1 Pedro 1:18

Aymar Bibliia 1986

Diosasti jumanacarojj khespiyanipjjtamwa uca ina ch'usa jacaña nayra awquinacamata catokapcta ucata. Jumanacasti sumwa yatipjjaractajja uca khespiyasiñajj janiw tucusir korimpis kollkempis alatäquiti,

Jak'a apnaqawi uñst'ayäwi

Salmos 39:6

jaken jacañapajj ch'iwjamaquiwa; inamayaw yänacs arcuntasqui, janiw ucanac qhitin catuntasiñaps yatquiti.

Salmos 62:10

Ch'ajjwañanacarojj jan wayusipjjamti; janirac lunthatasiñar chuym catuyasipjjamti; kamiris tucusipcätajja, kollker jan alcatapjjamti.

Isaías 44:22

Nayaw juchanacamsa, pantasitanacamsa chhaktaytjja, cunjämatejj kenayanacajj chhaktapjje uqhama. Nayan ucar cuttanjjam, nayajjay jumarojj khespiysmajja.”

Isaías 52:3

Tatitusti siwa: “Janiw nayajj mä cuna kollksa catokcti cunapachatejj jumanacarojj esclavot apapjjtam ucapachajja; janiw jichhajj cuna kollksa churcaraquïti jumanacar khespiyjjañataquejja.

Jeremías 16:19

Tata, nayar ch'am churiri, nayar arjjatiri; jan walt'añ horasajjansa nayar imirïtawa; juman ucaruw marcanacajj jutapjjani, aca orake tucusitpacha, ucatsti sapjjaraquiniwa: “Nanacan awquinacajjasti, c'ari diosanaca, jan ch'amani, jan cunatac inamaya diosanacwa herenciata catokapjjänjja.

Jeremías 4:11

Cunapachatejj uca horasajj purincani ucapachasti Jerusalén marcarojj sataraquïniwa: “Wasar toket mä junt'u thayaw thayt'ani, ucasti marcajj tokeruw thayt'aniraqui. Uca thayasti janiw trigo qhuyuñataqui uqham thayäquiti.

Jeremías 44:17

Jan ucasti cuntejj lurañ amtasipjjta ucpun lurapjjäjja. Alajjpach Mama sat diosarojja incienso loktasisipcaquipunïwa, uqhamaraqui vinompisa ch'allasisipcaquïwa, cunjämtejj jichhacama lurapjjta uqhama nayra awquinacajjasa, reyinacajjasa, Judá orakenquiri jach'a jilïrinacajjasa, uca marcanacanjja uqhamaraqui Jerusalén marcan callenacapansa uqhampunwa lurapjjerïnjja. Nayrasti nanäcataquejj mank'as walïriwa, take cunas waliquïsquiriwa, janiraquiw cuna jan walt'añas jutirïquiti.

Jeremías 9:14

Jan wali chuymanacapan amtatanacaparuquiw arcapjjänjja, ucatsti c'ari diosanacaruw quillt'asipjjaraquïnjja, cunjämtejj awquinacapajj yatichcatayna uqhama.

Ezequiel 20:18

Wawanacaparus mayiraquïyätwa, cuntejj awquinacapajj lurapcän ucanacjja jan lurapjjañapataqui, cuntejj awquinacapajj sapcän ucanacsa jan phokhapjjañapataqui, janiraqui yakha diosanacampis k'añuchasipjjañapataqui.

Amós 2:4

Aqham siw Tatitojja: “Judá marcanquir jakenacajj wali ñankhanacpuni lurapjje, ucasti janiw jan mutuyatäpcaspati, Tatitun yatichäwinacapjja janiw catokapquiti, ni leyinacaps phokhapcaraquiti, jan ucasti cawquïr yakha diosanacarutejj awquinacapajj yupaychapcäna uca pachparuquiraquiw yupaychasipqui.

Números 7:15

mä vaca kallu, mä orko oveja, mä marani orko oveja ofrendat loktañataqui.

Marcos 8:37

¿Kawkharac jakesti almap khespiyasiñatac churaspasti?

Romanos 1:21

Uqham Diosan ch'amanïtapa uñt'apcchisa, jakenacajj janiw Diosarjam yupaychapquiti ni yuspagarapcaraquisa, jan ucasti juc'amp jan cunatac ina lup'ïwinacar chhaktatäpjjewa, jan walinac amtir chuymapasti ch'amact'ataraquiwa.

1 Corintios 3:20

Mayawjansti saraquiwa: “Diosajj yatiwa acapach yatiñan jakenacan amtatanacapajj jan cunataqui asquïtapa.”

1 Corintios 6:20

jan ucasti Diosaw jumanacarojj jila alampi alapjjtam. Ucatpï Diosarojj wakaychapjjañamajja janchinacamana, ajayumana ucanacasti Diosancaraquiwa.

1 Corintios 7:23

Diosaw jumanacarojj jila alampi alasipjjtam. Janipun jakenacan esclavopajj tucupjjamti.

Gálatas 1:4

Jupasti jacañap apt'asi juchanacas laycu, aca jan wali jacañat jiwasanacaru khespiyañataqui, Dios Awquisan munañaparjama.

Efesios 4:17

Acwa jumanacar sapjjsma uqhamarac ewjjt'apjjsma Tatitun sutiparu: Jan juc'ampejj Diosaru jan uñt'apqui uca jakenacjamajj sarnakapjjamti. Jupanacasti jan cunatac sirvir amuyt'anacaparjamaw jacapjje.

Tito 2:14

Jupawa jiwas laycu jiwawayi jan walinacat jiwasar khespiyañataqui, k'omachañataqui, uqhamata jupancañataqui jan karjasisa asqui lurañasataqui.

Hebreos 9:12

Cristojj Sinti Kollan Chekaruw manti, janiraquiw cabritonacan ni vaca kallunacan wilap loktirisa, jan ucasti jupan pachpa wilapa loktasiriw manti. Uqhamaw mä cutiqui takenitaqui mantawayi, ucatsti wiñay khespiyasiñwa jiwasatac jicjjataraqui.

1 Pedro 1:7

Jumanacan iyawsañanacamasti mä korir uñtataw ninampi yant'atäñaparaqui. Cawquïri iyawsañatï uca yant'anaca pasqui ucasti uca tucusir korit sipansa juc'ampi jila alaniwa. Uqhamatpï jumanacan iyawsañanacamajja, yant'atäsinjja sumat uñt'atänejja, jach'aru aptataraquïniwa cunapachatejj Tatit Jesucristojj jutcani ucapachajja.

1 Pedro 4:3

Jumanacajj waljwa luranjjapjjtajja cunatejj Diosar jan uñt'ir jakenacarojj cusisiyqui ucjja. Uca urunacanjja jumanacajj vicionacana, jan wali amtañanacana, machañanacana, wali mank'añanacana, jila umjasiñanacana, yakha diosanacar yupaychañanacanwa sarnakasipcäyätajja.

1 Juan 3:5

Jumanacajj yatipjjtawa Tatit Jesucristojj jutiwa aca orakeru juchanacas k'omachañataqui, jupanjj janiraquiw cuna juchas utjquiti.