1 Juan 5:16

Aymar Bibliia 1986

Maynitejj jilaparu jiwañar apir juch jan lurquir uñjcchi ucajja, Diosar mayiñapawa. Diosasti jilaparojj jacañjj churaniwa, janitejj uca juchajj jiwañar apcchi ucqhajja. Utjaraquiwa jiwañar apir juchajja, janiw ucatjj siscti: “Aca juchatjja Diosar mayiñäspaw” sasajja.

Jak'a apnaqawi uñst'ayäwi

Génesis 20:17

Ucatsti Abrahamajj Diosaruw mayïna, Diosasti Abimelec reyimpiru warmipampirojja c'umarachjjaraquïnwa. Sirvientanacaparusa c'umarachjjaraquïnwa wawanïpjjañapataqui.

Génesis 20:7

Ucampisa jichhajj uca warmjja chachapar irpjjaruyjjam, jupasti profetawa, juman jacañam laycusa achict'araquispawa, ucampisa janitejj chachaparu irpjjaruycjjätajja, chekpachansa jumampi, familianacamampejja jiwarapjjätawa” sasa.

Salmos 106:23

Diosajj jupanacar tucjañ munäna; jupan ajllit Moisesasti, nayrakatapan achict'äna, ucat k'apisiñap t'acurayäna.

Éxodo 34:9

—¡Dios Tata! Nayasti juman qhuyapt'ayasiñamjja jicjjatwa, jichhasti nanacampi chicay saram. Chekpachansa aca jakenacajja juma contra tucurinacäpjjewa, ucampis perdonapjjetay nanacan jan walinac luratanacajjata, uqhamarac juchanacajjatsa, jumatacjama tuct'ayasay catokt'asjjapjjeta —sasa.

Jeremías 11:14

Uqhamasti jumajj Jeremías jan mayimti aca marcataquejja; jan nayarojj oracionanac loktanistati, janiraqui jupanacataquis mayistati, jupanacarusti janiw ist'cäti cunapachatejj mayisipjjetani yanapa jan walt'aña horasanacapana ucapachajja.

Jeremías 14:11

Tatitusti saraquituwa: “Jan aca marcan asquincañapataqui mayistati.

Jeremías 7:16

“Jumasti Jeremías, jan aca marcataqui Tatitut mayimti, jan nayarojj achict'asquistati jupanacataquejja. Jan juc'ampi parljjestati, janiw nayajj ist'cämati.

Ezequiel 22:30

Nayasti uca jakenac taypinjja thakaraquïyätwa mayni asqui jake aca marcataqui mä cuna ascsa lurañapataqui, nayarusa achict'añapataqui jan aca marca t'unjañajjataqui, ucampisa uca jakjja janiw jicjjatcti.

Números 12:13

Ucatsti Moisesajj Tatitu Diosaruw mayïna aqham sasa: “Dios Tata, jumaruw achict'assma c'umarachjjañamataqui” sasa.

Números 15:30

“Ucampisa mä jaketejj juch lurchi sum amuyasisa, israelitäpansa, yakha marcat jutir jakëpansa, ucasti nayaruw ñankhachitu. Uca jakesti marcap taypitjja jakonucutäniwa.

Lucas 12:10

“Take qhititejj Jaken Yokapjjat parlcani ucajja perdonatäniwa; ucampis qhititejj Kollan Ajayjjat jan walinac parlcani ucajja, janiw perdonatäcaniti.

Juan 17:9

“Nayajj jupanacataquiw maysma, janiw maycsmati acapachanquirinacataquejja, jan ucasti churquista ucanacataquiw maysma jumanquirinacätap laycu.

2 Timoteo 4:14

Herreröquis uca Alejandrojj sinti jan walinacwa lurawayitu; Tatituw juparojj uñjascani cuntejj nayarojj lurquitu ucatjja.

1 Juan 5:17

Take jan wali luräwejj juchawa, ucampis utjiwa jiwañar jan apir juchajja.

1 Samuel 12:19

ucatwa Samuelorojj takeni sapjjäna: —Jumajj Tatitu Diosamaru aca sirvirinacamataqui achict'am, jan jiwarapjjañajjataqui, take jucha luratanacajj-jjarusti rey mayitampwa yapt'apjjtajja —sasa.

1 Samuel 2:25

Mä jaketejj mayni jakeru cuna jan walsa luraspa ucqhajj Tatitojj uca jaketjja arjjataspawa, ucampisa mayni jaketejj Tatituru ñankha lurcchi ucasti, ¿qhitirac jupat arjjataspa?” sasa. Ucampisa jupanacajj janiw cuntejj awquipajj siscäna ucarojj ist'apcänti, Tatitojj jupanacat jacañanacap apakjjañ amtjjatap laycu.