan jupar catokapjjatapatjja.

Romanos 9:22

¿Diosataquisti cunaraqui, jupatejj mutuñsa mä yatichäwi toke churañ munchi ucasti? Chekpachansa jupajj wali llamp'u chuymampiwa jakenacarojj uñji, jakenacajj jach'a mutuña catokañapa waquiscchïna t'unjatäñataqui ucasa, uqham toke Diosajj ch'amanïtapa uñacht'ayasiña munasa.

1 Corintios 1:23

Ucampis jiwasanacajj Cristojj ch'accatatäcän ucjjatwa parlapjjtanjja. Uca arunacasti judionacataquejj p'enkawa, jan judionacataquisti lokhe cancañaraquiwa.

2 Corintios 2:16

Jan khespiyatanacataquejj uca incienso k'aphejj mä jan wali jiwayir k'apjamawa, ucampis khespiyatanacataquejj mä suma jacañ churir k'apjamaraquiwa. ¿Qhitiraqui ucsti amuyt'aspa?

Gálatas 5:11

Jilatanaca, nayatejj jumanacaru: “Circuncisión lurayasisipcaquim” sapjjerisma ucajja, judionacajj janiw jiwayañatac arcnakapquitaspati. Uqhamäspa ucajja janiw Criston crusapat parlañajj jupanacar mayjt'aycaspati.

1 Tesalonicenses 5:9

Diosasti janiw mutuyäwi catokañataqui uscquistuti, jan ucasti Tatit Jesucristo toke khespiyasiñ jicjjatañataquiw uscustu.

1 Pedro 2:6

Ucataracpï Kellkatan sejja: “Nayaw Sionarojj mä kala uchta esquin kalawa, ajllit kalawa, wali jila alaniraquiwa. Ucar iyawsiristi janiw mayjt'ascaniti” sasa.

1 Pedro 2:7

Jumanaca, qhitinacatejj iyawsapcta ucanacataquejj uca kalajj wali jila alaniwa; ucampis jan iyawsirinacataquejj, cunatejj Diosan arupajj sisqui ucaw phokhasiscaraqui: “Uta luririnacan apanucut kalajj, mä suma esquin kalaw tucuwayjje” sasa.

2 Pedro 2:3

Kollker sinti chuyma churatäpjjatap laycojja c'ari yatichäwinacampejj jumanacatjja k'alwa take cunsa apsupjjätam, ucampis jupanacarojj t'unjatäñaquiw suyt'jje, nayratpacha juchañchatäpjjaraquiwa.

Judas 1:4

Yakhepanacajj sallkjañanac toke mantanipjje, ucanacarusti Kellkatanacajj nayra pachanacatpachwa uñacht'ayäna cuna juchañchäwtejj catokañanacapäqui ucjja, jan wali jakenacäpjjatap laycu. Uca ñankha lurir jakenacajj Diosan qhuyapayasiñapjja maysaruw uñtayapjje jan wali luräwinacapan jacañataqui, ucatsti apanucupjjewa jiwasan mä sapa Uywirisaru Tatit Jesucristorusti jan uñt'ir tucupjje.