1 Juan 3:12

Aymar Bibliia 1986

Janiw Cainjamäñasäquiti, jupajj Supayanquirïnwa ucatwa jilaparu jiwayi. ¿Cunats jiwayänjja? Cainan luratapajj janiw walïcänti, jilapan luratapasti asquiraquïnwa.

Jak'a apnaqawi uñst'ayäwi

Génesis 4:25

Adanampi, Evampisti wastatwa wawanejjapjjäna, uca wawasti Set satänwa, ucatsti saraquïnwa: “Diosajj yakha wawa churjjetu, cawquïrirutejj Cainajj jiwaycänsa uca Abel lanti” sasa.

2 Samuel 13:22

Absalón jilapasa Amnonarojj janiraquiw cunsa siscänti aca toketjja, Tamar cullacaparu uqham jan wali luratapata wali colercchïna ucasa.

Salmos 37:12

Ñankha lurir jakejj, ñankha lurañ asqui jakerojj amti, jupataquejj uñisiñat laca ch'aqhap t'urusi;

Salmos 38:20

asqui luratatjja jan walimpiw cutiyapjjetu, asqui lurañ munatajjatjja nayataquiw thoktasipjje.

Proverbios 27:4

Colerasiñajj jan wali tucjiriwa, ucampis envidiasiñajja ucat sipansa juc'amp jan waliwa.

Proverbios 29:10

Jake jiwayir jakenacajj asqui jakenacarojj uñisipjjewa, ucampis asqui jakenacajj thakapjjewa cunjämata jupanacampi sumancañsa.

Proverbios 29:27

Cheka lurir jakenacajja uñisiwa jan wali jakenacarojja; ñankha lurir jakenacasti cheka lurir jakenacarojj uñisiraquiwa.

Mateo 13:19

Take qhitinacatejj Diosan suma yatiyäwipa ist'apqui ucat janiraqui amuyt'apqui ucanacajj, thaqui thiyarus purcatayna uca jathanacamp sasiwa, chuymapar purcäna uca suma yatiyäwinacsti supayaw apsuwayjje.

Mateo 13:38

yapusti aca orakewa. Suma jathäquis ucajja Diosan ajllit wawaparaquiwa, jan wali jathäqui ucasti supayan wawanacapäquis ucaraquiwa.

Mateo 23:35

Uca laycupï take suma jakenacan jiwayatäpqui ucanacajj jumanacjjancanejja, Abel sat asqui jaket kalltasina, Berequiasan Zacarías sat yokapcama, qhitirutejj jumanacajj Diosan templopan jiwayapctas uca.

Mateo 27:23

Pilatosti jupanacarojj sänwa: —¿Cuna jan walpunsa jupajj lurataynajja? —sasa. Wasitat jupanacajj sasipcaquïnwa: —¡Ch'accatatäpan! —sasa.

Mateo 5:37

Jumanacan arsuñamajja acaquïñapawa, “Jïsa”, jan ucajj “janiwa”, ucat juc'ampejja supayatwa juti.

Lucas 11:51

Abel chachan jiwatapat Zacariasan jiwatapcama. Zacariasarusti templompi altarampi jaljqui ucqhanwa jiwayapjjäna. Uqhamajj sapjjsmawa, Diosajj mayiniwa aca jakenacarojj ucanacan jiwatapatjja.

Juan 10:32

Jesusasti jupanacarojj saraquïnwa: —Jumanacan nayrakatanacamanjj asquinacwa lurta Awquejjan ch'amapampi. ¿Cawquïri luratanacajjatsa kalampi c'upjapjjetäta?

Juan 8:40

Cuntejj Diosajj nayaru yatichquitu ucaracwa jumanacarojj sapjjsma, jumanacasti uc satajjatacwa jiwayañ munapjjesta. ¡Abrahamajj janiw cunapachas uqham lurcänti!

Juan 8:41

Jumanacajj awquinacaman luräwinacapwa lurapjjta —sasa. Jupanacasti sapjjaraquïnwa: —Nanacajj janiw k'ajjat wawanacäpcti, mä sapa awquiniquïpjjtwa, ucasti Diosawa —sasa.

Hechos 7:52

¿Cawquïr profetanacarus awquinacamajj jan t'akhesiyapcänjja? Ucatsipana mayni asqui jaken jutañapat yatiyirinacarusa jiwayapjjaraquïnwa. Jichhasti jup jutjjepanjja, jumanacajj juparojj catuntasinwa jiwayapjjaractajja.

1 Tesalonicenses 2:14

Jilatanaca, cunjämatejj jumanacajj marca masinacaman t'akhesiyatäpcäyätajja, uca pachparaquiw Cristo Jesusancapqui uca Judeanquir Diosan iglesianacapajj t'akhesiyataraquïna. Jupanacasti judío marca masinacapampi t'akhesiyatäpjjänwa.

Hebreos 11:4

Iyawsäwi laycuw Abel chachajj Caín jilapat sipansa suma sacrificio Diosarojj loktäna, ucatwa Diosajj catokäna jupan ofrendapjja. Abel satäcäns ucajj jiwatäcchisa, parlascaquiwa iyawsäwip utjatap laycojja.

Hebreos 12:24

Uqhamarac Jesusarusa, jupawa machak arust'äwin arjjatiripajja, jupan k'omanchir wilapaw juc'amp suma parljjayistu Abel chachan wilapat sipansa.

1 Pedro 4:4

Uca jan Diosar uñt'ir jakenacatakejj mayjt'asiñäjjewa jumanacan jupanac chica uca k'añu luräwinacapan jan chicachasjjapjjatamajja, ucatwa jumanacatjja jan walinaca parlapjjejja.

1 Juan 3:8

Qhititejj juchan sarnakqui ucasti Supayanquiwa, Supayasti juchararawa kalltäwitpacha. Diosan Yokapasti Supayan luratanacap t'unjiriwa jutejja.

Judas 1:11

¡Ay cunancapcaquini! Cainan thaquip arquirinacajja Kollke jicjjatañ laycuw maysar saranucupjje, Balaamjama. Coré chachjamaw amuyasipjje, qhititejj juchapat jiwayatäcäna uqhama.

Apocalipsis 17:6

Ucatsti mäquiw amuyasta uca warmejja Diosan wawanacapana, Jesucristot khanañchirinacana wilapampi machjatätapa. Uc uñjasinsti wali musphataw uñjasta.