1 Pedro 1:12

Aymar Bibliia 1986

Ucampis Diosajj jupanacarojj yatiyaraquïnwa, cuna tokettï yatjjatañ munapcän ucajj jan jupanacataquïtapa, jan ucasti jiwasataquïtapa. Ucatpï jichhajj jumanacarojj uca pachpa arunacaraqui yatiyatajja, qhitinacatejj parlapctam ucanac toke. Jupanacasti alajjpachat qhitanita Kollan Ajayun ch'amapampiwa parlapjjaractamjja. Ucanacsti angelanacas uñjañjja munapjjaraquïnwa.

Jak'a apnaqawi uñst'ayäwi

Éxodo 25:20

Aca querubines sat angelanacsti purap uñthapisitwa uchäta, arca taparu uñjjatatcama, chhekhanacapasti arca tapa patjjaru janjjatatcamäñapawa imjjatañataqui.

Proverbios 1:23

Nayan ewjja arunacajjaru ist'apjjeta, ucatsti nayaw yatiñanïña churapjjäma, yatichäwinacajjsa yatiyapjjaraquïma.

Isaías 32:15

Ucampisa Tatitun ch'amapajj wasitatwa ch'amapampi jiwasjjaru jutani, wasarasti suma yapuchasiñ orakeruw tucjjani, yapuchasiñ orakesti juc'ampi suma achuri yapuraquiw tucjjani.

Isaías 53:1

¿Qhitirac ist'atasarusti iyawsani? ¿Qhitirurac Tatitusti ch'amapjja uñacht'ayataynasti?

Daniel (hebreo) 10:1

Cunapachatejj Ciro reyejj Persia marca niya quimsa mara apnakcän ucapachasti, Daniel, cawquïritejj Beltsasar satäcaraqui ucajj mä chekpacha uñjäwi uñjäna, uca uñjäwejj janiw amuyt'añjamäcänti. Ucampisa Daniel chachajj wali amuyumpiw ucanacjja uñjäna, ucatsti amuyaraquïnwa cuntejj uca uñjäwejj sañ muncän ucjja.

Daniel (hebreo) 12:13

Ucampisa juma, Daniel, tucuyäwima tokeru sarascaquim, ucatsti samart'araquim, khepa urunacanwa sartasjjaraquïta, cunatejj wact'cätam uca catokañamataqui —sasa.

Daniel (hebreo) 12:9

Jupasti nayarojj saraquituwa: —Daniel, jumajj sarañamjja sarascaquim, take acanacasti jan qhitiru yatiyasa imatäñapawa, tucuya horasajj purincani ucqhacama.

Daniel (hebreo) 2:19

Uca arumawa Daniel waynajj mä unañchäwi toke uñjäna uca jan khanañchañjama samca toketjja, ucatwa Daniel waynajj alajjpachanquiri Diosaru jach'añcharaquïna aqham sasa:

Daniel (hebreo) 2:22

Jupaw khanañchi jamasan imantata yänacsa, cunatejj ch'amacancqui ucsa yatiraquiwa, khanasti jupancaraquiwa.

Daniel (hebreo) 2:47

Daniel waynarusti saraquïnwa: —Chekpachapuniw jumanacan Diosamajj take diosanacat sipansa jilt'atajja; jupajj reyinacjjarus munañaniwa, cunatejj imantatäqui ucanacsa khanañcharaquiwa, jumasti uca imantatjja khanañcharactawa.

Daniel (hebreo) 8:13

“Ucatsti ist'aractwa mä angelaru, yakha ángel masiparu jisct'asquiri: —¿Cunapachas aca sapa uru sacrificio loktasiñ chekan lurasqui uca luräwinacajj tucusjjani? —¿Cunapachcamas aca Tatitun kollana lugarapajj juchararanacaru catuyatäni, uqhamaraqui Diosar iyawsir jakenacasa taquisitaraquïni? —sasa.

Daniel (hebreo) 9:24

“Pakallko tunca semananacaw pasañapa marcamjjaru, uqhamaraqui kollana marcamjjarusa, uqhamat ñankha luräwiru, juchampiru tucjañataqui, ñankha luräwinacatjja pampachäwi jicjjatañataqui, ucatsti cunatejj chekapäqui uca wiñayataqui utt'ayañataqui, uqhamat unañchäwi uñjcta, uqhamaraqui profecía arunac ist'cta ucanacajj phokhasiñapataqui, ucjjarusti cawquïritejj kollanäqui ucajja Diosar catuyatäjjañapcama.

Joel 2:28

“Take acanaca khepatsti, nayajj take jakenacjjaruwa ajayojj qhitanï; yokanacamasa, phuchanacamasa nayjjatwa parlapjjani, chuymani jakenacasti samcanacwa samcapjjani, waynanacasti unañchäwinacwa uñjapjjaraquini.

Amós 3:7

Tatitojj janipuniw cuns lurcaspati profeta servirinacaparu jan yatiyasajja.

Zacarías 12:10

“Qhuyapayasiñampi oración lurañampi ajayumpiw phokt'äjja Davidat jutiri familiampiru Jerusalenan jaquirinacampirojja. Ucqhawa uñcatapjjanejja qhitirutï chhojjriñchapqui ucarojja, ucatsti llaquisipjjaniw, jachapjjaraquiniwa mä sapa wawatjama, jan ucajj jilïri wawatjama.

Mateo 11:25

Ucapachajj Jesusajj saraquïnwa: “Yupaychsmawa, Awquejja, munañaniraquïtawa alajjpachansa acapachansa. Jumawa yatiñ cancañ imanttajja wali yatiñan jakenacatjja; ucatsti juc'a yatiñan jakenacaruw uñacht'aytajja.

Mateo 11:27

“Awquejjasti take cunwa churjjetu ucampis janiw qhitis Yokarojj uñt'quiti, jan ucasti Awquiquiwa. Awquirusti janiraquiw qhitis uñt'quiti, jan ucasti Yokaquiw Awquirojj uñt'i, uqhamarac qhitirutejj Yokajj uñt'ayañ munqui ucanacampi.

Mateo 16:17

Jesusasti juparojj saraquïnwa: —Cusisiñanïtaw jumajj Simón, Jonasan yokapa. Janiw qhitis jumarojj yatiyctamti, jan ucasti alajjpachanquir Awquejjaw yatiytamjja.

Marcos 16:15

Ucjjarusti Jesusajj jupanacarojj saraquïnwa: —Take acapachar sarapjjam take jakenacar khespiyasiñ arunac yatiyiri.

Lucas 15:10

Sapjjsmawa, uqhamaraquipï cusisiñajj Diosan angelanacap taypinjj utjejja mä juchararan arrepientisitapatjja.

Lucas 2:26

ucaraquiw juparojj yatiyaraquïna Cristor uñjañcama jupan jan jiwañapjja.

Lucas 9:6

Jupanacasti mistusinjja take jisc'a marcanacaruw sarapjjäna khespiyasiñ arunac yatiyasa, uqhamarac usutanacar c'umaraptayasa.

Juan 15:26

“Cunapachatejj chekpach Chuymachiri Ajayojj jumanacar yanapir jutcani ucqhajj, jupajj nayjjat parlani. Uca chuymachirsti nayaw Awquejjat qhitanï. Ucasti chekpach Ajayuraquiwa.

Hechos 10:44

Pedrojj uqham parlquïpanwa, jupan arunacap isch'uquirinacarojj Kollan Ajayojj jutäna.

Hechos 16:10

Pablon uca unañchäwi uñjatapatsti ucspachaw Macedoniar sarañataqui waquichasipjjäyäta, khanpach Diosan jawsatapar amuyasina jupanacar yatiyañataqui Tatit toke khespiyasiñajj utjatapata.

Hechos 2:33

Uqhamasti Jesusajj Diosan cupi amparapampi aptatawa. Ucatsti Dios Awquitjja Kollan Ajayu catokaraqui, arsutaparjama. Cuntï jichhajj jumanacajj uñjapcta ist'apcaracta, ucajj Diosatwa juti.

Hechos 4:31

Oración lurañ tucuyatatsti, cawqhantejj oración lurapcäna ucawjajj qhathatïnwa. Ucatsti takeniw Kollan Ajayumpi phokt'atäpjjäna, Diosan arupsti jan ajjsarasaraquiw parlapjjäna.

Hechos 4:8

Ucatsti Pedrojj Kollan Ajayumpi phokt'atäsinjja, jupanacarojj sänwa: —Marcanquir jilïrinaca, Israelanquir jilïr jakenaca,

Hechos 8:25

Apostolonacasti Diosan arunacap parlasinjja, Samarianquir yakha jisc'a marcanacanwa khespiyasiñ suma arunac yatiyapjjäna. Ucatsti Jerusalenaruw cutjjapjjaraquïna.

Romanos 1:15

Jichhasti nayajj janc'aquïtwa khespiyasiñ suma arunac yatiyañataquejja, uqhamarac jumanacarus Roma marcan jacasir jilatanaca.

Romanos 1:17

Aca arunacasti jiwasanacarojj yatichistuwa, cunjämtï Diosajj jiwasanacar catokquistu iyawsäwi laycuqui, cunjämtejj Kellkatan sisquis uqhama: “Qhititejj Diosamp catokatäqui ucajja iyawsäwi laycuquiw jacani” sasa.

Romanos 10:15

¿Cunjämraqui yatiyapjjanisti jupanacajj jan qhitatäcasinsti? Cunjämtï Kellkatanjja sisqui uqhama: “¡Cunja sumas sumancañ arunac apanirin purinitapajja, uqhamarac suma asqui arunac yatiyatanacapasa!”

Romanos 15:19

Cunaymani milagronacampi jach'a luräwinacampiw Kollan Ajayun ch'amap toke nayajj Diosan arupa parlañjja phokta, Cristonaqui khespiyasiñajj utjatap yatiyasina, Jerusalenat kalltasina Iliria ucqhacama.

1 Corintios 2:10

Take acanacsti Diosajj Kollan Ajayu tokwa uñacht'ayistu. Uca Ajayusti take cunracwa yati, Diosan jan amuyt'cay amtatanacapsa yatiraquiwa.

2 Corintios 1:22

Mä sellompjamaraquiw jiwasanacarojj chimpt'istu, chuymasarusti Kollan Ajayu ucharaquistu, cuntejj churapjjämaw sisquistu uc catokañajj phokhasiñapataqui.

2 Corintios 6:6

Take ucanacsti uñacht'ayapjjaractwa suma sarnakatanacajjampi, cunatejj chekäqui uc uñt'apjjatanacajjampi, llamp'u chuymanïpjjatajjampi, suma chuymanïpjjatajjampi, uqhamarac Kollan Ajayojj nanacampïtap laycu chekpach munasiñanïpjjatajj laycuraqui,

Gálatas 1:12

Janiw qhiti jaketsa catokcti, ni qhitis yatichcaraquituti, jan ucasti Jesucristo pachpawa acjja yatiyitu.

Gálatas 1:16

Yokaparu uñt'ayitu, nayan khespiyasiñ arunacap jan judiöpquis ucanacar khanañchañajjataqui. Cunapachatejj acajj pascäna ucqhajj janiw qhitirus jisct'asir sarcti.

Efesios 3:10

Ucasti jichhajj iglesia tokew lurasi take munañaninacaru uqhamarac alajjpachanquir jilïrinacaru Diosan yatiñapjja take toketa uñt'apjjañapataqui.

1 Tesalonicenses 2:9

Jilatanaca, ¿amtasipjjtati cunjämsa irnakapjjäyäta, uqhamarac t'akhesipjjäyäta jacañataqui ucjja? Uruy aruma irnakapjjäyäta jumanacatac jan cuna llaquïscañataqui cunapachatejj jumanacar Diosan arunacap churapcäyäsma ucqhajja.

1 Timoteo 3:16

Janiw Diosar arcäwisana imantatäqui ucatjja payachasiñajj utjquiti, ucasti wali jach'awa: Diosajj jaker tucusaw uñstawayi; jupajj Ajayunsa asquit khanañchataraquiwa, angelanacansa uñjataraquiwa. Marcanacarojj yatiyatawa, aca orakpachanjja iyawsataraqui, alajjpachansa catokataraqui.

Hebreos 11:13

Take uca jakenacajj cuntejj Diosajj churañatac arsuwaycäna uc jan catokasaw jiwarapjje, ucampis iyawsañanïpjjatap laycojj jayatac uñtapjjäna. Uqhamatwa yatiyapjjäna acapachana sarir jakenacäpjjatapa.

Hebreos 2:4

Uqhamarusa, Diosaraquiw khanañcharaqui unañchanacampi, muspharcañ jach'a luräwinacampi, walja milagronacampi, uqhamarac cunayman toket churquistu uca Kollan Ajayu toke, munañaparjama.

Hebreos 4:2

Jiwasanacarusti khespiyasiñ arunacjj churaraquistuwa, jupanacarus churqui uqhama; ucampis jupanacarojj janiw cunats sirvquiti uca arunac ist'apjjatapajja, jan iyawsasa ist'apjjatap laycu.

1 Pedro 1:25

Ucampis Tatitun arupajj wiñayataquipuniwa” sasa. Aca arunacapï jumanacataqui khespiyasiñ yatiyata arunacajja.

1 Pedro 4:6

Ucatpï jiwirinacarojj Diosan arunacapjja parlatänjja, jupanacajj uqhamata ajayunacapanjja Diosjam jacapjjañapataqui, acapachanjja mayni jakenacjama taripatäpcaracchisapän ucasa.

Apocalipsis 5:11

Ucatsti mäquiw uñtta, walja angelanacan arunacapracwa ist'ta. Uca angelanacasti tronoru, uca jacasquirinacaru, uca jilïrinacaru muyuntatänwa. Waranka, warankanacäpjjaraquïnwa.